[لي نضرتي]

السلام عليكم
كيفكم ي زعماء ..

ابدخل بالموضوع على طول .. الي جالس يصير شي غريب
من الاداره و اعضاء الشرف .. معقوله وصل بنا هالحال
مابين مؤيد و معارض و الضحيه الهلال و الجماهير
الله ما شفناه بالعقل عرفناه .. واستمرار سامي ع المستويات
الي قدمها في اسيا مطلب جماهيري قبل القرار للاداره
وبعض الاعضاء الي نسمع في اسمائهم اكثر من دعمهم
انقلب الحال واصبحنا مثل نادي النصر سابقا


انا اتمنى كل الي يدور مجرد اشاعه
وبحكم ان الاداره واجهت مشاكل السنه هاذي
في حسم الصفقات مع الغامدي و الجبرين و من تخريب
و تدخلات من قبل رجالات النصر و اعلامهم وبعض
المحسوبين من اعلام هلالي في تسريب الاخبار
انا اتمنى ان كل الي يصير من الاداره تمويه للأعلام
وينشغلون بستمرار سامي او عدمه
و يكون شغل الاداره ع صفقات محليه يدعمون فيها الهلال
ويفرحون فيها الجماهير الي جالسه ع نار .

واذا كان عكس الي قلته اتوقع ان فيه شي اكبر من مشكلة
استمرار سامي من عدمها و خلافه مع بعض اعضاء الشرف
ماكان سامي درب الهلال من بداية السنه وهو متدرب
وبعد الي حققه سامي من نتايج و وصوله لدور ال 8 في اسيا
يطلعون لنا ب اشاعة هالخلاف ..

اتوقع والعلم عند الله ان التجاوزات الي صارت هالسنه
و البيان الي طلع لنا من الاجتماع و اعترافهم بهالتجاوزات
واضح ان لها علاقه في عدم استمرار سامي ..

ف اذا كان كذا ف على رياضتنا السلام ..

انا كتبت الموضوع على عجل ومن الجوال
ف اذا كان هناك اغلاط املائيه او عدم ترتيب بالكلام اعذروني