[المـــلـــكـــــي &]

ذكرت صحيفة الجزيرة ان ادارة الهلال بدأت البحث عن مهاجم اجنبي !

كيف تتعاقد مع مهاجم اجنبي وعندك هداف الدوري الزلزال !

وخاصة انك لا تعاني من مشاكل في هذه الخانة من الاساس بوجود ( ناصر ) و ( ياسر ) وايضاً ( نيفز) اللي ممكن يلعب في نفس الخانة لو اضطر الامر ...

وهل المدرب القادم راح يلعب بمهاجمين ؟

احتمال كبير ان ناصر الشمراني يجلس على مقاعد الاحتياط !! وهذي خساره كبيره للزعيم !!

واسالكم بالله هل الهلال يحتاج لمهاجم اجنبي ام لاعب وسط ايسر اجنبي خليفة ويلهامسون ؟

بكل منطقية وعقلانية : نحتاج للاعب اجنبي وسط ايسر خليفة ولي وايضاً لو اصيب نيفز يصير عندنا لاعب يعتمد عليه في الوسط

ويصير عندنا خط وسط مرعب للخصوم



ـــــــ سلمان الفرج ــــــــ سعود كريري

لاعب مثل ويلهامسون ــــ نيفز ــــ سالم الدوسري

ـــــــــــــــــ ناصر الشمراني ــــــــــ


وبطولة اسيا تحتاج لــ وسط قوي، والكل يتذكر ايام هلال جريتس كان خط الوسط هو عنصر القوة في الفريق

وليش نطالب بمهاجم اجنبي، وعندنا ناصر الشمراني هداف الدوري بـ 21 هدف على جميع الانديه الكبيره والصغيره

يلعب بروح وحماس واخلاص للشعار... ثم نكافئه بمهاجم اجنبي، ونجلسه على مقاعد الإحتياط !

واذا ناصر جاته اصابه .. عندنا ياسر لاعب كبير وعنده امكانيات كبيره، ومازال لديه الكثير ليقدمه مع الهلال

ولكن نيفز لو جاته اصابه مين بيلعب مكانه ؟؟

لهذا نطالب بــ لاعب اجنبي في الوسط خليفة ويلهامسون

واتمنى من ادارة الهلال عدم التعاقد مع مهاجم اجنبي

فالجمهور الهلال لا يرضى بأن يكون لاعبنا الكبير ناصر الشمراني في الاحتياط وايضاً الهلال راح يخسر :

1- خسارة ناصر الشمراني بالاحتياط... وخاصه امام الانديه الكبيره وفي المباريات النهائية اللي تحتاج للحذر وعدم المبالغة في الهجوم

2- خسارة لاعب اجنبي في الوسط الايسر مثل الاعب ويلهامسون

3- خسارة المهاجم الاجنبي في الاحتياط لان ناصر خلفه شعب هلالي وفي


-ناصر الشمراني في هذا الموسم حقق انجاز (( رابع هدافين العالم في هذا الموسم بـ 30 هدف ))