[الزعيم الملكي99]

السلام عليكم و رحمة الله و بركاته
بسم الله الرحمن الرحيم
ببدا بدون مقدمات الي عنده وشلون قناة كبيره مثل الجزيرة تسوي هالحركه انها تحط مباراة الهلال مع ساباهان
بقناة HD وال HD يبيله كرت جديد و رسيفر الجزيرة و يبيلك تسجله في موقعهم والله البلشه
يعني استغلت كثرة الجماهير الهلالية و حطتها HD يعني سبحان الله مباراة الشباب منقوله على 9 العادي
الي يقدر يرسل لهم شي عن طريق ايميلهم او شي يتبع لهم عشان يخلونها على القنواة العاديه لا يبخل

والله قهر ندفع فلوس و اخرتها ما نقدر نشوف و ارجوا من الاداره انها تنزل الموضوع لانه مهم والله قهر نسكت عن حقنا

[fahad al.hilaly]

فكر خبيث تحمله هذه القناة .. مالك إﻻ تشوفها على الأنترنت ..

[Katmy]

أبشركم كل القنوات اللي عندي شفروها الله لا يوفقهم ،،، قبل الاتش دي ماتشتغل بس الحين كل الدنيا ،،، والله ما أحلهم في ريال خذوه مني ،،

[TN 10]

انا توقعتك اذا حضرت في الملعب هههههههههههه لاني عانيت في مباراة المنتخب واندنوسيا حضرت ولا شفت الا لما رحت عند الساعه هههههه اللي قدامي اعمارهم ما تتعدا17 سنه وكل ماقلت لهم اجلسو خلونا نشوف طلعو زياده فوق الكرسي حسبي الله عيهم مراهقين يبون مشاكل هههههههههههههه عاد رحت وغيرت مكاني وكملت الشوط الاول وطلعت مباراة ممله ومع ذالك 70 بالميه من الجمهور طلاب ابتدائي ومتوسط وكل الوقت واقفين هههههه حسيت اني ابوهم

[غيث المسردي]

بأذن الله نفتك من الجزيره بكبررررها ..

حرام تشفيرها من ألآساس المشجع البسيط والعاشق الصغير يصعب عليه مشاهدة فريقه شي يقهر والله.

[barhumi]

انا مو مقهرني الا الخشبيه وابو ظبي ودبي ليه مايشترون الحقوق ويريحونا من الجزيره ولعانتها لهالدرجه مطفرين
المفروض يسوون زي ايران ياناخذها باقل سعر ولا ماراح تنقلون شي من اراضينا

[روماني العتيبي]

بنظري ان فيه حل لهالمشكله


اما عن طريق وزارة التجارة وإلا عن طريق الفيفا

... دافعين فلوس وتروح الاشتراكاات هذي فيها نصب واحتيال

[حــــلا الأيــــام]

إقتباس الرسالة الأصلية كتبت بواسطة barhumi انا مو مقهرني الا الخشبيه وابو ظبي ودبي ليه مايشترون الحقوق ويريحونا من الجزيره ولعانتها لهالدرجه مطفرين المفروض يسوون زي ايران ياناخذها باقل سعر ولا ماراح تنقلون شي من اراضينا

والله كلامك قووووووي جداً جداً إذا كان صحيح ان ايران فعلت هكذا في نقل المباريات

ودي نسويها اجل احنا والامارات وربي راح تاكلها تراب الجزيزة لأن الزبدة اشتراك الجمهور واشتراك الجمهور يجلب لهم الإعلانات التجارية والإعلانات التجارية تعوضهم عن الخسائر التي تم دفعها في شراء حقوق البطولة

[سعيد السبيعي]

الكأس القطرية اطلقت ثلاث قنوات HD وتشتغل للي عندهم اشتراكك في بي ان سبورت(الجزيرة سابقا) وهاذي الترددات


واللي ما تشتغل معاهـ سويت طريقه ونجحت التردد ١٢٢٤٥ الاستقطاب تلقائي الترميز ٢٧٥٠٠ الارسال dvb-s2 التعديل 8psk fec

[سعيد السبيعي]

واللي ما تطلع معاه الاشاره يغيرر 5/6 الى 2/1

[سعيدال ماطر]

بالتوفيق لزعيم اسيا انشاءالله

[rsmtak_]

-





سويت كل شيء وربططت والقنوات ماتشتغل !
رحت فرع قريب وخبصوه لي ولا اشتغلت .
رحت فرع في الرياض افضل من الفرع الموجود عندنا !
وللحين انتتتظر !

لي حول اسبوع . رحت لفرعين و شريت بطاقة جديده مدة شهرين و البطاقة القديمه كنسلتها باقي عليها 5 شهور ..
قروشه حسسبي الله عليهم !!!!

[همه عاليه]

إيران دوله قويه جدا وانت من جنبها إيران ما أحد يقدر يستغل شعبها ولا عندها لف ولا دوران يعجبك وضعي وشروطي وإلا برى بكمراتك . تجبر الشركه الراعيه والقنوات بالقوه ولا كلام فوق كلامهم . ولكن الله يقرب الخصخصه وتكون لنا قنواتنا الخاصه ترحمنا من قنواتنا الخشبيه المحتله من الأعلام الأصفر وتريحنا من قنوات الأستغلال القطريه

[في سبيل الله]

مساء الخير
الجهاز لابد أن يكون فري اتش دي أو رقم 3000
وطريقة الربط تشغيل الجهاز على قناة 9hd لأن القنوات من 1hd الى 5hd تعمل بدون ربط ولتفعّيل الربط الدخول على موقع بين سبورت ووضع رقم اشتراك قنوات الجزيرة ورقم الجهاز وبعد المراجعة تختار البلد ويضهر لك الكود (966) وتضع رقم جوالك في المربع ولكن لابد أن تضيف صفر مثلاً ( 055**** ) لأنه في حالة عدم إضافة الصفر يظهر لك عبارة أن الرقم غير صحيح .. ثواني يأتيك الرقم السري على جوالك وتضعه في المربع المحدد وبالكثير ساعة أو ساعتين وتشتغل القنوات
بإختصار هذا ماحدث معي
تحياتي

[ي و س ف]

إقتباس الرسالة الأصلية كتبت بواسطة الزعيم الملكي99 السلام عليكم و رحمة الله و بركاته بسم الله الرحمن الرحيم ببدا بدون مقدمات الي عنده وشلون قناة كبيره مثل الجزيرة تسوي هالحركه انها تحط مباراة الهلال مع ساباهان بقناة HD وال HD يبيله كرت جديد و رسيفر الجزيرة و يبيلك تسجله في موقعهم والله البلشه يعني استغلت كثرة الجماهير الهلالية و حطتها HD يعني سبحان الله مباراة الشباب منقوله على 9 العادي الي يقدر يرسل لهم شي عن طريق ايميلهم او شي يتبع لهم عشان يخلونها على القنواة العاديه لا يبخل والله قهر ندفع فلوس و اخرتها ما نقدر نشوف و ارجوا من الاداره انها تنزل الموضوع لانه مهم والله قهر نسكت عن حقنا

انت وجميع المتضررين من هذه المشكله خذو رصيفراتكم وروحو للجهه الي باعت عليكم الرصيفر والحقوق واحكولهم المشكله ويصلح ع الضمان وانتهت المشكله
وإذا تبوني اروح معكم انشبلهم ماعندي مانع راسلوني وابشرو بعزكم