[اتعبني غيابك]

بسم الله الرحمن الرحيم
لااخفيكم اني عارف من الاساس ان الاغلبيه من جمهورنا مايقدرون يصبرون على الكوتش سامي لان خاصية الصبر للاسف ماهي عندنا لاننا جمهور عاطفي يبغى النتائج السريعه والوقتيه لاينظر للامام حتى تأتي البطولات .
كم تمنيت اننا نكون مثل جماهير الانديه العريقه شوفوا كيف صبر جمهور باريس سان جيرمان الفرنسي على لوران بلان بالرغم انه يعتبر مدرب مبتدئ ماله الا ثلاث سنوات بالتدريب على مااعتقد ونتيجة صبرهم جابت نتائج بالرغم ان الاغلبيه منهم يسخرون من ادارة الفريق في بداية التعاقد معه وايضا جماهير المان يونايتد اللي متعودين كل سنه بطولتين على الاقل جاهم مدرب يعتبر مغمور وهو ديفيد مويس والآن فريقهم يحتل مراكز متأخره بالبريمر ليق ولا قالوا اي شي لان ثقافة الصبر عندهم وهم عارفين ان البطولات تبي تجي بس الصبر على المدربين شي مطلوب وايضا كلارنس سيدورف مدرب الميلان اول سنه تدريب مثل حبيبنا سامي واصبح يدرب فريق كبير كالميلان ولا قالت جماهيرهم شي لانهم يعرفون ان الصبر زين والركاده ازين والاستعجال على البطولات والحصول على النتائج يدورن انها غير مطلوبه .
خلونا نصبر ي جماعة الخير على مدربنا واللي محيرني انه قاعد يقدم لنا نتائج تعتبر طيبه ومقبوله مبدئيا والبعض مننا مو مقتنعين فيه مثل تحقيقه لوصافة ولي العهد والانفراد بالمركز الثاني بالدوري دون منافس وملاحقة المتصدر المدعوم رباعيا ولولا دعمهم كان انفردنا حنا بالصداره بس هذا حظ سامي السئ ولا كان رده يكون بليغ عليكم ولا تنسون يالربع انه اول سنه تدريب وابصم بالعشره لو جانا خواجه اول سنه له بالتدريب كان رفعتووه بالسماء علشاان عيونه الخضر وشعره الاشقر .