بسم الله الرحمن الرحيم
صبحكم الله بالخير جميعا الهلال مقبل على مباريات صعبه جدا وليس بالسهله والله يسهلها علينا ان شاء الله .
الكلام سهل والواقع والتنفيذ صعب ليش هذا ياجمهور الزعيم أنا احب الهلال والهلال فوق اي شخص كان ولكن الواقع يقول غير كيف الآن لو سمح الله تمت إقالة سامي منهو البديل وهل هذا البديل بيكون راضي على جميع العناصر اللي موجوده الآن وهل يبي يحدث فارق كبير والمشكلة هي وحده اللي هي ( اللاعبين ) جميع المدربين اللي مرو على الهلال سباكين بوجهة نظر البعض وانه مايفهم في الكورة والتدريب وجاي يتعلم عندنا وهل سامي يبي يتنازل عن حقة الخاص بالعقد ( الشرط الجزائي ) وهل المدرب الجديد يبي يجي ببلاش لابد من صرف 30% من قيمة العقد عند التوقيع وإذا جاء راح يخرج 3 إلى 4 لاعبين والإدارة هي اللي تتحمل الشروط الجزائية بهذا الموضوع بمعنى راح تدفع الإدارة ضريبه بهذا الفعل يمكن مايقارب 50 مليون ريال وعلمأ بأن فترة الإنتقالات انتهت بالعالم يعني مجرد تغير جهاز فني فقط لاأكثر أما إذا قصد الجماهير بطولة الدوري وكأس ولي العهد أحب أذكركم بشي مهم فقط وهو أهداف النهائي كلها من لاعبينا غلطة من الدعيع وغلطة من العابد نتج فوز نصراوي غير مستحق ماذنب الجهاز الفني ؟؟ أما الدوري فهو منذ بداية الدوري وهم يريدون سقوط زعيمهم لكي لايأخذ الدوري أخطاء حكام كوارثية ضد الهلال وانتم تعلمون وتدركون هذا ماذنب الجهاز الفني ؟؟
اللاعبون هم الأدوات في الملعب الجهاز الفني في المباراة لايتحمل أكثر من 30 % اللاعبون المستهترون كثير في النادي يمكن فوق 6 لاعبين وهم يعرفون انفسهم جيدا لانهم لم يحترمون الجماهير ولا الإدارة ولا اي شخص كان
لكن للاسف فيه ( بعض ) الجماهير الهلالية مع الخيل ياشقراء يسمعون من اللي ضدهم ولا يسمعون من اللي معهم يظن بأن اللي معهم هو عدوهم ولايحب الكيان وجاي يلعب بالتاريخ وهذا غلط جدا للاسف جميع هذي الإشياء يصدرها إعلامهم وهو معروف جدا قصدهم بهذلة الهلال والضرب بينهم بين الإدارة والجماهير والإدارة واللاعبين والإدارة والجهاز الفني والإداري وبين اللاعبين والجماهير واللاعبين والجهاز الفني والإداري والجهاز الفني بالإدارة والجهاز الفني بالجماهير والجهاز الفني والإعلام والمستفيد (هم) يجب ندرك مالنا وماعلينا حتى لانكون اضحوكه لهم .
الجهاز الفني غير مستقر منذ خروج جيرتيس حتى الآن ولكن يجب علينا الصبر إلى نهاية الموسم وبعدها لكل حادث حديث لكن أحب اذكركم شي مهم ( الهلال ) مستهدف من الجميع أفهمو هذي الكلمة وماقصدها وما وراها ..........!
أنـــــا مـــع الـــكــيــان ولــيــس الأشــخــاص ولـــكـــن الـــواقــع يــقـول الــهلال مــستهدف
4Likes
الوضع المتطور
