ولا وصلت الشجيع القرم نجم النجوم *^ بلغه بالتحايا الصادقه كلها ( رديه )
بسم الله الرحمن الرحيم
هاردلنا يازعيم
أحد أصدقائي وهو الشاعر محمد العصيمي هلالي وقال إنه بيحضر مباراة الهلال القادمة مع الشباب دعماً لسامي فأرسلت له الأبيات التالية ورد عليها
علماً أن الشاعر هو أحد أعضاء الشبكة
ردية بيني وبين الشاعر محمد العصيمي
يامحمد رفيقي بعد جات العلوم
العلوم الصعيبه كيف ابى احلها
الله اعلم بما في صدر شخصً كتوم
غير خل الثمينه بيننا خلها
ولا وصلت الشجيع القرم نجم النجوم
بلغه بالتحايا الصادقه كلها
لا يعاني من اللي ضيعته الحلوم
عالم فكرها يدللك في جهلها
والله انا ذراعه في دفاع وهجوم
فوق سطح الثرى وسيوفنا نسلها
وان كتبه الله التواب ربً رحوم
قمة المجد ياصلها ويشتلها
ورد الشاعر محمد العصيمي
والله اني معى سامي ما اشيل الهموم
اعرف الذيب هقواته بياصلها
سامي اسطوره وحطم جميع الرقوم
والزعامه لنا والذيب محتلها
الحصان الاصيل ان طاح يقدر يقوم
خل حساد سامي ماتت بغلها
كم رمينا عليهم ذابحات السهوم
وكم كبودن على الميدان بنسلها
لا نزلنا الملاعب ما تفوز الخصوم
تنهزم قبل نلعب والسبب ذلها
الوضع الشجري
