[هوجاس]

مساء الزعامة للجميع ..

لاأخفيكم مدى حزني على الخسارة الغريبة ولأول مرة تحدث ..

ولسان حال كل مشجع هلالي ( لو لعب الهلال زين عادي نتقبل الهزيمة ، لكن لامستوى ولانتيجة هذي مصيبة )

عموما ..

بضع كلمات بقولها وتذكروها مني نهاية الموسم ..

# معسكر سامي بقطر اعتقد انه كان استجمام .. لأن اللي شاف المباراة امس يعتقد ان المسلم والكوري والسديري اول مرة يشوفون بعض .


# نفس الاخطاء في تسع مبااريات .. لدرجة انني حسيت ان السديري اطرم مايعرف يصوت .. او محرول .. ولاضربة مرمى يعرف يشوتها .. ومضيع مايدري يشوت باليمين او اليسار .. وماانسى التغطية السيئة للمرمى .. ولايعرف يكون ليبرو ابدا .. ناهيكم عن اخطائه الفادحة ولعل مباراة اولسان تكفي .. ولكن اللي قاهرني ان سامي مو عارف يتدارك الموضوع ويعرف ان السديري سبب في بعض المشاكل ولكن يحاول ايجاد العلاج بطريقة خاطئة حيث يحاول يجدد فيه الثقة ويخليه يلعب ولكن .......

العلاج ( الدكة )

# نواف العابد لااعلم مايحدث له للامانة .. ثقيل الحركة .. بدون روح .. وايضا حاول سامي معالجة الموضوع بطريقة خاطئة بتسليمه شارة القيادة .. ولكن .....

العلاج ( الدكة )

# كلنا تأملنا خيرا في سامي ولازال لدينا امل ان نحقق انجازات معه .. ولكن بهذا الدفاع مااعتقد نسوي شي .. اخطاء فادحة ولايوجد بديل والجود من الماجود ؟؟؟

# اتمنى مع الانتقالات الشتوية احداث فارق في الدفاع ليرجع التوازن للزعيم ..

# كاستيلو اعتقد وضحت معالمه وان القرني افضل منه بمراحل ..

# احبتي هي خسارة ثلاث نقاط ولكن مكاسبها كبيرة جدا ( اتضحت الرؤية كاملة للدفاع قبل ابطال اسيا ، اتضحت نقاط ضعف في الفريق )

# سؤال بس ( تذكرون النصر يوم فاز علينا بالشتاء قبل سنتين ؟ يوم نلعب العصر ؟؟

فاز 2-1 وبعدها انتفض الزعيم وحققنا الدوري ..

تفائلوا ونتكاتف سويا ونحل مشاكل الزعيم بالتاأثير على الجهاز الفني والاداري لتصحيح الاوضاع ومن الحين اقولكم رب ضارة نافعه ..


* همسة *

بكل حب وبكل وفاء اهدي الجماهير الوفية اللتي ساندت الفريق امس واقول لكم امسحوها بوجهي ..


محبكم ..