[king.yasser]

اعتقد العنوان واضح ماوجه الشبه بين الشريان والفريان شخصيا اتوقع ان الاثنين يعشقون الشهره والاضواء والهيلمان واهم شيء عندهم انهم يكونون تحت الضوء وحديث الناس سواء كان بالمدح والا بالسب مايهم اهم شيء ان الناس يتكلمون عنهم
ولكن وجه الاختلاف بين الاثنين ان الفريان مايغلط على احد يحب يترزز قدام الكاميرات وفي القنوات ومع المشاهير وشخصيا ما ارتاح له ولكن كلمة حق ماقد غلط على احد الا له معرف واصحاب في كل نادي ويعرف يسلك اموره مع النصراوي والاتحادي والاهلاوي والهلالي ماعنده مشكله اهم شيء الفلاش لايتأخر
اما الشريان فتبين لنا اكثر واكثر الاسبوع هذا وصحت التوقعات طلع انسان يحب المشاكل ويستثير الاضواء بمهاجمة رموز خدمت الوطن واشهر هجوم له هو مهاجمة اسطورة اسيا العملاق سامي الجابر بتفاهات ققلت من قيمته هو ولم تؤثر في ابو عبدالله لان النجم يبقى نجم حتى لو حاولت النكرات التقليل منهم ..اصلا حتى اسلوبه مع ضيوفه اسلوب بذي ويعتقد انها قوة شخصيه والواقع انها وقاحه من انسان امي وثقافته على قده والا وينه ووين سامي صاحب اربع لغات

هذي مقارنه مختصره بين اثنين يعشقون الشهره بجنووووووون