[koora 7elwa]

أول شي أبارك لكم على شهر رمضان الكرييييم..

بصراحة ماكنت متفائل بتدريب سامي للهلال,, ماهو انتقاص من سامي,,

بس كنت اعتقد ان الهلال بحاجة لمدرب خبييير له صولات وجولات..

وكان في اعتقادي ان الادارة بتخدر الجمهور بسامي لان الجمهور يحب سامي..

لكن بعد توقيع سامي للعقد,, أصبح الجمهور لابد أن يدعمه..

وبعد ماشاهدنا التغييرات اللي حصلت على التعاقدات وشفنا توجه سامي,
لجعل وسط الهلال من ناااااار,, أصبح لابد أن نعترف أننا ظلمنا سامي,
بعدم التفاؤل به كمدرب للفريق..


من قبل سنتين وانا كنت اتمنى جلب اجنبي في المحور الهجومي بجانب رادوي..

وقلت هذا الكلام لكثير من المقربين.. وقلت علة الهلال في العمق,,

وعزيز عدم انضباطه مايطمن,, ولازم نجيب اجنبي في المحور الهجومي,
بجانب رادوي..

وحتى قبل اسبوع تقريبا كتبت موضوع في المنتدى بعنوان,
(افعلها ياسامي فلن تندم,, ستحقق بها آسيا ان شااء الله)

وكان محور الموضوع عن عادل هرماش وياليت يجي جنب الاكوادوري..

مشكلة الهلال في العمق الدفاعي,, كان لابد من التعاقد مع اجنبي في قلب الدفاع,
وبجانبه مدافع محلي جيد جدا ,, وكان لابد من تقوية خانة المحور بشقيها,
الدفاعي والهجومي وكنت اعتقد انه لازم نتعاقد مع اثنين اجانب في هذي الخانة..

وجات الطامة برغبة رادوي في الرحيل وجلبنا هرماش مكانه وظلمناه..

واصبح هرماش محور يميل للنزعة الهجومية وان جيت تلعب القرني,
كمحور دفاعي مايكون ذاك اللاعب الصلب!!

وان جيت تلعب الفرج ويا هرماش صاروا الاثنين نزعتهم هجومية,,

فاعتقد كثير من الجماهير ان العلة في هرماش فطالبوا بتغييره!!


الحمدلله على كل حااااااااااااااااال قدوم هرماش بجانب كاستيلو,
راح يكون بمثابة تأمين العمق الهلالي وهذا الشغل الصح..

اجنبي في قلب الدفاع +2 في خانة المحور + صانع لعب

اعتقد تحليل مميز لاحتياجات الفريق ..

اتمنى تميز سلطان البيشي او اي لاعب صاعد في خانة الظهير الايمن,,
حتى نستفيد من ياسر الشهراني في الظهير الايسر,,

الشهراني يقوم بدووور جبار في الجهة اليسرى وافضل من اليمنى بمراحل..

اعتقد وجود سالم الدوسري ونواف العابد على الاطراف + كاستيلو+هرماش+صانع لعب,, بيكون وسط الهلال نار نار نار... وان شاء الله تتوفق ياسامي,,


سامحني ياسامي اذا ما اتفائلت بك من البداية.. لأن ما اعتقد ان في مدرب,,
اجنبي بيتعاقد مع محورين اجانب,, أو بالأصح ماراح يستطيع انه يكتشف,
علة الفريق الحقيقية,, أو ممكن يكتشفها ولكن بعد خراب مالطة سنة او سنتين..


شكرا ساااااااامي,,


انت جالس تشتغل صح,, واكتشفت علة الهلال واذا ما اتوفقت الله لايقدر,,

فهذا قدر,,

أهم شي ان هذا هو الشغل الصح...

شكرا سامي,,