[kasyas]

بسم الله
حجزت لقطر الإربعاء القادم
حجزت وأنا أعلم أني سأخذل من قبل لاعبين مستهترين
حجزت وأنا أعلم أني سأعود بغضب لاحدود له
حجزت وأنا أعلم أنكم لاتحسون فينا
حجزت رغم أن سني قارب الستين
حجزت وفي قلبي حرقة
حجزت لعل وعسى تخيبون ظني وتنتهي الحالة التي تصيبكم في أسيا
حجزت وكلي امل بربي أما أنتم فلاوالله أثق فيكم قيد أنملة

خيبوا ظني وتأهلوا ووالله لأقبلن أقدامكم قبل رؤسكم
فهل تقدرون سني وتفعلونها

["خالد"]

بارك الله فيك اخوي والظاهر انك بترفع ضغطك كثير مع لاعبين لا يقدرون المسئولية

روح اتمشى وانبسط وان شاء الله ترجع مستانس

[Abu Shouq AL Hilali]

واقسم بالله لو في اللاعبين ذره خجل وحيا من جمهورهم

انهم ينزلون الملعب للقتال مو للعب فقط .. لكن لاحياه لمن تنادي


لاعبين يلهطون من الملايين وبدون انتاجيه .. والجمهور هو اللي يحترق



يجب ان يعلم اللاعبون انهم يلعبون باسم الهلال الكبير .. وماحنا ناقصين تنزلون هيبته في اسيا

[فارس والزعيم]

وسع صدرك والموضوع كله كوره ، والكوره لازم تتقبل الخسارة مثل ما تفرح للفوز وبالتوفيق لكم وترجعون بالتأهل إن شاء الله

[kasyas]

إقتباس الرسالة الأصلية كتبت بواسطة فارس والزعيم وسع صدرك والموضوع كله كوره ، والكوره لازم تتقبل الخسارة مثل ما تفرح للفوز وبالتوفيق لكم وترجعون بالتأهل إن شاء الله

عمي أخسر وأنا قدمت كل اللي علي على راسي

بس استهتر واخر ما أفكر فيه ناس في المدرجات والبيوت تحترق لا والف لا

بروح لقطر واملي في ربي فقط
أما هؤلاء فكبر الوسادة

[mxo]

تصل بالسلامة
وان شاء الله انهم يشدون حيلهم ويبيضون الوجه

[سواريز الزعيم]

الشرهه على اللي حضر اليوم وشلون عاد في قطر
الفريق مهوب كفو

[John Locke]

كفو والله كفو .. و قسم بالله لو اني في السعودية لخاويك كانك تبي خوتي.

[kasyas]

إقتباس الرسالة الأصلية كتبت بواسطة John Locke كفو والله كفو .. و قسم بالله لو اني في السعودية لخاويك كانك تبي خوتي.

اتشرف طال عمرك على راسي والله

[John Locke]

إقتباس الرسالة الأصلية كتبت بواسطة kasyas اتشرف طال عمرك على راسي والله

يطول لي بعمرك و انا الي أتشرف فيك.

[هـHILALـلال]

إقتباس الرسالة الأصلية كتبت بواسطة kasyas بسم الله حجزت لقطر الإربعاء القادم حجزت وأنا أعلم أني سأخذل من قبل لاعبين مستهترين حجزت وأنا أعلم أني سأعود بغضب لاحدود له حجزت وأنا أعلم أنكم لاتحسون فينا حجزت رغم أن سني قارب الستين حجزت وفي قلبي حرقة حجزت لعل وعسى تخيبون ظني وتنتهي الحالة التي تصيبكم في أسيا حجزت وكلي امل بربي أما أنتم فلاوالله أثق فيكم قيد أنملة خيبوا ظني وتأهلوا ووالله لأقبلن أقدامكم قبل رؤسكم فهل تقدرون سني وتفعلونها

لا والله انك مخطئ
لا يستحق تقبيل القدمين سوى الوالدين
وانا اقول تراجع عن حجزك واجلس مع اولادك خيرا منهم
فهم لم يقدروا الآلاف التي حضرت في الملعب اليوم

[Xavi Al Hilali]

انا بالرياض وندمان اني حضرت اليوم وانا شاب وش عاد اسافر لقطر وانا شايب علشانهم والله مايستاهلون

شد ارضك وتقهو مع عيالك لاتبلش بعمرك بسكر ولاضغط محد منتبه لك هناك ..

[3nezawi]

إقتباس الرسالة الأصلية كتبت بواسطة Xavi Al Hilali انا بالرياض وندمان اني حضرت اليوم وانا شاب وش عاد اسافر لقطر وانا شايب علشانهم والله مايستاهلون شد ارضك وتقهو مع عيالك لاتبلش بعمرك بسكر ولاضغط محد منتبه لك هناك ..

^^^^



فكر جمهور الاستراحات و المقاهي للاسف ..

الفريق يحتاجك في الترح قبل الفرح ..

[الزعـــ11ـــيم]

صعبة … تقبل أقدامهم … يمكن رؤوسهم


و الله لو يجيبووون كأس العالم … ما قبلت أقدامهم 😂😂

[الفرصه]

سلامات رايح الربوع ويش تسوي والمباراه الثلاثاء ...لاااا شكل الهلال اليوم خبط بأدمغتنا...
وويش تقبل اقدامهم !!! عز نفسك وانا اخوك وقبل رجلي والديك ولاغيرهم يستاهل .