من حائل الى الرياض لأجل الهلال - نادي الهلال السعودي - شبكة الزعيم

عاشق التااايب · #1 13/05/2013, 03:04 AM

بسم الله الرحمن الرحيم
السلام عليكم ورحمة الله وبركاته

جمهور الهلال العظيم موضوعي هذا تحفيزي والهدف منه تحفيزكم للحضور يوم الاربعاء

انا وصولي للرياض يوم الثلاثاء 8:30 بالليل
وحاجز وشاري التذاكر لعيون الهلال وابحضر مباراة الهلال يوم الاربعاء ان شاء الله

عزيزي الهلالي المقيم بالرياض مالك عذر انك ماتحضر هالمباراة فهي بعطلة نهاية الاسبوع
وفوق هذا كله الهلال محتاج وقفتنا معه رجاء خاص من الزعماء الحضور ونبي الملز فل يوم الاربعاء

(وقفة الجمهور هي من تجعلنا ابطال آسيا ان شاء الله)

بالتوفيق للجميع ويارب اجعل التأهل من نصيب الهلال

عزوز الشقردي · #2 13/05/2013, 03:27 AM

توصل ب السلامه ان شاء الله

والله يوفقك ويحفظك في حالك وترحالك

وانا ان شاء الله حاضر من الدمام يوم الأربعاء وموعد وصولي بإذن الله الساعة الرابعة عصرا

والله يحفظنا وياكم من كل مكروه ويجعل المباراة من نصيبنا ذهاب واياب امين

عاشق التااايب · #3 13/05/2013, 03:55 AM

إقتباس

الرسالة الأصلية كتبت بواسطة أخو طارق التائب


	توصل ب السلامه ان شاء الله والله يوفقك ويحفظك في حالك وترحالك وانا ان شاء الله حاضر من الدمام يوم الأربعاء وموعد وصولي بإذن الله الساعة الرابعة عصرا والله يحفظنا وياكم من كل مكروه ويجعل المباراة من نصيبنا ذهاب واياب امين

آمين يارب ومن قال والله يسلمك من كل شر

موعدنا الملعب والله يوصلك بالسلامة وان شاء الله الهلال مايخيب رجانا

A̷d̷m̷a̷n̷t̷k̷ · #4 13/05/2013, 03:37 AM

كفو يا ولد حايل ,,

وان شاء الله وجهكك وجه خير ع الهلال ,,

ونبيها فل يا جمهور الزعيم ,,

عاشق التااايب · #5 13/05/2013, 03:56 AM

إقتباس

الرسالة الأصلية كتبت بواسطة A̷d̷m̷a̷n̷t̷k̷


	كفو يا ولد حايل ,, وان شاء الله وجهكك وجه خير ع الهلال ,, ونبيها فل يا جمهور الزعيم ,,

كفوك الطيب يابعد حيي
وهذا اقل شي نقدمه للهلال اننا نحضر ونسانده 3>

غ ـرور انسان · #6 13/05/2013, 03:59 PM

شكراً لك !

كفو والله !
وانتبه لاتسرع خخطر وترا سواهر مليانه xDD !

سعوديه والهلال ناديه · #7 13/05/2013, 05:41 PM

توصلون بالسلامه والجماهير الوفيه بتكون مع هلالها
اصلا من ودة ينتقد ماراح يرده شي لو فزنا ع الاتحاد وخرجنا من لخويا بينتقدون
ولو تاهلنا في الاثنين بنلقى من ينتقد
الاسيويه مهمه نصل لدور ال8وقتها نجدد الفريق ويكون هناك فرصه حوالي شهرين
لالتقاط الانفاس

محمد المنيع · #8 13/05/2013, 05:45 PM

توصل بالسلامههه ياغالي وبصراحة انت مثال جداً جميل ورائع للمشجع العاشق الوفي لهذا الكيان لله درك
ويااااااارب ماترجع خائب بإذن الله ترجع وانت فرحان بإذن ربي سبحانه وفعلا صدقت جمهور الرياض مالكم اي عذر المباراه يوم أربعاء وفوق هذا الدخول مجانا انا عن نفسي اول الحاظرين بإذن الله سبحانه.

هلاليه زي القمر · #9 13/05/2013, 05:55 PM

توصلون بالسلامه جميعا وان شاءالله تطلعون وانتم مبسوطين بفوز الزعيم

وهذا العشم بجن الملاعب << صدق ورا سارقي الالقاب ما سرقوا هاللقب

يعطيك العافيه

سعوديه والهلال ناديه · #10 13/05/2013, 06:18 PM

إقتباس

الرسالة الأصلية كتبت بواسطة هلاليه زي القمر


	توصلون بالسلامه جميعا وان شاءالله تطلعون وانتم مبسوطين بفوز الزعيم وهذا العشم بجن الملاعب << صدق ورا سارقي الالقاب ما سرقوا هاللقب يعطيك العافيه

قريبا نلقاه عندهم في ظل ضعف اعلامنا
وعلى قول دباس اخاف حتى ع لقب الاباتشي

نواف نادي · #11 13/05/2013, 08:24 PM

تـــوووصب بالسلامة ان شاء الله ...

وان شاء الله تكووون فااال خـــييير على الزعيم بالهمباراة ....

تحيااااتي

مطـلق الهاجري · #12 13/05/2013, 08:27 PM

ونعم الرجال ونعم الجمهور .

قبلة على خشمك يازعيييم

مجنون ابويعقوب · #13 13/05/2013, 08:37 PM

كفو والله يااهل حائل والحضور ليس بغريب عليكم

توصل بالسلامه ان شاء الله وترجع وانت مبسوط بأذن الله من فوز الزعيم

عاشق التااايب · #14 14/05/2013, 11:36 PM

تم شراء التذاكر ولله الحمد
موعدنا غداً بالملز ان شاء الله 3>