[sam-2007]

اول شي السلام عليكم حبايب قلبي يالملوك

مآدآير ادخل في الموضوع دوغري بلاش نتكلم وآجد < آآآآي

تآبعو فريق اولسآن والاتحاد والنصر<( يقول العضو النادر99 انهم ماجابوه وانا مدري الي عنده خبر ينورنا )والسد والهلال قديماً وجميع الانديه الي حققت دوري الابطال وش تلاحظون يآشطآر

كلهممم وقتهآ عندهم صف أول جبار ومهاجمين ع مستوى ناري ووسط امدادات خيالي ودفآع رهيب بغض النظر عن دكة الاحتيآط

لأن وبكل بسآطه الادوار النهائيـه مجملاً لاتتعدى خمس مبآريآت واغلب الفرق أمآمك تدافع وتكسبك بهدف وهدفين وتقفل

ووقتها مآعآد تنفعك دكه الاحتيآط ابداً ،،،

مابي اقول للأداره شيلو وحطو ووو <لأن كل الامور الفنيه مالي علاقه فيهآ

بس يآبوفيصل نبي مهآجمييين ع مستوى الحدث مع يآسر نبي مهاجمين ينهون الهجمه من غير تكلف أو استعراض كما يحدث احيانً مع العابد <مع اني هالولد ودي امعط خدوده واحضنه من زود حبي له

^

رومآنسي صح

المهم بأتكلم شوي عن الحآفظ وخلونا نتنآقش شوي

الحآفظ اذا وقعنآ معآه متى بيجي ؟؟ وكم يبي له عشآن يتأقلم ؟؟وهل يتجآنس خط الدفآع بوجوده ،،اسئله فنيه أتركها لكم لمنآقشتها


بس رجائي اوزيآ مع المرشدي مو ملاحظين عليهم بدو يتجآنسون والمرشدي ع وجه الخصوص بدأت تقل أخطائه القديمه


مع أني أرى الاخطاء سببها الرئيسي ضغط الجمهور عليه والولد ربشه ينخرش ع طول هههههههههههه < امزح يآمجودي

( عدد من المباريات جمهورنآ يطلق صافرات الاستهجآن على المرشدي !! ) لو انا بأقول خلاص بطلت ماعاد ابي العب

خلونآ نسولف بـ الموضوعين ذي واسحبو على البنقآلي الي قال حثآله مآيسوا نتعب ع بربرته

يالله برب اصلي والله الله لاتتهآوشون يآ عييلي

[عاشق رومانيا]

مهر اسيا وانا اخوك الروح والاصرار
مهر اسياء مساندة الفريق والوقوف مع حبيبي ابو فيصل ربي يخليه لنا
هذا مهر اسياء .... والموجودين فيهم خير
ان حضر الاصرار وروح الفريق ..حضرة اسيا وهي راغمه ..

[عذب السجايا]

دكة البدلاء مهمة جداً وبعض بطولات الهلال حققها البدلاء لايقاف او اصابة الاساسي ومنها آسيا واتمنى ترجع للمشاركين في البطولات الاسسيوية الست للهلال
عبدالله الحافظ هو خيار لتدعيم الفريق مستقبلاً وهذا امر احترافي يحسب للادارة كماانه يتماشى مع النظام لانه لابد ان يكمل سنتين في الخارج ليسجل لنادي جديد والهلال ليس بطولة اسيوية 2013 فقط فهناك استحقاقات في مواسم قادمه يحتاج فيهاالهلال لصفقات تدعم خطوط الفريق

[sam-2007]

تقول الاصرار وانا اخوك ،، معآك بس كيف نبي اللاعبين فيهم الهمه والاصرار وحنآ كل يوم ننط ونقول ( شيلو نامي شيلو المرشدي شيلو بيونق مانبي سعد ياسر انخفض مستواه اعيروه ) < خصوصا ياسر لامنه اصيب شبه نار الانتقادات عليه

الاصرار يجي من التكآتف مع اللاعبين ووقتها بنشوف روح سامي ويوسف والشلهوب ونلاقي ابداع نواف وحماس التيمآوي < الله ياذاك الزمن

خلونا نوقف مع اللاعبين ونناقشهم في اخطائهم مو نجرح فيهم ونبيهم يجيبون اسيا

ويااحبتي اهم شي الفريق الاول خليه قوي وشديد ووقتها ماراح تحتاج للدكه الا بحدود ضيقه جداً

[النادر999]

هههههههههههههههه.

كيف. النصر في الابطال. متى صار النصر. قوي واخذ بطل اسياء.


اخالفك الراي. الهلال بحاجه للحافظ بجانب اوزايا.

[sam-2007]

إقتباس الرسالة الأصلية كتبت بواسطة النادر999 هههههههههههههههه. كيف. النصر في الابطال. متى صار النصر. قوي واخذ بطل اسياء. اخالفك الراي. الهلال بحاجه للحافظ بجانب اوزايا.

هذي معلومه اشك فيها ،، بس مابي ابخس حق احد عطني انهم ماجابوه وصدقني لا أنتفهم من الموضوع لعيونك ههههههههههه

[الزعـــ11ـــيم]

النصر ما جاب آسيا ....... فقط تأهل للعالمية بالقرعة >>> وهذا شيء يعرفة النصراويين

[fahad al.hilaly]

مهر آسيا إن الفريق يشوف شغله والجماهير تآزر وتساند وبس ..