[alhilaly-]

بسم الله الرحمن الرحيم

السلام عليكم


اهلا بكم بعد غياب !!

راح اخش بالموضوع على طول :

جمهور الهلال بالرياض :

نحبكم ونقدركم ونعرف ( وقفاتكم ) المهمه والمُشرفة ، ( لكن ) ..

الآن وضعكم عليه الف علامة ( ؟؟؟؟؟ ) ..!!

لماذ ؟ ماهي الاسباب ؟ ليش هالهجر ؟

اجاوب عنكم ..!!

( بيئة الملاعب ) ، ( سوء التنظيم ) ،
( عدم توفر مُلتزمات المشجع ) و لكن ..

هالاعذار ( غير مقبولة ) بسبب :

سؤال : هل ( بيئة الملاعب ) توها اصبحت ضعيفه ؟ هل جمهور الهلال في الملاعب غير الرياض بيئة ملاعبه افضل ؟ الاجوبة ( لا ) !!

جمهور الهلال بالرياض ( لاتزعلون ) ..!!

احبكم واقدركم ، لكن انتم جمهور
( تويتراوي ) للاسف ..!!

تنتقدون في تويتر وانتم ( ماكلفتم ) انفسكم وحضرتوا ..!!

فريقكم يلعب ( للصدارة ) وانتم في حالة
( غيااااااب متكرر ) ..!!

الوضع كل ماله يسوء معاكم ، لاحضور ولامساندة لفريقكم !!

هل يُعقل ملعب يتسع ( ل 80 الف ) وفريق
( متجه للصدارة ) ويكون حضور جمهوره
( الفين فقط ) !!
بغض النظر على انه الخصم ( هجر ) لكن احضروا لجل ( الصدارة ) ..!!

نعرف انكم في المباريات ( الكُبرى ) تحضرون لكن هناك ( مهم ) وهناك ( اهم ) ..!!

مثال ،انتم تحضرون :
( المهم )
وهو مباريات القمم ( ديربي ، كلاسيكو ) ..!!

وتتركون :
( الاهم )
واللي هو المباريات مع الفرق ( الصغيرة ) المؤهله للصدارة ..!!


نقطة اخيرة :
الوضع الطبيعي في مباريات الكبرى يحضر الجمهور بكثافه ، يعني على حسب الملعب وسعته ، اما في مباريات الفرق الصغرى يجب يكون معدل حضوركم ( في الملز ) اقل شي
( 10 الاف ) وفي الاستاد ( 15 الف )

تكفون تكفون ( لاتفشلونا ) مرة ثانية يازعماء


والله ، احنا كجمهور هلالي ( بالكويت ) نزعل لو ماتحضرون ، تكفون ( ارجعوا ) كما في السابق .


تحياتي لكم واتمنى فعلآ ( مناقشة ) وطرح الاسباب والحلول في هالموضوع / شكرا .