[king.yasser]

ياخساره يا أسامه على شارة الكابتنيه اللي علقناها على يدك ..ياخسارة الهتافات اللي رددناها في المدرجات بأسمك..ياخسارة الدفاع اللي كتبناه لك بعد ماضيعت الآسيويه امام ذوبهان الايراني..ياخسارة الحب اللي اعطاك اياه الجمهور الهلالي ..ياخسارة التميز اللي عشته مع ادارة الهلال..ياخسارة الثقه اللي حطيناها فيك من خلال عدم اللعب محليا لغير الهلال.

ماكان فيه احد كان بيلومك لو كنت صريح مع النادي اللي عزك ورزك يعني لو صارحت الجميع وقت العرض البلجيكي بأن العوده مستحيله بدلا من اتهام النادي بكلام لا اساس له من الصحه واعتقد الاداره ردت عليك ببيان كان مرتب وموفق فم تكن الاداره سبب في منعك من الذهاب وقت التعاقدات الشتويه كما ذكرت انت.

كان يمكن نقتنع لو قلت ان سبب رحيلك هو عدم الرغبه بالاقامه في مدينة الرياض ولكن ان تعض اليد اللي امتدت لك بالطيب وتتهمهم بأنهم عطلوا تعاقدك مع نادي آخر فهذا الكلام افقدك محبة المدرج الازرق في جميع مناطق المملكه والخليج.

ماننسى يا هوساوي آخر مباراه لك مع الفريق كيف كان الحزن والألم على فراقك انت والخلوق المحبوب عيسى المحياني اللي لعب وعشق الهلال.

مانقول الا رح تشوف الفرق بين سيد القوم الهلال وبين بقية الفرق حتى ولو نقلوا مقر ناديهم الى مكه المكرمه.

يا اسامه ليتك سألت احمد الدوخي كيف الهلال يفرق عن البقيه وكيف طلب يرجع لهلال بالمجان بس يلبس اللون الازرق مره ثانيه .

هوساوي ليتك استشرت الخلوق المحياني وش افضل دكة احتياط الاهلي بدون بطولات والا الهلال ببطولاته ولو جلس احيانا على الدكه.

مانقول الا يظل الهلال زعيم بك والا بدونك.