[الـهــ عـادل ــلالـي]

السلام عليكم ورحمة الله وبركاته ،،

مساء الخير او صباح الخير للجميع ،،

في البداية احب اقول لكل هلالي ( هلالنا يمرض ولا يموت ) رغم الظروف اللي يمر فيها النادي حاليا من تخبط مدرب واجانب دون المستوى و محليين يعشوق انفسهم ( ال انا ) الا انني متفاءل جدا بهذا الموسم ، والفترة القادمة راح يكون فيها تغيير كبير وبنشوف هلال المتعة هلال القوة هلال الفن .

الكابتن القدير :
صالح النعيمة يقول اللاعبين الحاليين اطفال ، نعم احترم وجهة نظرك وانا معاك اطفال بلا روح بلا خوف على مشاعر الجماهير بلا احترام لكيان الهلال ( اطفال عندهم ملايين ) بس تمنيت انك ما تعمم لاني اعرف واثق ان فيه لاعبين رجال ويقدرون شعار الهلال وجمهوره . بالمناسبة ي كابتن بعد فيه بعض جمهور اطفال والكل يذكر الجماهير اللي امام اولسان الكوري .

هلال يوسف الثنيان و رفاقه :؛

من سنه تقريبا والهلال فقد المتعه وفقد كل شي يستحق المتابعه ، اتجهت الي متابعة اليوتيوب علشان انعش نفسي وعطشي للهلال ، وجدت اشياء واشياء وجدت افضل هلال مر علي التاريخ جيل لا يرضى بالخسارة جيل لا يرضى بالاهانة جيل اهم شي جمهوره جيل يحترم اسم الهلال يحترم شعار الهلال يحترم الفانيلة الزرقاء . جيل بقيادة اسطورة خرافيه يوسف الثنيان و سامي الجابر و فيصل ابو ثنين و نواف التمياط و خميس العويران و خالد التيماوي والباقيه .

الفرق بين هالجيل وباقي الاجيال الروح والمحبه وكلهم علي قلب واحد وافضل الانجازات والنتايج كانت بسببهم ، جذبني موقف للاعب يوسف الثنيان مع اللاعب نواف التمياط كان في البطولة الخليجية 15 في عمان وامام العربي الكويتي ، كان وقت استبدال دخول نواف التمياط و خروج يوسف الثنيان طبعا كان نواف عند الخط ينتظر الكورة تخرج علشان يتم التغيير وطول بالوقوف على الخط وكانت الكورة عند يوسف الثنيان ، تعرفون ايش سوى !!؟
خرج الكورة يوسف الثنيان علشان يدخل نواف مكانه .
ما قال انا كبير ،،، ما قال انا اسطورة ،، ما قال انا يوسف ،،، ما شاف نفسه اكبر خرج الكورة علشان نواف يشارك مكانه

هذا اللي ينقص الهلال حاليا ،، هذا اللي نحتاجه ي عبدالرحمن بن مساعد
نحتاج الروح ،، نحتاج قلب واحد ،، نحتاج لاعب يحترق علشان الشعار علشان الجمهور ،،



اسف ع الاطالة و شكرا لكم