[Ĝeηtℓe Ḿαη]

الي شاهد مباراة الهلال امام الشعلة والوحده والشوط الثاني من مباراة اولسان
الكوري بالرياض

يجزم انا زعيمنآ هذا الموسم يمشي على البركه مثل الموسم الماضي
ان لم يكن اكثر

الكارثه الي سواها كومباريه
كانت بدايه الموسم اغلب الجماهير الهلاليه وانا واحد منهم عارضنا هذا القرار وبالأخير قلنا المدرب والأدراة ابخص والحين عرفنا انا الجماهير ابخص من المدرب والأدارة

بداية الموسم
المدرب تخلا عن رضوان الموسى وفواز فلاته وهوساوي كما نعلم انتقل من الهلال
صحيح كان فيه خيرات واسأل الله ان يشفيه ..
لاكن
رضوان الموسى
الله يشفيه من الاصابه ويرجع مثل ماتمنيناه ،، كابتن المنتخب الأولمبي والهلال ولاعب مبدع فقط بحاجه خبره ومع ذاك يروح للشعلة على سبيل الاعارة ..

فواز فلاته
انا ماشاهدت له الا مباراتين او اكثر مع الهلال ولا اقدر احكم عليه بس اكيد ما انتقل للزعيم الا هو لاعب ماهو اسوا من منغان ..

انا اتوقع لو سالت الادارة عن هذا الخلل يبون يقولون اصابه خيرات قضاء وقدر

اكيد قضاء وقدر ولا نعترض على قضاء الله

لاكن

تدخل لموسم كامل فيه 4 بطولات غير تصفيات كأس آسيا القادمه
بخيرات ومنغان فقط كارثه وطامه كبرى

مشكلة الأدارة تسمع بأعطاء المدرب كامل الصلاحيه
صحيح اعطيه بس اتناقش معه

اسوا مافي الزعيم دفاعه وتدخل لبطولات مهمه فقط بمنغان وخيرات هذي سقطه للمدرب وللادارة

فل نفترض المدرب اعطيته كامل الصلاحيه ؟؟
وقال ابي 4 اجانب مهاجمين هل يعقل اقول له سوا الي تبي وانا اعلم عندي خلل بالدفاع والمحور اكيد لا

المدربين العالميين ومن افضل المدربين الي مروا على الزعيم
كوزمين
اول ما بدا مع الزعيم بالدفاع والمحور
هذا الكلام السليم

لان لو عندك وسط وهجوم نار بس ماعندك دفاع ومحاور مميزين ماراح تحقق شيء


اتمنى في فترة الانتقالات الشتويه
مثل ماسمعنا ان اسامه هوساوي قد يغادر اندرلخت البلجيكي وانا واثق انه ماراح يبقى
لان المدرب مستبعده ومنذ انتتقاله النادي البلجيكي كان يفكر في مردود مادي من بيعه عقده وهذا ما قرأنا في الصحف واكيد اسامه هوساوي راح ينفي هذا الكلام ..

اسامه اذا رجع للزعيم
نقدر نجيب لاعب اجنبي بديل عن منغان ويرجع لنا اسامه وكلنا نعلم مستواه وافضل قلب دفاع في هذا المركز ..

بس انا ماني متفائل كثير وقت الانتقالات الشتوية
ليه ؟؟

واضح النادي في عجز كبير بالميزانيه

لازم يتخلا عن هرماش و مانغان و الكوري وتجديد عقد الفريدي وتعاقد مع اسامه هوساوي وياسر الشهراني
ناهيكم عن الرواتب المتأخره
وعقد موبايلي ضاع هباءا منثورا ،، في عقد المدرب ومنغان ورواتب

فقط ودي اسأل عبدالرحمن بن مساعد ؟؟
انت استمريت مع الزعيم لـ 4 سنوات مقبله اذا ريال بيتس ما اعطيتوهم حقهم تنتظرون الدفعه المتبقيه من عقد ايمانا من الأهلي الأماراتي وش راح تسوون
في فترة الانتقالات الشتوية ..

وبالأخير يطلعون ويقولون الرئيس ماقصر يدفع من جيبه اذا يدفع من جيبه ماهم قادرين يسددون النادي الأسباني كيف بيغيرون الأجانب ويتعاقدون مع لاعبين


بصراحه انا متشأئم
قلنا خروج الهلال من الآسيوية يمكن خيره لنا في فترة الانتقالات الشتوية بس ما اعتقد لان البوادر ماتبشر بخير ..

[أنا كذا هلالي]

ومن سمعك ياجنتل
هنا في المنتدى بس كلام في كلام
لا احد يسمع ولا شي
انا من بعد خسارة الهلال مانزلت موضوع ولاحرقت قلبي....في النهايه اخرتها في الإرشيف
إذا فعلا تبي توصل كلامك ..وفعلا عندك من الحكمه انك تنظر الامور بعيد بعد النظر , خذ لك عشره او عشرين من هنا من اللي ارآئم فعلا صارت في الهلال هالموسم
وروحو للنادي وتكلمو مع شبيه الريح..الجماهير كانت تسويها مع محمد بن فيصل وكان يتقبل
وكل اللي في النادي كانو يتقبلون
بس تتعب نفسك هنا
سواء قلنا كلامك صح او غلط ماراح ياثر شي في النادي
انت تشوف المنتدى هادي ولافيه مواضيع تنزل كثير
وكثير ماصارو يدخلون لهم اكثر من اسبوع
مو علشان الدوري وقف..ولا علشان الإجازه...ولا علشان الحج
علشان تعبت من الكلام ومالقت من يسمع لها
انا اقول تروحون حول النادي وتكلمونهم
جمهور النصر والإتحاد والأهلي ... حتى الشباب سووها قبل
يعني جت علينا ؟؟

[Aboodi 99]

ليش تقول مانقان و خيرات ياخي في المرشدي عندك والله ان لعبه تحسن في المباريات الاخيرة و الزوري يجيد اللعب في قلبي الدفاع والغنام ايضا و عبدالله الدوسري

الزبده انا احترم رايك لكن قرار المدرب صائب لكي يأخذوا فرصهم في التشكيلة الاساسية ومن ثم يستفيد منهم نادي الهلال

وشكرا

[Ĝeηtℓe Ḿαη]

إقتباس الرسالة الأصلية كتبت بواسطة أنا كذا هلالي ومن سمعك ياجنتل هنا في المنتدى بس كلام في كلام لا احد يسمع ولا شي انا من بعد خسارة الهلال مانزلت موضوع ولاحرقت قلبي....في النهايه اخرتها في الإرشيف إذا فعلا تبي توصل كلامك ..وفعلا عندك من الحكمه انك تنظر الامور بعيد بعد النظر , خذ لك عشره او عشرين من هنا من اللي ارآئم فعلا صارت في الهلال هالموسم وروحو للنادي وتكلمو مع شبيه الريح..الجماهير كانت تسويها مع محمد بن فيصل وكان يتقبل وكل اللي في النادي كانو يتقبلون بس تتعب نفسك هنا سواء قلنا كلامك صح او غلط ماراح ياثر شي في النادي انت تشوف المنتدى هادي ولافيه مواضيع تنزل كثير وكثير ماصارو يدخلون لهم اكثر من اسبوع مو علشان الدوري وقف..ولا علشان الإجازه...ولا علشان الحج علشان تعبت من الكلام ومالقت من يسمع لها انا اقول تروحون حول النادي وتكلمونهم جمهور النصر والإتحاد والأهلي ... حتى الشباب سووها قبل يعني جت علينا ؟؟

ياخوي انا بحايل اروح اضرب مشوار واخر شيء مايعطينا وجه
اكيد
مو قايل لنا والله ماقدر ماعندي دعم مالي
واضحه عجز كبير بالميزانيه

ياخي نبي رئيس يدعم ويسعد الجماهير الهلاليه
ولا من اولها يتنحى 4 سنوات وماعندك دعم
وشوله تبقى ؟؟
عجبي

[Ĝeηtℓe Ḿαη]

إقتباس الرسالة الأصلية كتبت بواسطة Aboodi 99 ليش تقول مانقان و خيرات ياخي في المرشدي عندك والله ان لعبه تحسن في المباريات الاخيرة و الزوري يجيد اللعب في قلبي الدفاع والغنام ايضا و عبدالله الدوسري الزبده انا احترم رايك لكن قرار المدرب صائب لكي يأخذوا فرصهم في التشكيلة الاساسية ومن ثم يستفيد منهم نادي الهلال وشكرا

المرشدي مافلح يسار تبي تحطه يمين
انا اقصد قلب دفاع ايمين ؟؟

بعدين الغنام ثقيل مايصلح قلب دفاع عندك مباراة الوحده وقبل موسمين امام الاتحاد
بكأس الملك تسبب بالهدف الثالث للاتحاد مايصلح قلب دفاع

كل الي ذكرت انت يلعبون يسار ابي قلب دفاع ايمين

[هــلالــي بــريــده.]

لن اتطرق للمستوى واصلاح مايمكن اصلاحه
من ناحيه الامور الاداريه او الامور الفنيه
وقد سبق وانت تطرقنا لها من بعد الخروج الاسيوي

كل ماعلى الاداره ان تجتمع مع اعضاء الشرف عاجلا
ووضع الحلول على طاوله الاجتماع
سواءآ دعم مالي او مناقشه المستجدات للفريق في باقي الموسم .

[الهلال قصة عشق]

كلام سليم

واتفق معك أخوي

للأسف والادارة تستثمر في اللاعبين الاجانب

وتملك أفضل عقد رعاية في السعودية من الناحية المالية

ولكن ديون على النادي 30 مليون واللاعبين رواتبهم متأخره

سؤال يدور في ذهن كل مشجع هلالي اينا قيمة عقد ايمانا

وقيمة عقد العربي

وكذلك عقد رعاية موبايلي

الأمور للأسف توحي إن جماهير الهلال غير موعدين بأجانب على مستوى عالي

وايضا لن يستمر الهلال بالمنافسة على الدوري إذا أستمر هذا الحال

والله يصلح الحال ويكتب إلي فيه خير للهلال

بارك الله فيك

[الطالبB]

مع احترامي الشديد جدا ليه

كلامك غير منطقي بتاتن

مجررد خرابيش ليس لها اساس من الصحة

[هدوء المطر]

ألحين اللّي فرّط بالدّعيّع وعمر الغامدي وآخرهم عزّالأسامي سامي والله يستر على شلهوبنا لا

يلحقهم,, مااااااا تبغااااااااه يفرّط برضوان وفلّااااااته ....خلّنا ساااااااكتين بسّ يا أخوووووي

[الشلههووب]

فواز فلاته راح أعاره ويرجع
ورضوان الموسي راح أعاره ويرجع
وفيه في الدفاع - ماجد المرشدي - يحيي المسلم - عبدالله الدوسري - عبدالقادر مانجان - وحسن خيرات -
ياليت إدارة الهلال ترحل عبدالقادر مانجان وترجع رضوان الموسي وفواز فلاته وتجيب بديل عبدالقادر
صانع العاب

[للهلال شموخ]

إقتباس الرسالة الأصلية كتبت بواسطة هدوء المطر ألحين اللّي فرّط بالدّعيّع وعمر الغامدي وآخرهم عزّالأسامي سامي والله يستر على شلهوبنا لا يلحقهم,, مااااااا تبغااااااااه يفرّط برضوان وفلّااااااته ....خلّنا ساااااااكتين بسّ يا أخوووووي

وربي كلام بالصميم من القهر اللي بصدري قاله

[طـا الهلال ئـر]

يوجد الكثير من اللاعبين السعوديين المميزين .. ولكن الإدارة تذهب وتحضر الجيزاني والحارثي و ..,,,,,وووو الخ

[neo pavel]

الاتحاد بدون رئيس .. ومشاكل بين اعضاء شرف

وفجأة يجيبون أجانب مثل سوزا و الشربيني وموديست امبامي !!

مانجان تغيير لا يجلس مانبي مدافع أجنبي ... وخيرات + الغنام = كثرة اصابات وفايدة قليلة منهم !!
المفروض برا النادي بدون تفكير او مشاورة المدرب !!

خانة الدفاع + المحور الدفاعي .. نقدر نعوضها بمحليين من الاولومبي او اللاعبين المعارين !!

المشكلة بصناعة اللعب !! صعبة جدا

ياخي شوف نادي ضعيف مثل الشباب الاماراتي .. لكن اجانبه قدام خرافيين وغير مشهورين !!
مو لازم يكون الاجنبي مشهور !! او سعره غالي عشان نضمن نجاحه !!

البرازيليين : سياو + كييزا !!

‫أهداف الهلال و الشباب الإماراتي 1-1 | أبطال آسيا‬‎ - YouTube

‫أهداف الهلال و الشباب الإماراتي 2-1 | أبطال آسيا HQ‬‎ - YouTube

محتاجين 2 صناع لعب برازيليين خلف ويسلي لوبيز .. نبي قوة هجومية للفريق