السلام عليكم ورحمة الله وبركاته .... وبعد
لا يخفى على الجميع في عصر الاحتراف الذي نمر به حاليا اللذي هو اصبح عصر مزايدات الملايين على من لا يستحق ...
لاعب عالميا يساوي مليون يورو يجدد له بأكثر من 10 مليون .
لاعب "واسطة" يستمر يلعب في احد الأندية بحكم انه تحت محسوبية فلان.
رئيس نادي يتشبث بكرسي الرئاسة لأجل غاية في نفسة اما شهرة او مال مع انه اخذ نصيبة بالعكس منها .
نجي لشخصية اللاعب المحترف ....
ابتدائي او متوسط ونقول يارب ثانوي ... محصل تعليمي جيد جدا والدليل انه مثقف وقدر يحافظ على فلوسة ويستثمرها زي عبدالله السليمان والثنيان وغيرهم ...
الحالة النفسية الله اعلم بها من اصحاب الشات واصحاب السهرات والسفريات ترسبات ومشاكل تؤثر سلبا على نفسية اللاعب الا من رحم ربي وانا لا اعمم او اقصد شخصا بعينة ..
ايعقل بهذة التركيبة المذكوره ان تصنع لنا جيل واعي فاهم لبق مثقف يتحدث بمنطق ويلعب باحتراف وبضبط نفس ... اكاد اجزم لا .
على سبيل المثال درس معي في معهد الإدارة احد لاعبين الهلال فصل دراسي وكان وقتها دخل الفريق الاول وسحب على الدراسة .... اتصور اللاعب برباط صليبي يحرمه اللعب بما معناه توقف المدخول المادي له وش بيكون حاله .
قابلته بالصدفه في بعثة المنتخب الأولومبي وكلمته عن الدراسه اجاب لي يا رجال عساك سالم ... اكيد ابو الملايين وش يبي بالشهادة ...
يظهر لنا في البداية ظبابية في سياسة الأندية خصوصا الهلال .
نواجه مشكلة المزايدات في لاعبين سعرهم 5 مليون وبسبب الحقد وكسر البيعه يوصلون 10 مليون والنتيجه لاعب يتسدح بالملعب .
الحل:.
وضع سياسة واضحه على مدى رئاسة رئيس النادي او خمسية لما سيكون عليه حال الفريق الاول والاولمبي والشباب والاشبال من خطط تطوير وعمل ووضع خطط بديلة جاهزة .
اقتراح على اندية العاصمه التعاقد مع مكتب استشارات تعنى بالجانب النفسي في دبي او غيره ويكون المتصل "اللاعب" غير معلوم للمستشار لطرح مشاكله الخاصه بسرية تامه ....
حرص ادارة النادي على تنشئة الاشبال على التعليم اولا والرياضة ثانيا ... اللباقه وفن التعامل وفن ضبط النفس منذ الصغر ..
مسؤولية الرئاسة جلب خبير أوروبي بوضع تقييم لكل لاعب على ضوء عمره وانجازاته ويوضح السعر المناسب له وتفرض غرامة مالية او ضريبة على كل نادي يزايد على سعرة بنسبة معينة بحيث يكون ضبط ونفتك من مشكلة لاعبين الهلال والنصر او الاهلي والاتحاد .
وضع مكافئات مجزية للاعبين المنتخبات اكثر مما يتحصل عليه من النادي لتحفيزه .... الان يحصل العكس نص لاعبين المتنتخب ما يبون يلعبون بالمنتخب ..
نجي للاعبين الأجانب
الكوري مثلا لو هو سعودي نقول نستثمره مستقبلا اللاعب واعد وصغير بس اجنبي هذا مانحتاج لاعبين بهالشكل .... افضل حل له اعارته او بيع عقده ..
مانغان ... اسوء لاعب دفاع مر على الهلال
هرماش ... ما ينفع الهلال بخطته الحالية ..... لو بداله صانع لعب تكمل
ويزلي وقت الشدايد يختفي ووقت الرخا يتفنن ... بنفس درجة ياسر القحطاني ... حتى لو دخل 30 قول لانه ال30 بتكون في الدوري السعودي المحلي فقط .
مستوى الهلال من بدى الموسم باهت بارد غير ممتع حتى يوم فزنا ب 6 ما اشوف امتاع مبارياته كانت تفقد لحس الترتيب والتخطيط تمشي بالبركة ....
الهلال يحتاج ان يدعم بلاعبين اجانب خبره وان يعزز احتياطه الجهني يحتاج ان يرى الضوء في الهجوم كمبارااة الوحدة القادمه .... عبدالعزيز الدوسري يحتاج ان يعود لدكة الاحتياط قليلا مع سالم .
الفريدي يحتاج ان ينسجم مع المهاجمين بطريقة تثبيت من يلعب مهاجم كل يوم يا الكوري او ياسر اللاعب يحتار .
الدفاع جيد واحتياط الدفاع جيد بنفس قوته الاعوام الماضية لكن الفرق الآن ماحولك وسط ومحور تشد فيه الظهر
.
اتمنى من المشرفين تفعيل حسابي لكتابة مواضيع جديدة في منتدى الهلال مستقبلا
وجزاكم الله خيرا
4Likes 
لو كنت مديرا لكرة القدم في أحد الأندية السعودية .... 
الوضع المتطور
