[Ĝeηtℓe Ḿαη]

اول شيء مبروك
فوز الزعيم على الشباب والرائد مستوى ونتيجه وهذا ماكنا نبحث عنه
سجل 9 اهداف ولم يدخل مرماه اي هدف
وهذي ارقام جدا" رائعه .. وبيض الله وجهك ياكومباريه
الحين مالنا كلمه عليك ياكوتش

انا حظرت مبارة الزعيم مع الشباب والرائد وبأذن الله مباراة اولسان
اول مره احس اني مبروك ههههه
وان شاءالله مباراة اولسان نفوز فيها يآآآرب

موضوعي عن المدرج الهلالي
والله ياجماهير الزعيم من زمان ماحظرت مباراة للهلال يمكن من 5 سنوات

كان اول افضل من الحين وبكثير ؟؟

عندي رايي اتمنى يكون فيه اصلاح لمشاكل الزعيم في الرابطة

اول شيء
انا شفت المدرج الهلالي مع احترامي له بااارد
والسبب ؟؟
مافي رئيس رابطة

كل الي شفت
( واحد ياقف قدام المشجعين بدون مكبر صوت ويقول ردوا وراي )
بالله هذا كلام مستحيل تشوف حماس من الجمهور الهلالي

خلونا ناخذ افضل رابطتين عندنا الاتحاد والاهلي
تنظيم في الرابطة ورئيس رابطه تطرب له مثلا مباراة الاتحاد وانا اتابعها بالتلفزيون
اقعد اناقز من الاهازيج الحماسيه حتى لو كان فريق لا تشجعه

قريت موضوع عن حقوي والله انصدمت
اول مره ادري انه نصراوي

معقولة جماهير الزعيم العريضه مافيها رئيس رابطه هلالي

رأيي

ليه ما يجيبون لنا ( خال ) من منفوحه او اي مكان بالرياض يكون صاحب صوت واهازيج هلاليه بصراحه حنا مو راعين طرب
ماينفع للطرب الا ( الخوال )

وراح تشوفون بأذن الله كيف المدرج الله مابقى الا نصراوي يقود المدرج الهلالي
وانا اقول ليه بارد كذا

اتمنى من الادارة تعطي موضوع المدرج الهلالي اهتمام وتجيب لنا رئيس رابطه


نجي لمباراة اولسان /

بأذن الله انا متفائل بتجاوز هذي المباراة مو على شان بحظر لا
لاني شفت الزعيم الي اعرفه في مباراة الشباب والرائد

بس اتمنى
نلعب بطريقه 4 - 5 - 1

صحيح حنا باحجه هدفين حتى نفوز ياليت نلعب بتوازن الشوط الأول ولا نستجعل لان الفريق الكوري شاهدناه في مباراة الذهاب على ارضه الشوط الثاني منهك لياقيا"والرياض ماهي مثل كوريا الجو حار وهذا عامل مساعد لنا ان شاءالله يعني اذا ماسجلنا هدف الشوط الأول من بداية الشوط الثاني نلعب بمهاجمين ومع مرور الوقت راح تغير النتيجه لصالحنا بأذن الله بس ياليت مانفكر بالهدفين نفكر بالهدف الأول وهو المهم وبعدين نفكر بالفوز .

اتمنى تكون كذا التشكيلة

السديري

الزوري _ المسلم _ مانغان _ البيشي

هرماش _ الغنام

العابد _ الفريدي _ سالم الدوسري

ويسلي

يمكن احد يبي يقول وين الفرج
انا من المعجبين بهذا الاعب جدا" بس مع رجوع الغنام للمحور وهذا
مو مركز الفرج اتمنى يكون الغنام اساسي ليعطي هرماش
حريه التنقل والزوري يقدم مباريات كبيره
والعابد وسط ايسر مايختلف عليه اثنين نزعه هجوميه ودفاعيه
ولاعب حماسي اشوف ان الفرج يلعب الشوط الثاني
افضل من بدايه المباراة

ومع بداية الشوط الثاني اذا ماتغيرت النتيجه لا قدر الله ينزل ياسر القحطاني بديل
الغنام لان الغنام توه راجع من اصابه ومالعب مباراة كامله وهرماش حاليا يقدم مباريات كبيره يعني الشوط الثاني نلعب 4 - 4 - 2


حبيت اتكلم عن الفريدي /
صحيح الفريدي قدم مباراة كبيرة امام الرائد وابدع بس هذا كله من المدرب كومباريه لم حطه بدكه البدلاء عرف كيف يثبت وجوده وقالها بعد المباراة نزلت وحبيت ابين للمدرب اني جاهز لاي مباراة ..

بس السؤال
ليه يالفريدي هذا المستوى ماكان لم كنت تلعب اساسي نبيك بكل المباريات على هالمستوى وافضل مانبي لاعب مزاجي مثل يلعب مباراة ويغيب موسم
وانا بصراحه ماغيرت موقفي الا اذا شفت الفريدي يبدع في موسم كامل لا في مباراة
بس اتمنى يكون اساسي في مباراة اولسان لان احس يبي يثبت وجوده والاعب واضح متحمس كثير للعب وان شاءالله يفيد الزعيم ونتأهل بأذن الله .

كلمة أخيره /
بأذن الله مع الرابطه البحرينيه ومع جماهير الزعيم راح
تكرر نتيجه بونيدكور
بثلاثيه هلاليه
يآآآرب

دعواتكم يازعماء

يأأأرب ياكريم وفق الزعيم