[سوالف ليل]

الحذر وعدم الاندفاع واللعب بتوازن بحيث تكون الخطوط متقاربه وعدم الأخذ بما تحقق من نتائج ايجابيه في المبارتين السابقه
نجعلها دافع لنا ولا نجعلها سلاح يفتك بنا ، فهناك فرق كبير جداً بين الفريق الكوري والفرق السعوديه وهي كالتالي :
أولا-
الفريق الكوري يملك لاعبون لديهم الارتداد السريع جداً بالكرات. الطويله وهذا يجب الحذر منه وابقاء الاظهره لدينا منتبهين وعدم الاندفاع الا ان يكون هناك تغطيه جيده لهم

ثانيا-
اللعب بالمسه الواحدة سريعه وهذي طريقه تفكك اي دفاع خصوصا بأن الفريق الكوري لعب اخر مباراة له بطريقة تقفيل المنطقه الخلفيه وهذا ما سيعمد اليه الكوريون خصوصا كونهم متقدمين بهدف واعتمادهم على المرتدات السريعه

ثالثا-
ظرورة اللعب ب 3 محاور والسبب تأمين الخطوط الخلفيه اولا ثم التركيز والهدوء ثانيا وتمرير الكرات السريعه مع الاعتماد على الكرات العرضيه من الأطراف مع سرعة الارتداد السريع

رابعا-
الانتباه للتقليل من الأخطاء امام المرمى لان وجود لاعبين محترفين في هذه الكرات امام المرمى في الفريق الكوري

خامسا-
التركيز الذهني للاعبون يقلل من الأخطاء

وللمعلوميه هناك اشخاص يرددون بأن الفريق الكوري ظعيف وهذا ماتبين لنا في المباراة السابقه
وللعلم المدرب الكوري هو من ارتكب اخطاء وهذا كان من صالح فريقنا وادعوا الله ان يستمر بتخبطاته

وقفه

ادعوا الله العلي العظيم التوفيق للهلال وتجاوز هذه المرحله

تذكير

ارجوا عدم الاستعجال والتركيز في عدم إهدار الفرص السهله

وفق الله الزعيم تحياتي

[هلالي أماراتي]

الله يوفق الزعيم الهلالي يوم الأربعاء أن شاء الله

[هامور ازرق]

كلام سليم وربنا يوفق الهلال يوم الربوع

[mr-zo0oz]

كل شيء سويته بس باقي انك تدرب الهلال هههههههه

ياخي اقسم بالله المدرب يعرف كل شيء وتراه مايدخل المنتدى عشان يشوف وش

الجمهور يبونه يسوي أنا الحين أسالك الكلام هذا توجهه لمين

واللاعبين بيمشون بتوجيه المدرب. ؟؟؟؟؟

[عـادل 2012]

إقتباس الرسالة الأصلية كتبت بواسطة mr-zo0oz كل شيء سويته بس باقي انك تدرب الهلال هههههههه ياخي اقسم بالله المدرب يعرف كل شيء وتراه مايدخل المنتدى عشان يشوف وش الجمهور يبونه يسوي أنا الحين أسالك الكلام هذا توجهه لمين واللاعبين بيمشون بتوجيه المدرب. ؟؟؟؟؟

قل خير او اصمت

ياخي الرجال قاعد يحلل المباراة

ولا بعد ممنوع
ياخي شوي وتقول مندس

[Em02O]

الكرة آلحديثه هي بـ لمسة واحده ..
على لعيبة آلهلال تطبيقها و اللعب بجماعية والتمريرات القصيره
وترك التآخر في التمرير و اللعب الفردي ..
كل ماكآن اللعب جمآعي وبلمسة واحده ستظهر خطورة الهلال بأذن الله ..

سوالف ليل شُكراً لك ..

[.Mohammed#]

يعطيكِ آلعآفيه على آلموضوع , آلله يووفقٍِ هلآلنـآ

..

[نهاية كبرياء]

إقتباس الرسالة الأصلية كتبت بواسطة mr-zo0oz كل شيء سويته بس باقي انك تدرب الهلال هههههههه ياخي اقسم بالله المدرب يعرف كل شيء وتراه مايدخل المنتدى عشان يشوف وش الجمهور يبونه يسوي أنا الحين أسالك الكلام هذا توجهه لمين واللاعبين بيمشون بتوجيه المدرب. ؟؟؟؟؟

يا أخوي يازينك ساكت
وش الفائدة من المنتدى غير طرح وجهات النظر ؟

[Ba7r]

إقتباس الرسالة الأصلية كتبت بواسطة mr-zo0oz كل شيء سويته بس باقي انك تدرب الهلال هههههههه ياخي اقسم بالله المدرب يعرف كل شيء وتراه مايدخل المنتدى عشان يشوف وش الجمهور يبونه يسوي أنا الحين أسالك الكلام هذا توجهه لمين واللاعبين بيمشون بتوجيه المدرب. ؟؟؟؟؟

ي اليل البعارين بس
ي حبيبي هذا هلالي ومن حقه يعبر عن رايه
مو لازم يوصل كلامه للمدرب او للاعبين
يوصله لنا كجمهور يوصله للاداره يوصله لاعضاء الشرف

والا اقولكم خلاص لحد ينزل مواضيع قفلو المنتدى لان المدرب واللاعبين والادراه مايدرون عنا
قفلو المنتدى عشان صاحبنا الظريف ذا