[B52*]

السلام عليكم ورحمة الله وبركاته

صباح\مساء الخير

اتمنى من كل هلالي الابتعاد عن كل ماينشر في الصحافه عن مشاكل في الهلال
ولاعبيه وادارته ومدربه

لان اللوبي الاصفر شغال الاسبوع الماضي لاشغال الجمهور الازرق عن ناديه
ولتحطيم لاعبيه قبل الاسيويه والا لماذا في هذا التوقيت الحساس يتم تضخيم قضايا هلاليه ؟ وبهذا الشكل

وين الصحافه عن قضية اللاعب اللي مسكوه ببيت في حي السويدي
وين الصحافه عن حسين عبدلغني ومشاكله في مباراتي التعاون والهلال
وين الصحافه عن قضية سوزا اللي ماخذينه ايجار منتهي بالتمليك
وين الصحافه عن مشاكل النصر والاتحاد

شمعنى بس الهلال ولاعبينه هم اللي في الواجهه

معروفه نواياهم ومعروفه طرقهم الملتويه



اظن الصوره اتضحت مايبي لها ترجمه

اكيد نجح مخططط الفقراويين

في اسبوع واحد ضخمو ثلاث مشاكل

العابد والفريدي وحسن

المشكله انها ماتستحق كل هالضجه

لكن وش اقول

فيه مشجعين مع الخيل ياشقرا

لو بيده جحد كل لاعبين الهلال وقال مامنهم فايده

الفريدي كلنا نعرفه لاعب متميز وياما تغنينا فيه بيوم وليله نسيناه وجحدنا كل اللي سواه

اوكي هو ماسجل ولا صنع بس مهو كل لاعب مايسجل ولا يصنع يعتبر فاشل

وكل لاعب فيه مزايا وايجابيات وفيه بعد سلبيات والفريدي بروده احيان سلبي واحيان ايجابي

تذكرون هدفه في الاهلي كيف تلاعب بالمدافعين بكل برود

يعني البرود مهو شي سلبي ممكن يكون ايجابي ايضا

نجي للعابد هو اخطا وكل اللاعبين يخطون ليه بعد الهجوم اللي تعرض له من النصراويين والاتحاديين اشوف بعض الجماهير صدق كلامهم

لايغركم كلامهم ترى نواف لاعب هلالي والهجوم عليه لمجرد التاثير عليه وتحطيمه نسيتو وش سوى العابد فيهم الموسم الماضي جننهم نشف ريقهم وماصدقو يلقون عليه طريق على طول هاجموه بابشع الكلام وهذا دليل على حقدهم

والحين حسن العتيبي استلموه وكبرو سالفته وخلو جمهور الهلال يكره اليوم اللي دخل فيه النادي رغم ان حسن هذا اللي تهاجمونه له 21 سنه بالنادي وهو ابن من ابناء النادي صبر صبر ايوب جلس احتياطي سنوات وسنوات ماتكلم ولا قال شي ولكن مع كومبواريه حصل سوء فهم بينه وبين حسن لانه حس ن يقول المدرب يطنشني ومايعطيني وجه ولا ادري وش السبب ليه مايحترمني ولا يحترم تاريخي وحسن من حقه يطالب بحقه يعني مشكلته مهو مثل ماتداولها اعضاء المنتدى
انه رفض يجلس احتياطي يعني ظلمتوه تدرون ليه لانكم سمعتو كلام الجرايد واشاعات النصراويين والاتحاديين

اتمنى عدم الانجرار خلف اكاذيبهم وتصديق اشاعاتهم رجاءا رجاء خاص اننا نهتم بلاعبينا وندعمهم

ياليت من مباراة الشعله ندعم العابد وحسن والفريدي ونرد على اللوبي الاصفر

وعلى فكره لا تدخلون في نية الفريدي وانتم ماتدرون وش يبغى خبر واحد خلاكم تهاجمونه قبل اسيا ونجح اللوبي الاصفر في مبتغاه

[أنا كذا هلالي]

معروف وربي من قبل ماتنزل الصور
لا تستبعد انو فيه ناس هنا مسجله وميولها نصراويه
الله يعطينا على قد نيتنا
ياخي حتى حنا مانتمنا لهم شي ...مدري من وين جابو هالكره كله على الهلال
الله يشفيهم ولا يبلانا

[B52*]

إقتباس الرسالة الأصلية كتبت بواسطة أنا كذا هلالي معروف وربي من قبل ماتنزل الصور لا تستبعد انو فيه ناس هنا مسجله وميولها نصراويه الله يعطينا على قد نيتنا ياخي حتى حنا مانتمنا لهم شي ...مدري من وين جابو هالكره كله على الهلال الله يشفيهم ولا يبلانا

تدري وش مشكلتنا اننا على طول فتحو لنا موضوع العابد واشتغلنا العابد والعابد اللي معه واللي ضده ومواضيع ومدري وش ومشاكل

وبعده بيومين الفريدي ونفس الطريقه مع حسن

وكلها قبل الاسيويه

عشان نمشي في الطريق اللي يبونه

مشاكل وبلاوي ونطلع من الاسيويه صفر ع الشمال

[B52*]

دعم العابد والفريدي وحسن ياليت يكون مسموع للكل عشان الناس اللي تبحث عن المشاكل تعرف قدر لاعبي الهلال عند جمهوره

[الطالبB]

الله يعطيك العافية ....

اللهم وفق الهلال وعليك بالفرق الثانية

عــذة منهم

[sl7]

لا تعلق كل شي على الإعلام الاصفر

ليش ما تقول ان ورعنة الفريدي وورعنة حسن العتيبي هي من يخلق المشاكل في هذا التوقيت بالذات
ليش العتيبي الطعس ما انثبر مكانه بالإحتياط حاله حال السديري والشمري وشراحيلي وهو يعلم بأنهم أكفأ منه واقدر على حراسة العرين الهلال

الفريدي ليش ماوقع او قال مابوقع للهلال قبل فترة الـ 6 اشهر وش معنى الحين صارت البلبله ؟

أنا اتفق معك بأن الإعلام الاصفر ( يصطاد في الماء العكر فقط ) ولكن اساس المشكله من المبزره اللي عندك بالفريق

ولو تدخل منتدى ( الإتشاد ) بتلاقيهم كاتبين ان الهلال هو من فرض تأجيل الديربي مع الأهلي لكي يخفق ( الاتي لهالو ) في الآسيويه وكأن الهلال فريق اسرائيلي وكذلك في منتدى ( الفقر ) يقولون ان الهلال يهاجم عبد الغني للضغط على الإداره النصراوية

كل جمهور مهتم بفريقه ويدافع عنه بس ياليت نصلح الأخطاء او نناقشها في مضمار الهلال بدون إتهام الأندية الأخرى

لك ودي

[ابـوعبدالرحمن]

بذأتهم وهجومهم على الزعيم طوال السنين ما افادهم بشئ بل زاداهم تاخرا والقافلة تسير؟؟؟
وخلهم يشتغلون على الهلال وينسون فريقهم
وحنا نشتغل مع الهلال ونهتم بقريقنا

[الغازي الهلالي]

الفريدي والعتيبي هم سبب المشاكل لاتدافع عنهم نجوم بفلوس واللوبي الاصفر شغال من سنين ونحن نايمين في العسل عندهم قنوات وجرائد ومواقع وبعدين مايخافون يقولون ويكذبون ما عندهم في احد اما اعلام الهلال فهم فقراء لايجدون قوت يومهم عند قنوات الاصفرين حتى القناه الخشبيه استحوذوا عليها

[اناقتي في كلامي]

حسسسبي الله عليهم هذا اللي نقدر نقوله

[.Mohammed#]

هههههههِ آلهلال مسبب لهممِ عقدده نفسسيهِ وكوآبيسس ض1

آلله يرحمم حـآلهمم بسِ : ) . . ~

[B52*]

إقتباس الرسالة الأصلية كتبت بواسطة الطالبB الله يعطيك العافية .... اللهم وفق الهلال وعليك بالفرق الثانية عــذة منهم

الله يعافيك وانا اخوك

نورت الموضوع

[B52*]

إقتباس الرسالة الأصلية كتبت بواسطة sl7 لا تعلق كل شي على الإعلام الاصفر ليش ما تقول ان ورعنة الفريدي وورعنة حسن العتيبي هي من يخلق المشاكل في هذا التوقيت بالذات ليش العتيبي الطعس ما انثبر مكانه بالإحتياط حاله حال السديري والشمري وشراحيلي وهو يعلم بأنهم أكفأ منه واقدر على حراسة العرين الهلال الفريدي ليش ماوقع او قال مابوقع للهلال قبل فترة الـ 6 اشهر وش معنى الحين صارت البلبله ؟ أنا اتفق معك بأن الإعلام الاصفر ( يصطاد في الماء العكر فقط ) ولكن اساس المشكله من المبزره اللي عندك بالفريق ولو تدخل منتدى ( الإتشاد ) بتلاقيهم كاتبين ان الهلال هو من فرض تأجيل الديربي مع الأهلي لكي يخفق ( الاتي لهالو ) في الآسيويه وكأن الهلال فريق اسرائيلي وكذلك في منتدى ( الفقر ) يقولون ان الهلال يهاجم عبد الغني للضغط على الإداره النصراوية كل جمهور مهتم بفريقه ويدافع عنه بس ياليت نصلح الأخطاء او نناقشها في مضمار الهلال بدون إتهام الأندية الأخرى لك ودي

ياحبيبي الفريدي ان شاء الله مايوقع بسلامته انا مااتكلم عن توقيعه

انا اتكلم عن اثارة موضوعه في هذا التوقيت واشغال الجمهور الهلالي

انت قلتها انه ماوقع له فتره ومع هذا بكيفه يروح يجلس الفريق ماوقف على احد

بس اتكلم عن اثارة الشي بهالوقت

وحسن بعد ضخمو موضوعه وحطو فيه الهوايل واججو الجمهور الهلالي ضده وطلع مظلوم

حسن صرح وقال انا مااتكلم عن احتياط انا اتكلم عن مدرب مطنشني والمدرب بعد ما قال بجتمع مع حسن الا بعد ما طاح الفاس بالراس

قبل تطنشه وماتكلمه وحاطه احتياط المفروض اذا فيه شي تتكلم معه وتقوله

والعابد اللي سوى فيهم الهوايل الموسمين الماضيين حطوها ليالي ماجنه وسهر طيب مبروك زايد راح المغرب وترك معسكر فريقه ليه ماتكلمنا عن الليالي الماجنه

وخالد راضي غاب عن فريقه بعد سالفة اللاعب الللي كان في بيت بالسويدي ومحد كبر موضوعه

[B52*]

إقتباس الرسالة الأصلية كتبت بواسطة ابـوعبدالرحمن بذأتهم وهجومهم على الزعيم طوال السنين ما افادهم بشئ بل زاداهم تاخرا والقافلة تسير؟؟؟ وخلهم يشتغلون على الهلال وينسون فريقهم وحنا نشتغل مع الهلال ونهتم بقريقنا

هذا الصحيح المفروض نهتم بمواضيعنا بس المشكله ان في ناس هنا معهم كتبو مواضيع عن العابد والفريدي والعتيبي وهذا توقيت حساس بالنسبه للفريق
المفروض نوقف معهم وندعمهم

[B52*]

إقتباس الرسالة الأصلية كتبت بواسطة الغازي الهلالي الفريدي والعتيبي هم سبب المشاكل لاتدافع عنهم نجوم بفلوس واللوبي الاصفر شغال من سنين ونحن نايمين في العسل عندهم قنوات وجرائد ومواقع وبعدين مايخافون يقولون ويكذبون ما عندهم في احد اما اعلام الهلال فهم فقراء لايجدون قوت يومهم عند قنوات الاصفرين حتى القناه الخشبيه استحوذوا عليها

لابدافع عنهم دامهم يلعبون بشعار الهلال لان المشكله مهي فيهم المشكله فينا حنا
ليه مانتقبل رايهم ؟ ترى لهم حقوق

الفريدي من حقه يفكر بمستقبله بكيفه يروح يجلس ليه نزعل ؟

عندنا لاعبين صغار في السن يعوضون غياب الفريدي

لكن المشكله في اللوبي الاصفر اللي كل اخبارهم عن الهلال ومشاكله

حتى غطت على تاجيل مباراة الاتحاد والاهلي

[B52*]

إقتباس الرسالة الأصلية كتبت بواسطة اناقتي في كلامي حسسسبي الله عليهم هذا اللي نقدر نقوله

الله يكفينا شرهم بس
حنا المفروض مانهتم في اللي يقولونه