[~ ذبحني غلاك ~]

بسم الله الرحمن الرحيم

بخش بالموضوع على طول

..
أذا أنتقل الفريدي الأداره تتحمل المسؤوليه بكل ماتحمله هذي الكلمه ..

عبدالرحمن بن مساعد صرح من قبل وذكر أن الفريدي مهم في الخارطه الزرقاء طيب .. دام الفريدي مهم ليش تنتظر فتره دخوله الست الأشهر قبل دخوله قدم له عرض قبل اهلا وسهلا ماقبل مايشوف شر وبكذا انت تتحكم بالاعب مو الحين الاعب يتحكم في الأداراه ..!؟

خالد عزيز أنتقل ولا حد يقول كان ماهو منتظم
ياسر القحطاني الله ستر ولا كان رايح
عمر الغامدي أنتقل وكان أحد أسباب تحقيق الشباب الدوري
والحين الفريدي بالطريق ..

والكل منهم يقود منتخب وليس نادي ..
وكلهم في زمن عبدالرحمن بن مساعد !!!

طيب دام في أعضاء شرف ناوين يدفعون باقي المبلغ اخليهم يدفعون ماهو منطق تقول فيه لاعبين بالطريق اجدد معهم كل لاعب وله وقته ولك يالاداره سياسه مع كل لاعب فريدي اخلي باقي المبلغ من اعضاء الشرف
والي بعده العابد له سياسه ثانيه وكذا تمشي الامور

تتذكرون احمد الدوخي وانتقل بسبه مليون او مليون ونصف ومن بعدها الهلال للحين يعاني من الخانه صحيح طلع الدوخي وقال نادم على أنتقالي بس بعد هذا مايخليني نكابر

لا توعد القصه مثل اول ونعاني بعد الفريدي

أنتم يأعضاء الشرف تسافرون لكل مكان وتخسرون الملايين
طيب هذا ولدكم وناديكم ادفعو له
أحني الي نبي نروح فيها نجم الفريق بيروح للفريق المنافس كذا بنموت قهر لابد نقول الحقيقه ..

من متي والهلال يطلع منه كم لاعب في الموسم ؟؟
ذبحنا التخطيط والاستثمار ..
طيب الاعب الاجنبي تدفعون عليه زياده واذا ماقدم شي تقولون ماتعود ولا الجوء ماهو مناسب له !!

بسئل الاداراه المدرب دول كم دفعتو فيه ؟ وبالاخير اقاله .. طيب ليش ماقلتو خسائر فلوس

طيب الحين المبلغ الي ناوين تدفعونه بيكون مظمون في ولدنا الفريدي


كلام كثير ومنقهر وبقوه
والكلام لكم ياجمهور الزعيم