[بو فيصل 20]

بسم الله الرحمن الرحيم
السلام عليكم ورحمة الله وبركاته

حي الله الزعماء المحبين والعاشقين لناديهم
حي الله اللي دايم خلف فريقهم بالحلوه و (المره)

هاردلك التعادل الغير العادل
أمام الإتفاق والذي كان أشبه بطعم الخساره
جماهير الزعيم أنا عندي عده نقاط وحاب أطرحها

.
.

الإداره الهلاليه
إداءه مختلفه في كل شي
أرجوكم الوقوف معها
وليس معنى كلامي السكوت وعدم النقد
ولكن عدم المطالبه بالرحيل أو ماشابه
فإداره الأمير عبدالرحمن تعمل بجد وإخلاص
وتحاول تقدم كل شي من أجل النادي وإرضاء جماهير النادي

.
.

المدرب كومبواريه
واضح إنه مدرب جدا مميز
ومدرب للشوط الثاني
ويعرف يقرا المباراة بشكل جدا ممتاز
ويعرف من أين تأكل الكتف
وتبديلاته دائما في محلها
وتكون إيجابيه
ولكن واضح إنه حتى الأن لم يعرف
جميع اللاعبين بشكل كامل
زي مثلا للحين ماعرف اللاعب الكوري و أداءه
وبإذن الله تكون إتضحت له الصوره

.
.

حسن العتيبي و عبدالله السديري
نبدا بـ حسن
حارس كبير ولديه خبرته ولا ننكر إنه ممتاز
ولكن الأن فيه نزول كبير في مستواه
ولكن الكبير يقدر يرجع وبإذن الله يعود كما كان و أفضل
ويقدم للزعيم كل مايقدر عليه
ورفقاً به تراه لاعب هلالي

.
.

أما عبدالله السديري
حارس كبير بأداءه وصغير بعمره
وقدامه مستقبل باهر جدا في الحراسه
واللاعب موهوب بمعنى الكلمه
ولديه جميع مواصفات الحارس الممتاز
بنيه جسمانيه و قامه في الطول ورده فعل ممتازه (غير متهور)
فدعموه كما أنتم الأن تدعموه
مانبي لما يخطأ نكون ضده

.
.

ماجد المرشدي ومانجان
أنا من وجهة نظري ألاحظ إنهم بعد كل مباراة
مستواهم يكون منسجم ويكون فيه تأقلهم و إنسجام أكبر فيما بينهم
وصحيح ماجد المرشدي أخطأ ويستحق النقد
ولكن ليس الحملات ضده
تراه لاعب هلالي بالنهاية لازم نوقف معه
و للأسف كل ماغلط وقفنا ضده
أما هوساوي أخرجنا ونكبنا بآسيا قدام ذوب آهن
ولا أشوف أحد سوا نص اللي سواه لماجد

.
.

أما عبدالقادر مانجان
حتى الأن ينطبق تقريبا عليه الكلام مثل المرشدي
وبإذن الله يقدم كل مايمكن تقديمه في خدمه الزعيم

.
.

عبدالله الزوري
والله العظيم هذا اللاعب بطل
ولاعب يعجبني وظهير خرافي
يسوي كل شي ممكن تتوقعه وبأي وقت
عرضياته ممتازه و قدمه قويه وسريع ومهاري
وش تبون أكثر؟!

.
.

اللاعبين الشباب وترتيب عشوائي
سلمان الفرج وسالم الدوسري ونواف العابد وعبدالعزيز الدوسري
لاعبين كبار جدا في عطائهم وممتازين
ولا نبي نعطي أحد أكبر من حجمه مازالو صغار وشباب
والمستقبل قدامهم
وبإذن الله يستمر أداءهم المميز مع الهلال

.
.

ياسر القحطاني
اللاعب عاد من الإعاره ومستواه جدا مقنع
وقاعد يقدم بعد كل مباراة أداء مميز
نبي نوقف معه كالعاده
وهو الفائد الحقيقي الأن للزعيم

.
.

محمد الشلهوب
اللاعب المحبوب واللي توقع منه أي شي بالمباراة
أتمنى نعطيه حقه في وقفتنا معه
اللاعب هذا ماعمره غثنا أو ساوم النادي أو لعب بأعصابنا
لله درك ياشلهوب
ياليت الكل مثلك

.
.

نقطه آخيره
مباراة الهلال والإتفاق
الهلال صراحه قدم مستوى ممتاز جدا
ومستوى يطمئن نوعا ما بالآسيويه
وبإذن الله الهلال يتحسن مستواه أكثر وأكثر
فما زال هناك الكثير

.
.

جماهير الهلال
أرجوكم أرجوكم أرجوكم
الوقوف كعادتكم مع الفريق
إنتم والله سر البطولات والإنتصارات
وإبتعدو عن الحملات ضد أي لاعب هلالي ياجمهور الهلال !!!
صراحه شي مايدخل العقل إن الجمهور الهلالي يشن عمله ضد لاعب هلالي !!!
وترى مثل ما اللاعب له دور يقدمه إتجاه ناديه
أيضا الجمهور له دور يقدمه إتجاه ناديه

اللهم وفق الهلال فوق كل أرض وتحت كل سماء

.
.

تابعوني:-


تحياتي لكم أخوكم:-
ABO FAISAL 20 (محمد بن موسى)