[هلالي القصيم10]

بسم الله الرحمن الرحيم
السلآم عليكم ورحمة الله ,, الحمدلله على كل حال , تعادل بطعم الخساره , لكن عندي احساس انها ماراح تتكرر ان شاء الله

بصراحه , المدرب يتحمل مسؤولية التعادل مع الإتفآق بتغييراته , خروج سلمان الفرج خطأ كبير , وخروج ياسر في وقت مبكر في الشوط الثاني برضه خطأ كبير , كنا ننتظر خروج الشلهوب أو عبدالعزيز الدوسري ودخول سالم , لأن لو لاحظتو الشلهوب والدوسري طول الشوط الأول كانت تمريراتهم بدون عنوان , وعبدالعزيز تنقطع منه الكره بأكثر من لقطه , وكنا مسيطرين على الوسط بوجود سلمان وهرماش , ماعطينا الاتفاق فرصه ابدا للهجوم , مع بداية الشوط الثاني دخول سالم كان ضروري , لكن خطأ انه يدخل مكان سلمان الفرج , بعدها خرج ياسر , ماصار فيه هجوم , ولا صار فيه محور يغطي , وقدر الاتفاق يوصل مرمانا في الشوط الثاني كثير , اضطر المدرب يدخل محور عشان يسيطر مره ثانيه , لكن ضغط الاتفاق ولعب بثلاث مهاجمين لحد ما قدر يسجل التعادل بآخر دقيقه .

اتوقع وجود مدرب اولسان كان له تأثير على تغييرات مدربنا , صحيح انه صرح وقال لا يهمني وجود مدرب اولسان , لكن من تغييراته , اعتقد انه تأثر بوجود مدرب اولسان بشكل كبير .


مباراتنا امام النصر لابد يكون الفريدي وسالم الدوسري اساسيين , الشلهوب وعزوز اخذو فرصتهم بمباراة نجران ومباراة الاتفاق وماقدمو اي شي للفريق , لا صناعه ولا تهديف , سالم اثبت نفسه اليوم , لعب بحماس وصنع هدف , وعمل عرضيه ثانيه لويسلي نفس عرضية الهدف تقريبا لكن مانكتب انها تتسجل .

تشكيلة الهلال ضد النصر نفس تشكيلة الهلال ضد الاتفاق لكن بوجود الفريدي وسالم مكان الشلهوب وعزوز , اليوم المدرب اخطأ خطأ كبير بالتغييرات , ومتأكد بإذن الله انها ماراح تتكرر , ياسر لابد يكون اساسي لنهاية المباراة أو على الأقل لآخر 10 دقايق , والفرج وهرماش لابد يكونوا اساسيين طول المباراة لأنهم اكثر لاعبين مهمين من وجهة نظري الشخصيه .

نقطه آخيره / الفريدي بكل صراحه غيابه أثر على الفريق , وانا متأكد بإذن الله مع الوقت راح يكون عندنا ثلاثي في المقدمه لا يرحم , الفريدي وياسر وويسلي , لكن علينا كهلاليين اننا نشجع الكابتن احمد ونوقف معه لأنه بكل صراحه موهوب وذكي وراح يعمل فارق كبير مع ياسر وويسلي في المقدمه .



أتمنى ماكون ثقلت عليكم , ونبغى الملعب فل يوم السبت ياملووك