[هلاالي شمالي]

السلام عليكم ورحمة الله وبركاته

بدون مقدمات

وش هالمواضيع وقلة الادب ولا الردود عيب هالكلام انتوا لو تعرفون من هو الهلال

من هو زعيم الانديه الاسيويه ماسويتوا كذا ولا رديتوا ردود تسىء للشبكة وللجماهير وللادارة عيب

اذا مو عاجبكم الهلال فأتمنى تشوفون نادي غيره تشجعونه وتفكونا من انتقاداتكم ومن ردودكم المخجله

لان الهلال ماوقف على اساطير وفلاسفه عاد يبي يوقف عليكم انتم بأنتقاداتكم وكلامكم الجارح ستقتلون الهلال

هاذي ليست روح الجماهير الهلاليه المعروفه الصابرة والطامحه كبوة جواد والصبر ثم الصبر

هذا يدل على قلة ايمانكم بالله لو ايمانكم قوي لقلتم قدر الله وماشاء فعل كل شي مقدر ومكتوب التوفيق وعدمه

كل شي مكتوب ولكن من خوفكم على الزعيم ترددون اقاويل تظنون انها بمصلحة الزعيم ولكن هيهات

ماتنسجونه من خيوط سيوقع الفريق في فخ الغياب عن البطولات وستشمتون بنا الحاقد والحاسد

ومن يبيتون النيه للكيد بالهلال ستساعدونهم في كيدهم وسيحققون مايريدون في كل سهولة

والسبب مواضيعكم التافهة والغير بناءة وردودكم التى تسعى لفك لحمة التواصل والانسجام وتبادل الروح

وذهاب كل البذل والعطاء سدا بين الجماهير والنادي وبين النادي واللاعبين

ملينا من انتقاداتكم وكلامكم الجارح في حق الادارة واللاعبين تراهم بالنهايه بشر وان ماحققنا الدوري السنه هاذي

نحققه السنه الجايه وش فيها تخيلوا نحقق الدوري السنه هاذي وابطال اسيا وين وجيهكم تروح من الانتقادات

لا ووصلت المواصيل يتكلمون على الادارة بكلام بذيء ومرتذل الادارة واللاعبين كلهم ولله الحمد تمام

ولكن هناك اخطاء يجب علينا البحث عنها وايجاد حلول لها بعدها سنرى بريق الزعامه من جديد

ارتقوا بردودكم وانتقاداتكم واجعلوها بناءة وفي مصلحة الفريق مع احترامي لكل الجماهير من يسب ويشتم ويلعن

اللاعبين والادارة والمدرب فهو قليل ادب لايمت للروح الرياضيه بأي صلة ولا لديه اي رابط يربطه بالصفات

الاسلاميه الحميده مع قلة ايمانه يظن ان لاعبين الهلال الله موفقهم بس هم يلعبون كذا يستعبطون لا التوفيق من الله

اذا عندك خلل بأيمانك بالله واخلاقك رديئه لاتابع كورة اذا انت عصبي وفيك فورة دم ومقهور رح لسوريا وانتقد

وادعي ربك يفك ازمتهم ناس تستاهل تبكي عليهم وتنتقد حاكمهم وتعصب وتنقهر عشانهم مو تجي معصب للمنتدى

وتكب جال غضبك على الادارة واللاعبين انا صحيح هلالي بحت وقسم بالله اني انقهرت ولكن وش قلت

قلت الحمدلله على كل حال كل شي مقدر له من الله عز وجل صبرن جميل وماحصل كان مكتوب يالله عسى

بتعادل الزعيم خيره هذا اللي قلته وكتبت موضوع على طول ماتكلمت على احد ولا سبيت احد ولا اغتبت احد

ولا لعنت احد حرام اللي قاعدين نسويه لا والمشرفين الموقرين محد مهتم او يوقف هاذي المهزله اللي نشوفها كل

يوم وبصراحه صرت اكره ادخل المنتدى من كلامكم انتوا تسبون الادارة كنكم سابيني تسبون لاعب انقهر كنكم

سابين احد اخواني عشان كذا صرت اكره ادخل المنتدى وكيف باللاعبين انا عضو عادي ادخل القى سب واطلع

زعلان كيف باللاعبين توصلون المسبات لهم وتلعنونهم وبالاخير تبونهم يقدوم مستويات هذا تناقض كبير

كل ماخسر الهلال جيتوا معصبين وكن الدنيا خربت وتكتبون وتنتقدون صحيح انها كارثه بس هذا اللي كاتبه ربك

خسر الهلال احيي اللعيبه واتخذ موقف مع نفسي ازعل وادعي الله يوفقهم ويوفق الادارة واحاول ماادخل المنتدى

لين اهدء وبكذا حفظنا حقوق اللاعبين وكرامة الادارة من الهتك والتعرض لها بأي شكل من الاشكال

ان كان تعاملنا لبقا مع الادارة واللاعبين حتى في وقت الخسارة ونسلط الضوء على الاخطاء اللتي حدثت فقط

سنجد ان الادارة ستدخل وتتصفح المنتدى وكذلك اللاعبين ولكن اكثرهم يمتنع خوفا من التجريح به في عرض

الحائط وبعضهم يتعمد الاسقاطات ليغيض بها جماهير اللاعب الفلاني ولا يحسب اي حساب ماهو صدى فعلته على

النادي بشكل عام

ياجماهير الزعيم الكبيرة النادي بحاجة لنا اكثر من اي وقت اخر فلندعم ولنساند الزعيم في الحلوة والمرة لان الزعيم

افرحنا كثيرا وجمهوره الرقم الصعب سننتشله من ماهو فيه الى منصات الذهب والتربع على عرش الصدارة

بأذن الله الواحد القهار

هناك نقطه اخيرة غائبه عنكم او بالاحرى لم تكتشفوها بعد تعودنا من الزعيم تقديم مستوى اقل من متواضع مع

فرق الوسط ولكن الزعيم ان لعب مع الكبار ستظهر روحه لانه يعشق الفوز على الكبار في قادم الايام ستعرفون

مافحوى كلامي وسيثبت لكم الزعيم بانه زعيم للانديه الاسيوه بأذن الله

اسف على الاطالة

لكم كل الحب

فيصل العنزي