[الرادار اللاقط]

ياشباب بارك الله فيكم هناك اسئله تدور في ذهني واعتقد في اذهان الكثير منكم ليش

جماهير الهلال على كثرها قل حماسها وعطاءها عن السابق؟ لاتقولون الجيل الاول

يلعب بروح الكل عارف طيب بوقت محمد بن فيصل كان الفريق والجمهور مرتبط

ارتباط وجداني ببعضهم ليش الحين خف الحماس والتشجيع عن السابق؟ ليش قبل

وقت قريب كان الجمهور الهلالي مضرب مثل بالحضور والتفاعل والحين حتى في

حضورهم يكون وضعهم على الصامت احيان يخيل لي عندما يلعب الهلال على استاد

الملك فهد الدولي ان الهلال يلعب خارج ارضه ليش نرجع للماضي اللي اعرفه ان

الهلال يختلف عن بقية الاندية ميزته كل جيل يحاول يكون افضل من اللي قبله لكن

جمهور الهلال ايام زمان بالعربي عام 2000 كان جن الملاعب وفي وقت رئاسة

محمد بن فيصل وصل اعلى ذروة الجنون في التشجيع لاتلومون اللعيبة دام هذا

تشجيعنا لهم هنا تحطيم بالمنتدى والتقليل من اللعيبة وونطالبهم يقدمون كورة حلوة

معادلة صعبة يقدمها جمهور الهلال الا من رحم الله منهم اقول للجمهور المتشنج اللي

مايعرف ان الكورة فوز وخساره اترك الفريق بحاله وفك الجلنط الفريق مثل السياره

وبعض من جمهورنا الحبيب حالف انه مايمشي وساحب الجلنط ومدقر لهم هنا ويقول

ليش مايمشون ليش مايلحقون الفرق الاخرى طيب انت ساعدهم دع القيادة لأبن

مساعد وخليك مستمتع راح تمر على مناظر خلابه مثل بطولة ولي العهد راح تمر

على انهار مثل كأس الملك راح توصل للجزيرة بحول الله كأس اسيا طيب كل اللي

فات راح تحصل عليه بس لاتربك قائد القوات الهلالية حبيبنا ابوو فيصل دعووة

لمسانده الفريق ودعمه معنويا و التفاعل والجنون بالتشجيع بعيدا عن الخروج عن

النص وكل ماهو مضر بمسيرة الفريق تأكد ان لك اعداء ينتظرون زلاتك واصل

المسيرة والله خيرمعين نقطة اخيره تواصلت مع تركي الهديب بتويتر والمنتدى

واعطيته رابط موضوع سبق ان كتبت هنا يحمل افكار تطويرية لمجلس الجمهور

الهلالي لتحفيز اللعيبة لكن للأسف لم يرد علي علما انه يكتب بتويتر ولكن نحسن

الظن فيه ونقول انه يعكف على صياغة اخراج هذه الافكار وصياغتها بشكل يليق

بفريق كالهلال وفق الله هلالنا في كل محطاته محليا وخليجيا واسيويا وعالميا تقبلوو

تحياتي اخوووكم الرادار اللاقط