[ملك التواضع]

بسم الله الرحمن الرحيم
مساء الخير عليكم يازعماء وكل عام وانتم والزعيم بالف خير

ابي ادخل في الموضوع على طول بدون مقدمات لاني لااجيد المقدمات

نادي الهلال افضل نادي في اسيا والعرب والدليل بالارقام في اخر خمس سنوات
7 بطولات:
3- الدوري السعودي
4- كاس ولي العهد

ابيكم تقولوا لي نادي حقق كثر البطولات هذي في اخر خمس سنوات غير نادي برشلونه اللي حقق اكثرمن 10

حنا كجمهور عاشق ومتيم بهذا الفريق يجب ان نقف صف واحد مع الفريق ككل لان هذا وقتنا الدوري راح يبدا بعد بكرا واسيا بعد اقل من 20 يوم واحنا نتكلم ليش هذا يلعب وهذا مايلعب وليش ماجبتوا محترف اجنبي بدال هرماش او الكوري
يااخواني خلاص الطيور طارت بارزاقها خلاص مافيه شي راح الوقت اذ راح ننتقد انا ابصم لكم بالعشره ان الفريق ماراح يحقق اي شي السنه هذي واسيا راح نطلع بدري انا اللي ابي اوصله حنا لازم ندعم الفريق في هذا الوقت مو ننتقده ونشن حمله على الاعب هذا والاعب هذا يااخوان ابي اضرب لكم مثل بنادي الاهلي السعودي والله لولا جمهوره ماتطوروا وصاروا ينافسون على البطولات والدليل كاس الملك اللي فات قدام الاتحاد والنصر هم السبب الحقيقي في كسب البطوله هذي لانهم وقفوا مع لاعبينهم ماانتقدوهم وشنوا حملات على الاعبين ولو تتذكرون العام جفين البيشي تسبب في خروج الاهلي من كاس ولي العهد لانه كسر حمد الحمد في منطقة الجزاء وحسب الحكم ضربة جزاء في اخر الدقايق وطلعوا الاهلي بسبته وش سووا الجمهور من بكرا رفعوا لافتات لجفين وقالوا يفداك 100 بطوله هذا الدعم ولا بلاش
اللي ابيه منكم لازم نساند فريقنا في الوقت هذا لانه بحاجه لجمهوره الكبير وحنا لسنا جمهور الفوز فقط بل نحن جمهور الوفاء والله كل الانديه يتمنوا انهم يصيروا مثل الهلال كل سنه بطوله او بطولتين.

تحياتي لكم واتمنى اني وصلت لكم اللي ابيه وان شاء الله اسيا لزعيمها