[عايش بزمان حايس]

بسم الله الرحمن الرحيم

هلالنا يحتاج وقفتنا هلانا ليس لديه هويه

هلانا بالمختصر ما يطمن في المباراة الوديه وانا اتابع ملخص المباراة
ما حسيت اننا ذلك الفريق الي كان مع جريتس ولا حتى مع كاديرون

ياجماعه وصلوها لابو فيصل نبي روح لاعبينا ترجع حنا علينا الحضور غير كذا وش نقدر نسوي اكثر صحيح ان الحضور ماش بس لازم تجيبون المتعه حتى
يستمتع الحاضر للملعب ويكثر الحضور

والشىء الي يقهرك فلسفه بعض الاعبين لين ما يجيبو العيد
يوم كان سامي عندنا كان اشباه الاعبين تنتظرهم الدكه
بس راح سامي وابتلشنا فيهم

اتمنى ان الاداره تشوف حل باسرع وقت

دمتم بود

[ماسترو 10]

والله مدري وش اقولك ..
تكلمنا كثير ..
اللي باقي ان نوقف مع بعض و نساند الزعيم !

[mohanad.o]

يارب بدل حال الهلال من حال الى حال افضل بكثير انت القادر سبحانك .

[*_*طوفان الزعيم*_*]

-- سئل الاصمعي عن العشق فقال :
" شيء يذهل القلب عن مساويء المحبوب ، فيجد رائحة البصل من المحبوب أعظم من المسك والعنبر "

انتشلوا عشقكم الازرق بالتفافكم حوله ، وحول ادارته ، ازروا نجومه ، لا تشنعون اخطاءهم ، انقدوهم بموضوعية مع مراعاة البدء بمحاسنهم
فالثناء الحسن عليهم يقوي عزائمهم ويدفعهم لمضاعفة الجهد

واخيرا كونوا على ثقة بان هلالنا يتعثر كغيره ولكنه لا يسقط ، بامر الله

بالتوفيق لكتيبة الاديب

[Jc_jiio]

إقتباس الرسالة الأصلية كتبت بواسطة *_*طوفان الزعيم*_* -- سئل الاصمعي عن العشق فقال : " شيء يذهل القلب عن مساويء المحبوب ، فيجد رائحة البصل من المحبوب أعظم من المسك والعنبر " انتشلوا عشقكم الازرق بالتفافكم حوله ، وحول ادارته ، ازروا نجومه ، لا تشنعون اخطاءهم ، انقدوهم بموضوعية مع مراعاة البدء بمحاسنهم فالثناء الحسن عليهم يقوي عزائمهم ويدفعهم لمضاعفة الجهد واخيرا كونوا على ثقة بان هلالنا يتعثر كغيره ولكنه لا يسقط ، بامر الله بالتوفيق لكتيبة الاديب

عشق وتاليتها بصل ... الله يرحمك يالصمعي ,.....

[عايش بزمان حايس]

مشكلة ان بعض الجماهير تدخل لملعب الفريق ويطقطون ويتريقون على الاعبين وهذا اكبر خطا

المفروض يكون جاء من اجل مساندة الاعبين مو التعليق عليهم

[.Mohammed#]

صحيح المفروض المساندة وإعطاء اللاعبين روح معنويه ، مؤ يطقطقون عليهم !

ويبونهم يلعبون زين بعد !

الله يوفق الزعيمم ي رب في مشواره القادم &