[1 0 5]

السسلام عليكم ورحمة الله وبركاته ..
تقبل الله منا ومنكم صالح الاعمال .. وجعلنا واياكم من العتقاء من النار ..
احبائي الزعماء مالي في الهذره بخش الموضوع دغري
شفنا مباراة الهلال وهجر وقلنا اول مباراه و اللاعبين روحهم عاليه وحققو التعادل اخر الدقايق ومدري ويش .. شفنا مباراة الهلال والفتح .. صراحة المستوى سيئ يعني حتى الهدف مو من ذاك الاهداف اللي كان يجيبها الهلال والفن وعلى كل هدف ودك تقول احلى هدف بالدوري .. بس انا والله اني متأمل خير ومتفائل بالخير ..
نقاط :
1- مانجان اتوقع انه لن يفيد الفريق الهلالي بتاتا البته واتمنى اشراك المسلم بداله
2-لوبيز باين عليه من لمساته ومحاربته عالكوره وتركيبه للفاول انه بيكون انشالله لاعب ممتاز مع الهلال
3- عزوز الدوسري .. وش اقول بسس اهم شي لاتغتر مثل اخونا بالله سالم
4- هرماش مستواه صراحه كان تقريبا كويس .. كان ماسك محله ويخلص كرات بس انه يخلي الكوره معاه واجد وينكب امنا احيان
5-حسن العتيبي عشان مبارتين قلتو طردوه مانبيه ومدري ايش .. ياخي ويا اختي اي لاعب لازم يمر بفتره يهبط فيها مستتواه .. تذكرو مبارياته قدام الاهلي .. والاتحاد .. و و و و .. يعني نكرنا جميله عشان كم قول .. ما اقول الا الله يعين حسن

سالم ياسالم
هذا لاعب الظاهر غرته الشهره .. وصابه الكبر والغرور مثل ماصاب حبيبنا احمد الفريدي .. وسبب اللي صابه احنا .. نمدح ونمدح وافضل لاعب ومدري ايش وشاف روحه وكبر راسه .. بس تدرون وش دواه .. خله يتكي على الدكه لين ما يسترجل ويعرف شلون يلعب صراحه رفع ضغطي ..

وبسسسس اللهم وفق الهلال .. وانشالله ان الفريق بيتعدل وبتزيط اموره ..

شكرياات كثيرات