[الناشري الهلالي]

ودعت واسقيت العرب مر فرقاك ........... خلاص وش باقي له اليوم قيمه

أقفيت وقلوب الملايين تنخاك ............... قلوب من طاري الموادع سقيمه

ماباقي الا يالغلى طيب ذكراك ............... وتاريخ وانجازات سيره عظيمه

سطرتها يالنجم الاوحد بيمناك .............. علمتنا معنى الصبر والعزيمه

كم واحدن يا سام وقف تحداك.............. ورجع يجر معاه ذيل الهزيمه

ولن الكبير يقدر كبار شرواك .............. نصوك من باريس في ظل غيمه

يوم فاح طيبك عطرها قال حياك............ واعطوك ما تبغى بقدر وحشيمه

يااسطورة التاريخ واشلون ننساك.......... وانته ملكت القلب لاقصى صميمه

وهلالك اللي عالوفا دوم رباك............... له موعدن مع رجعتك يا حكيمه

وختامها عسى الولي دوم يرعاك .......... وترجع ومعك الذكريات القديمه

واخيرا مهما كتبت فلن أوفي ابا عبدالله حقه ولكن هو شيء مما بداخلي اردت البوح به عبر منتدى الزعيم الملكي لشخص خدم الهلال لا عبا وخدم الهلال إداريا ومدربا وسيخدم الهلا حال عودته ان شاء الله إنه الاسطوره سامي بن عبد الله الجابر فليعذرني سامي إن قصر حرفي دون الإيفاء بقدره أخوكم / أحمد الناشري