[Ĝeηtℓe Ḿαη]

قبل مباراة الزعيم مع بني ياس لو سألت اي مشجع هلالي هل تؤيد بقاء
الكوري ( بيونغ سو )
قال لك اتمنى الموسم بس ينتهي ونفتك منه
وياكثرهم

سبحان الله بعد مباراة الهلال وبني ياس يتغير الجمهور الهلالي وانا اشك
انه هلالي صميم وفاهم كورة قدم يطالب بقاء الكوري ليه ؟؟
تغيرتوا ياناس ياعالم وين كلامكم قبل المباراة

عندي موسم كامل وش سوا
مابي احد يقول لي والله المدرب او المترجم ؟؟
سبحان الله مباراة بني ياس جاه مترجم ( على مكنسه ) من كوريا وترجم له
ههههههه

عندي صديق هلالي يعشق الهلال ومايترك اي مباراة للهلال
لاكن ( مايفقه بالكورة )
فقط مشجع محب

اذا جت مباراة الهلال بعد ماتخلص المباراة ( دق ) على الجوال وقعد يسألني مباراة اليوم وش رايك ؟؟ وقعد يتفلس علي ؟؟ بالأخير اسأله مباراة الهلال اليوم في اي بطولة ؟؟ قال لي بطولة الخليج

يارجال مباراتنا مع بني ياس في الآسيوية اي بطولة خليج واي خرابيط

هكذا اغلب المشجعين في جميع الأندية مايعرف اي بطولة ولا يعرف الاعب كيف
احكم عليه هو لاعب يستحق ارتداء شعار الهلال او لا ؟؟ فقط مشجع بسيط

الكوري بيونغ سو
ذكرني بمحمد نور الموسم الماضي لاعب فاشل طوال الموسم
جت مباراة الهلال في البطولة الآسيوية وابدع فيها
وبنهاية الموسم يعطونه افضل لاعب

موضوعي
الهلال يجدد للعربي ؟؟
اكيد الحين بتقولون وش دخل العربي

فل نفترض العربي لعب بدال الكوري وسجل 4 اهداف
والله
الجماهير اللي قالوا نبي الكوري راح يقولون مانبيه فراقه عيد
كان يطالبون بالعربي وتكفي ياابو فيصل جدد معه

انا ماني ضد اي رأي لأي مشجع لاكن انا احكم على الاعب موسم كامل مو مباراة وحيده

تكفون فكونا من مطالبتكم بـ اشباه الاعبين

الكوري
وقت الانتقالا الشتوية طالبت ببيعه وجلب لاعب بديل له واكثر المشجعين
قالوا ؟؟
الاعب ضيعه دووول ؟؟ عطوه فرصه وبعد ما راح دوول الجميع قال هذا
نكبه مانبيه وقلت وقتها راح تندمون اذا بقي بعد الانتقالات الشتوية

وبعد مباراة بني ياس الحين تقولون ضيعه هاسيك ؟؟

والموسم القادم اذا الهلال جدد معه ( الله لا يقوله ) بيقولون ضيعه المدرب القادم
وهكذا ؟.؟ اسطوانه مشروخه ..

اذا بقي الكوري يعني الموسم القادم بنلعب بمهاجمين اجنبين
بذمتكم ياسر القحطاني ايهم افضل هو ولا الكوري

والله الكوري مايسوى شيء حتى مع هبوط مستوى ياسر ليه نفرط بلاعب محلي ؟؟
ونجيب لاعب اجنبي نستفيد من الاجنبي بمركز اخر

انا لو بدال ابو فيصل واطمح بالآسيوية ؟؟

العتيبي

الفرج _ يحيى المسلم _ ساشا _ ياسر الشهراني

رادوي

العابد _ تاباتا _ سالم الدوسري

ياسر القحطاني _ اسامواه

وفالكم الآسيوية

الآسيوية تبي تدفع الغالي والنفيس من اجل الحصول عليها مثل مافعل البلوي مع الاتحاد موسم 2004 _ 2005
تشيكو ، كالون وافضل الاعبين المحليين

ليه كل موسم ندفع القليل ونطرد الآسيوية ونفكر بمبلغ 30 مليون من العين
ونفرط بلاعب مميز
افضل نغطي الدفاع
بدال مانفرط فيها بلاعب مهاجم وعندنا بديله محلي ؟؟
عجبي

رسالتي للجمهور الواعي الفاهم في كورة القدم

[خالد مجثل]

شكراً جزيلاً لك وموضوع رائع

[محيطنا الأزرق]

تبي الصراحة ياليت مايبقى الكوري ولايبقى العربي نبي مهاجمين افضل منهم
ولازم يرجع ابو عبدالعزيز للهلال بصراحة فقدنا ياسر هذا الموسم

* شطحة : يارب ان الفريدي يبقى مع الهلال
واهم شيء لا ثم لا ثم لايرووووووح الفريدي للاتحاد بالذات

[Prince Hearts]

شششكراًًً لك على ىى الموضوع الرائع والله يكتتب الخيير للهللال يارب

[silva 21]

اتمنى بقاء الكوري
واحد تعرفه وسعره حلو
احسن من عشره ماتعرفهم واسعارهم غاليه


ونوفر الفلوس لمدافع عالمي يقود الدفاع

اسامواه والله لاعب عادي مو مره خطير ياسر افضل منه وهو نازل مستواه بالعين
لااتمنى جلب اسامواه لانه نفس سيناريو ايمانا

[sosoalkhaldi]

الله يوفققققققققققققققققققه بس الله لايخليه بالهلآل ويبععده عنآ
بأسرع وقت

[هلالــ15ـي]

اتمنى جلب الاعبين الي ذكرتهم في التشكيلة , والاستغنى عن الكوري وبقاء العربي ..

وعودة ياسر وبقى الفريدي , بتوفيق لزعيم في الموسم القادم ..

[ابو عــــامر]

اتفق معك مليون ف الميه والله الاعبين الاجانب ارداهم هذا الموسم الكوري ابدع في مباراه وحده فقط ؟ الاعب الوحيد الي يستحق البقاء هرماش فقط
وان شاء الله الاداره مهيب مقصره في فتره الاعداد

[alyassery]

لا نبى الكوري ولا العربي نبى في الهجوم ياسر وبس
وفي الوسط نبى صناع لعب من الطراز العالي زي تياغونيفيز
وشكرا

[max-1988]

اي والله ماذا فعل البلوي بطولة 2005

اوافقك الراي لازم ندفع

[Eric Gerets‎]

اولا أخالفك في الستخفاف بعقليات المشجعين ...!! ان برأي ان حتى الاطفال فاهمين كوره يجوبونك بأسماء الفرق الأجنبيه ولو تبغا لاعبيهم كمان تحليل ونضره فنيه كل واحد فيهم عالم كوره مشاء الله ...

ام بنسبه للكوري لاعب مميز أتى لفريق جميع لاعبيه في أسوء حالتهم فريق اغلب عناصره جديده ينقصه الكثير من التجانس مع مدرب واجواء جديده لا انتضر اكثر من ما قدم يعطيه العافيه ....


أجانب الهلال هالسنه ممتازين لم نوقف في مدرب فقط.....😣

شكرًا للادارة الأزرق فهي لم تألوا اي جهد في سبيل إسعاد الجماهيرازرقاء....

يعطيك العافيه اخوي 😉



وبتوفيق للأزرق ومحبيه

[k.alsalloom]

والله من قبل المباراة وانا اطالب ببقاء الكوري ، لكن الله يكتب كل خير لـ هلآلنآ "$.........!

[انا صاحيلهم]

ردي عليك هنا من جا الكوري ونا واثق من إمكانياته في مواضيعي اقرأ



http://vb.alhilal.com/t1079848.html




وهذا الموضوع قبل مباراة بني ياس راهنت عليه

http://vb.alhilal.com/t1099402.html




وعلى طارئ من افضل ياسر او الكوري

برد عليك وأقولك


من اللي يملك طموح بتقديم مستوى الكوري الصغير بالسن والحماسي

اما ياسر الكبير بالسن ويلعب على الواقف كثير



ولا تنسى ان الكوري لاعب آسيوي من الصعب ان تجد لاعب بديل له مميز وافضل منه

[HiLaLy 4 EvA]

يا اخوان الاداره مستحيل تاخذ اي قرار بلاعبين الاجانب

ماضيعنا الموسم الماضي الا اختيار لاعبين اجانب قبل المدرب

ابوفيصل اعلن برنامج كوره لاعبين الاجانب راح يكون المدرب هو مسؤول عنهم

انتظرو يجي المدرب ونشوف ايش يصير !!؟؟

[@@ أبو علي @@]

اللاعب الكوري أفضل من ياسر القحطاني وجيان بمليون ألف مررررة..

بعدين مو أنت إلي تقرر يا فيرجسون.. المدرب القادم هو إلي يقرر..

أبغاك ترد علي يالله:
لاعب متحرك- سريع- مشاغب- هداف- يحط نفسه في أي هجمة..

وأغلبية الهجمات إلي ضيعها كانت بالرجل اليسرى وهو لا يجيدها..
وبالرأسيات وكانت أغلبيتها صعبة عليه..

أبغى ردك بسرررعة..

أيضا كثييير كان يحط الكور عرضية: بس محد يفهم له: كلهم يصيرون ورى..