[لعيون كوزمين]

( صباح / مساء ) الخير ..

أولاً أبارك لكم جماهير الهلال على الفوز المستحق أمام بن ياس , و عقبال ما نبارك لبعض بالنهائي .

#أحمد الفريدي وشطحاته الكاثرة ..

ما نشكك أن الفريدي لاعب ممتاز و ذكي ومهاري ( لكن ما يقارن بالفيلسوف ) , و من الناحية الثانية لاعب مزاجي

يلعب 10 يبدع بـ 3 , سؤالي : لو ذهب أحمد الفريدي من الهلال ما هي حجم الخسائر ؟

يعني بعد خروج الفريدي هل سيصبح الهلال غير قادر على تحقيق الدوري لأن اللاعب ( النفاثه - حارث الملاعب )

لم يَعد موجود !! اعتقد الجواب واضح - الهلال ما عمره وقف على لاعب

طيب إذا سلمنا .. أن أحمد الفريدي لاعب كبير و لاعب موهوب و لا يختلف عليه اثنين و فنان و بطل

مركز اللاعب أحمد الفريدي صعب تنجب الملاعب مكانه لاعب آخر يعني ؟؟ مثل الظهير الأيمن (سابقا) كيف كان

الهلال يعاني منه ! .. أعتقد لآ , طيب لو قلنا أن الهلال يحتاج للاعب و ضروري يكون مع الفريق لأنه

(#مفتاح الفريق ) - وجددنا له بالمبلغ المطلوب - وش مصير باقي اللاعبين !؟

سلمان الفرج ( اللاعب الموهوب ) , نواف العابد , عزوز الدوسري , سالم الدوسري .. و تطول القائمة

بكرى أي لاعب يماطل بالإدارة الهلالية و يأخذ مبتغاه ,

معظم اللاعبين ( محبين الهلال ) لم نسمع لهم بلبله ولا تصريحات عند تجديد العقد كثر الفريدي , حتى ياسر بعزّ لعبه ما وصل للفريدي الحين ! (#يآآآآآآآآرباه)

اللي يطلع من داره يقل مقداره .. ماهو بالضرورة يكون هالمثل صحيح لكن فيه نسبة صحيحة ..

طيب نأخذ أمثلة :

خميس العويران وش كان مصيره بعد ما انتقل من نادي الهلال للأتحاد !؟

أحمد الدوخي وش كان مصيره بعد ما انتقل من نادي الهلال للأتحاد !؟

عبده عطيف كان في عّز مستواه لكن تعامل الإدارة الشبابية الأكثر من احترافي حسمت الأمور لصالحها

و أتحدى لو عبده عطيف ينكر أنه يتمنى أن يعود للشباب ..

و الأمثلة تطول و تطول ,

الخلاصـة :

* أحمد الفريدي شكراً لك على ما قدمت لـ نادي الهلال .
* والله يوفقك مع ناديك القادم ( اللي تبي تحقق معاه طموحات عالمية )
* أتمنى من الأعضاء الفنيين المورينهيين الجوارديليين ترك الإدارة تعمل وفق خططها يعني كل واحد يجيك يحط صورو فيديو لاعب و يقول و الله ممتاز و الله كويس جيبوه و بنحقق ( التشامبينز الأوربي - على غرار هذا اتحاد وين ابطال آسيا وين آآآآ أبطال أوروبا ياهوووه ) ,

في الختام : أنا بصررررراحـة جداً متفائل بموسم قوي للهلال إن شاء الله
و الله يجعل توقعي و تفائلي في مكانه , و إن شاء الله يكون المدرب واللاعبين الأجانب مرضية لنا كجماهير مع احترامي لـ ( أبو بيونج )



وعلى منصات التتويج نلتقي