بسم الله الرحمن الرحيم
أسعد الله صباحكم بكل خير 
مثل ماتشوفون الصوره اللي فوق
يوم الثلاثاء بإذن الله بنلعب قدام بطل قطر
واللي أخذ البطوله ليلة البارحه ومن أمام بطل آسيا بكبرها ! ( السد ) 
يعني يوم الثلاثاء راح نلعب قدام بطل ....مو الغرافه اللي فزنا عليه 3-0 في الرياض
وخطفنا بطاقة التأهل منه في الدوحه !
ومو الغرافه اللي كان مدافع في مباراتنا الأخيره معه وفي الدوحه بعد وعادلنا بركلة جزاء في الدقيقه 90 !!
بطاقة مباراه يوم الثلاثاء
فريق الهلال المتهالك ( بدون مدرب ) Vs بطل قطر ( قبل يومين من وقت المباراه )
لذلك
الغرافه بيدخل المباراه بمعنويات مرتفعه أولا
وثانيا توهم ماخذين بطوله
وثالثا لأنهم عارفين وضع الهلال أكيد
كل ماأتمناه هو تدخل سامي في التشكيله والتكتيك للزعيم في هذه المباراه تحديدا
لأنها والله إنها أهم من مباراة دور الـ 16 إذا تأهلنا بإذن الله في هذي المباراه أنت محتاج تفوز عشان تتأهل أولا
ثم تلعب على أرضك ثانيا !
لكن مباراة دور الـ 16 عادي يمديك تلعب وأنت مريح لأنك أولا على أرضك
وثانيا بين جماهيرك بإذن الله 
يابو فيصل
هاسيك ضيع الدوري
وطلعنا من كأس الملك !
وبقيادته للإداره الفنيه لحد الآن ( قد ) تخرجنا من الآسيويه كذلك !
فرجاء لانكابر واللي يرحم والديكم 
نقطه مهمه :
تخيلوا نطلع من بطولتين خلال 4 أيام بس ؟!!!
مصيبه اللهم وفق الزعيم يوم الثلاثاء للفوز بـ 3-0 يارب
في أمان الله 
لقاء الثلاثاء ليس بالسهل .. الغرافه سيلعب للفوز بثلاث محفزات 
الوضع الشجري
