[هــلالــي مــوت]

مساك الله بالخير يابو فيصل

وأن شاء الله تكون بخير وبصحة جيده ولا جاتك ازمة زي أزمة مباراة الاتحاد

الموسم هذا الله يعطيك العافية ماقصرت في الهلال ولا جمهور الهلال وبالفعل موسم أستثناء

جلبت أمهر اللاعبين الاجانب والمحليين وخليتنا نفتخر بهلالنا في كل بيت وشارع وزنقه

صراحه مادري وش اقول لك وللفريق اللي جلب اللعيبة المحترفين واللاعبين الأجانب

صراحة شكلكم تعبتوا تعب شي غير طبيعي

صفقات اقل مايقال عنها ( صفعات للجمهور الهلالي ) أديرت من فنادق باريس

مدرب يتم التعاقد معاه بعد التعاقد مع المحترفين الأجانب

لا يوجد أي صفقه محلية نفتخر بها كهلاليين من بداية الموسم

تغيير مدربين بوسط الموسم ويعلم الله أن دول كان أرحم لنا من السباك ذا اللي جاني وأبرز أنجازته ( ترأس اتحاد بلده ، فوزه مع الأهلي الامراتي بالدوري ) ... الله يالزمن اللي صانا نتعاقد مع مدربين بالتفكير هذا

الإصرار على المدرب رغم وضوح فشله بعد أول مباراة لعب فيها والأصرار عليه بعد الهزيمة الماضية من الأهلي بالرياض عشان مستوى الهلال بذيك المباراة هو مستوى الهلال الحقيقي معاه والمستوى اللي شفناه بإيران والشوط الأول اليوم كان من اجتهاد اللاعبين فقط

سمو الأمير عبدالرحمن بن مساعد
يرحم والديك لا عاد نبغى مواسم أستثنائية ولا نبغى لعيبة فايف ستار
نبغاك تشوف أش لك وأش عليك في النادي وتبيع لعيبتك اللي جبيتهم للأستثمار وتشيل معاك مجلس الإدارة وأولهم ( سامي الجابر ) اللي أعشقه كلاعب وتنهي فترتك بخير وسلامة
الهلال مليان بالرجال اللي بيطلعوه من الوضع اللي حطيتنا فيه والله يسامحك
في عهد محمد بن فيصل كنا ننهزم ونطلع من بطولات لكن ماكان أحد يقدر يتجرأ على الهلال عشان عارفين وش بيصير فيهم لما يرد ذاك الأسد
اما في عهدك فأسمح لي ان الهلال صار بدون جدار
الآن وقت أي شخص يرأس الهلال بأستثناء عبدالرحمن بن مساعد لأن تفكيره صار تفكير رجل مستثمر وأحنا نبغى عاشق للهلال

المشرفين الأعزاء
نقدي لأدارة الهلال ورئيسه مايسمح لكم بحذف الموضع
المنتدى ذا لكل الهلاليين أن كان شخص مؤيد أو منتقد
وبطلوا تنظيف المنتدى من مواضيع الانتقاد للادارة بسبب علاقات بتزول مع الزمن وبيبقى لنا الهلال فقط