[king.yasser]

عندي احساس ان نفس الاطراف اللي كانت تسهل طريق الاهلي للفوز بالدوري وفشلت لقوة الشباب نفس الاطراف اليوم قاعدين يلعبون نفس الدور في كاس الابطال ويحاولون يقدمون الكاس على طبق من ذهب للنصر والدليل حكاية الحكام المحليين لمباراة النصر والفتح لان الكل عارفين ان الفتح نادي بلا اعلام ولا جمهور والحكام السعوديين يخافون من الاعلام والجمهور حتى ولو حاولوا الحياد ...يمكن البعض يقول الفتح وافقوا على الحكام المحليين بس لاتنسون ان النصر محتقنين من ابتعادهم على البطولات والشيطان حي ما مات وممكن يقدمون أي شيء للفتح علشان يوصلون النهائي واللي اكلوا حقوق نجوم فريقهم لانستبعد عنهم أي شيء المهم عندهم ياخذون بطوله والناس تقول النصر جابوا بطوله.

والله انا ما احب الظن السيء لكن تصرفات المسئولين عن الكره في المملكه يخلون الناس يصابون بالحيره والظنون تودي وتجيب في الجماهير يعني ليش المقاييس تختلف من نادي لنادي ومن جمهور لجمهور .

العدل واجب والمساواه مطلوبه المفترض على اتحاد الكره يجيب حكام اجانب في دور الاربعه من هذي البطوله لان الكل عارف ان هذي البطوله هي نهاية الموسم وأي غلط فيها رح يكون حديث الناس طوال الصيف ومهما كان الموسم ناجح تأكدوا ان الجمهور ماراح يذكر الا نهاية الموسم وغلطه لان ((الاعمال بخواتيمها))..

ما اعتقد ان المباريات القادمه وعددها ست مباريات تعجز ميزانية اتحاد الكره عن احظار حكام اجانب مميزين حتى ولو ما طلبت الفرق المتأهله لكن بعض الناس ما عنده الحكمه للقضاء على الفتنه وهذا احد اسباب الاحتقان اللي دهور الكره السعوديه.

يمكن البعض يقول ياخي لا تدخل في النوايا وان بعض الظن اثم وهذا كلام صحيح وسليم وديننا حثنا عن البعد عن الظن السيء ولكن عندما تشاهد الادله والقرآئن اكيد غصب عنا رح نبداء بالظنون .