:: برنامج إرسال :: سامي الجابر يتحدث عن أحوال فريق الهلال , ويتحدث عن ياسر القحطاني , وسعد الحارثي , وأمور أخرى :: الجزء الثاني :: نص كتابي ::
حياكم الله ومنورين فديتكم
لمشاهدة حديث سامي الجابر في برنامج إرسال :: بجزئه الأول :: على هذا الرابط بالأسفل
تحدث سامي الجابر في برنامج إرسال الذي يعرض في قناة السعودية الرياضية :: بجزئه الثاني :: عن أحوال فريق الهلال , وعن ياسر القحطاني ورحيله , وسعد الحارثي وأمور أخرى تخص النادي وأقدم لكم هذا النص الكتابي عن هذا اللقاء :: بجزئه الثاني ::
ماجد التويجري يسأل :: على صعيد الجهاز الفني تعترف أنكم تخبطتم هذا الموسم تجربة الألماني توماس دول اللي ممكن وصفها بالفاشلة قياسآ بوضع الفريق فنيآ وليس نتائجيآ ؟
سامي الجابر يرد :: قد سمعت مننا تصريح ياماجد أو كلام أنو نقول أحنا ما أخطأنا أو ما أعترفنا بأخطائنا هذا الموسم
ماجد التويجري يقاطع ويسأل :: أكثر من يعترف بأخطائه الأمير عبدالرحمن بن مساعد ؟
سامي الجابر يرد :: أنا قد سمعتني ما أعترفت بخطأي وهذه شجاعة أنو يتحمل الأمير عبدالرحمن بن مساعد ولكن ما يتحمل لحاله حتى أنا أتحمل
ماجد التويجري يقاطع ويسأل :: تعترفون بأنو الأخطاء كثيرة حتى الوصول إلى هاسيك الآن ؟
سامي الجابر يرد :: يعني أحنا وش الشيء إللي نقوله يا جماعة حنا نعترف بأن أخطائنا كثيرة لكن حنا هنلعب مع الإتحاد في دور 8 ومهيئين أننا ناخذ كأس الملك ونحصل على كأس الملك صح والأ لا وبنلعب مع نفس المجموعة إللي فيها الأتحاد وبني ياس وما ندري مين المركز الأول ومين المركز الثاني سواء بمجموعتنا أو سواء بمجموعتهم ولكن في ذلك الوقت راح يكون شيء مهم أنو أنت
في البطولة الآسيوية تكون أو لا تكون لا نقعد نقول زي ما يصورنا الإعلام وزي ما يصورونا بعض الناس أنو موسم سيء وأحنا سيئين ونقعد نبكي ونضيع من يدنا أشياء ممكن تصير الهلال ممكن يرجع في أي لحظه ياماجد وأنا قد الكلام إللي أقوله أنو 23 أو 24 سنة وأنا عايش في المعمعة هذه والهلال كان في مراحل أسوأ من إللي تشوفه ومع ذلك حقق بطولات وراجع أنو يعود في ناس كثير تعرف أنو
الهلال ممكن أن يعود في أي لحظة الناس هذه وش تبغى تسوي تزرع في عقولهم أنو موسم سيء وخلاص أنتهى لأنو ممكن يفاجئنا وياخذ البطولات تعرف الأسد النايم لما تقومه الله يعينك عليه ترا هذا مو رفع الروح المعنوية أو كلام برضو للجمهور هذا حقيقة لكن إللي يبغى يفهم يفهم وإللي ما يبغى يفهم ما نقدر نقوله إفهم بالقوة الحقيقة أنو أحنا لازم إذن طين وإذن عجين أخطاء أخطاء إلى روسنا أشياء
غلط سويناها الموسم هذا في تأخر وفي تعاقد وفي في في في عملنا ما يتحمله الأمير عبدالرحمن والأمير عبدالرحمن عشان محد يقول والله ترا سامي دايم يطبل للأمير عبدالرحمن لكن الحقيقة إللي أعرفها بدون تطبيل أنو الشخص هذا لو ماكان موجود في نادي الهلال ماكان نادي الهلال بيوصل للمواصيل إللي هو موجود فيها الآن سيكون مثله مثل أي نادي في درجة الوسط وأنا مقتنع وأقول هالكلام ليه مو مسألة فقط أنو مال والمال عمره ما يصنع فكر لكن الفكر يصنع مال الأشياء البسيطة
في كرة القدم وفي الرياضة وفي نادي الهلال هي إللي بتصنع الفرق وهو إللي قاعد الأمير عبدالرحمن يصنعه يصنع الفرق أشياء بسيطة يصنع فيها الفرق لما تكون كبيرة الكل يقول هيه موسم 2009 وموسم 2010 وموسم 2011 ياأخي أيش هذا الفريق نازل من كوكب لا خلوه يروح يشارك في الدوري الأوروبي أحسن كنوع من التعبير أنو وين وصلنا من مرحلة ولما يحصلك دروب في موسم وهو طبيعي دروب يحصل في برشلونة يحصل في الريال بايرميونخ مانشستر ومانشستر مو في دور
الأبطال السنة ذي وخرج من كأس الأبطال صح والأ لا وهل هو قاعد يبكي وجى من ورا لين أخذ الدوري يعني في طريقه يحصل على الدوري لكن قاعد للموسم المقبل وش يحتاج ووش ما يحتاج
ماجد التويجري يسأل :: طيب جميل الكلام إللي أحنا جالسين نسمعه أنتا برضو تسمعه فيما يتعلق بأنو يعني سامي الجابر هو من يتحكم وهو من يقرر في كل شيء وهناك إعتراضات من أسماء مؤثرة في قائمة أعضاء شرف نادي الهلال وأحيانآ داخل إدارة نادي الهلال داخل مجلس الإدارة لمستوى الحرية العملية إللي ماخذها سامي الجابر ؟
سامي الجابر يرد :: إللي ما عنده حرية عملية وما أعطيت فيه الثقة أنا ما أقدر كشخصية إني ألعب دور إللي فيه أحد يحركني من ورى أعمل وسو وحط وإذا إذا ماهو مقتنع بفكري ومقتنع بكامل الصلاحية تعطى لي وأحاسب إذن ليش أتواجد ! جب واحد مكاني خلوه يرتز ويجلس هناك وحركة أنت من ورى وإذا صار وطاح الفاس بالراس قل هو المسؤول لا لما أنا وأعوذ بالله من كلمة أنا أخطي وأتخذ قرار خاطيء ويكون هو قراري أتحمله أما يكون فيه قرار خاطيء ويكون هناك خطأ ولا أتحمله وأحمل فهذه
هي المشكلة فهمت وش أقصد ذلك من منطلق سؤالك أكيد أنا إذا مدير إدارة كرة القدم ماعندي الصلاحيات الكاملة في أمور كثيرة وشوله أجلس أجل مدير إدارة كرة القدم وعندي ألف فرصة ممكن أقدر عليها في أي مكان لكن أحب لكن أحب نادي الهلال وأبغى أخدم نادي الهلال وليس بالعاطفة لأن فيه ناس تعرف أني أحب نادي الهلال لأني ولد النادي أنا لكن ولد النادي لما أحس في وقت من الأوقات أن وجودي بيصبح بشكل مشكلة مو المشكلة إللي بيصنعنا أو يقولها واحد صغير في أنترنت
والأ في أو واحد يكتب كتابة في صحيفة وإلا في مجلة لا ولما أنا أحس في هذا أنو لا أقدر أأدي عمل أكثر من العمل إللي أديته في نادي الهلال أبجي وأقول يا أمير عبدالرحمن بن مساعد أنا ماعاد أقدر أأدي وأعتقد أنو هذا الوقت إللي أنتا لازم تشوف أحد مكاني يقدر يواصل العمل
ماجد التويجري يسأل :: على صعيد قرارات كرة القدم تحديدآ إنتا والأمير عبدالرحمن والباقين كومبارس ؟
سامي الجابر يرد :: لا لا ترا فيه واحد مهم في إدارة كرة القدم إللي هو نائب الرئيس في إدارة كرة القدم لأن خبرته محد يقدر يتكلم عنها إللي قضاها سواء كان في لجنة المنتخبات في الإتحاد السعودي وأشرف على منتخبات أو الخبرة أو الشيء إللي تواجده في النادي كحجم أو كثقل وهذا الشيء ملموس ومعروف من الكل لكن أنتا تعرف أنو مافيه النجاح الكل مشترك فيه لكن الإخفاق لابد أن يتحمله واحد
ماجد التويجري يسأل :: مابينك وبين الأمير نواف بن سعد أي مشاكل ؟
سامي الجابر يرد :: 25 سنة علاقتي مع الأمير نواف وكرة القدم أو نادي الهلال بتجعل بيني وبين الأمير نواف مشكلة أفضل أني أترك الهلال وكرة القدم ولا أترك الأمير نواف ويكون فيه فرق ويكون هناك في فرق بين خلاف وإختلاف عشان الناس تعرف عشان الحين ما يقولك والله الحين سامي قاعد يتكلم لا فيه إختلاف طبعآ فيه إختلاف لما أنا وياك ما نختلف كثير إختلاف في وجهات النظر وهذا هو بيئة العمل الصح أنتا تشوف من منظور وأنا أشوف من منظور ومافيه أزدواجية في الأدورا يعني ما
تقدر تأدي عملي أنا كمدير عام لإدارة كرة القدم ولا أقدر أسوي أنا كنائب رئيس لي صلاحيات ولي مسمى نائب الرئيس صح والإ لا ونختلف في أشياء معينة لكن خلاف ما أعتقد أنها تصل لمرحلة الخلاف ولن تصل مرحلة الخلاف
ماجد التويجري يسأل :: هل يحبونك الأعبين ؟
سامي الجابر يرد :: أنا ما أطلب من كل واحد يحط صورتي في البيت وما أبغى كل واحد يتصل علي الصباح ويقولي حبيبي سامي كيف الحال أنا أبي تربطني علاقة سواء من الأعبين إللي غادرو عشان ما يكون سؤالك وأبوديك مباشرة من إللي غادرو من نادي الهلال سواء كان بإعتزال محمد الدعيع ومحمد قريب منك وقالك وأرسلك رسالة مره على برنامجك وحلفلك والله أني معتزل بمحظ إرادتي صح هذا رقم واحد الشيء الثاني مثلآ كإنتقال ياسر وياسر يمثل شريحة كبيرة من الجمهور يعني
عندك جمهور نادي الهلال تعلق بالسنوات الأخير بياسر لأنه لاعب حسم بطولات كثيرة وأصبح الاعب رقم واحد جماهيريآ فمغادرته نادي الهلال كثير من الناس حملت أنو سامي هو من طلب بأنه يغادر بينما أنا في السنوات الأخير لم أكن راضي أبدآ على مستوى ياسر كفنيآ وهو يمثل لي كصديق وكأخ زاملته في المنتخب وكذى يعني علاقتي فيه ويمكن لما أجي وأحط علاقتي كمدير إدارة كرة القدم
وأخلطها بعواطفي وأشوف شي مو كويس بالنادي وأقول لا والله مستواك زين أو لأنو فيه أوقات كثيرة أنا حسيت أني دايم أقول حتى ياسر ما يأدي أقوله لا ياسر ترا مستواك اليوم زين وهذا مو مساعدة وفوق هذا كله أعرف أنو لاعب مؤثر وقبل ما يغادر للعين ويمكنك أنت تتأكد منه وتسأله
جيته أنا في معسكر ألمانيا ودخلت عليه في الغرفة قلت له لا توافق لأن القرار كان عنده ماعاد هو عند
أحد الحين ولا توافق أنك تطلع من نادي الهلال وتروح لأي مكان أجلس فهذا المكان إللي دايم بيعطيك الإمج وبيعطيك دايم وبيطور منك وإذا أنت في العين وهبط مستواك وتروح لأي مكان وهبط مستواك ماراح أحد يرجعك لمستواك لكن نادي الهلال بيرجعك لمستواك فأنا أقولك إياها من الآن لا تروح لأنو عرفت ذاك اليوم بعد مكالمة الرئيس أنو هوا من طلب من الأمير عبدالرحمن بن مساعد أن يعطى
فرصه لأنو يحس بضغوط كثيرة ويبغى يروح يغير هذا رقم إثنين رقم ثلاثة مين من النجوم بعد إللي !!
ماجد التويجري يقاطع ويسأل :: لا لا أنا ما كنت أقصد أنو أنت سبب في الضغط على ياسر على الأقل حتى لو مش عملية يعني بشكل مباشر أنك تحكي معه
يعني كان فيه مضايقات مثلآ لياسر نفسه بحيث أنو أطلع يا ياسر خلاص ؟
سامي الجابر يرد :: لا ما أعتقد مضايقات لا ما أعتقد ومضايقات من أيش يعني أحطله مثلآ شوك عند باب غرفته وهو طالع ! ياسر عنده شيء واحد كقائد لنادي الهلال في ذلك الوقت عنده موسم إعداد ويعد على أعلى مستوى وياخذ قوة إرادة وإذن طين وإذن عجين وهذا الشيء دايم أقوله لياسر كمية الهجوم والسب والأشياء إللي شفتها في حياتي أنا سواء كانت داخلية أحيانآ من النادي أو خارجية إللي تكون أعظم ولكن فيه بشر وفيه واحد يتحمل وفيه واحد ما يتحمل وهذه إذا أنتا منت متحمل ضغط في أمور معينة صعب أنك تعيش في مستوى الرياضة السعودية خصوصآ كرة القدم
ماجد التويجري يسأل :: جميل ورقة سعد الحارثي إللي كانت الداعم الأول لها أنت كانت ورقة مثلآ تقديم نجمل !
سامي الجابر يقاطع ويرد :: قناعة فنية مبنية على أول شيء زاملته ولعبت معاه أنا تقريبآ في آخر الأيام في المنتخب من 2005 بتصفيات كأس العالم وسنه مناسب أنو عنده إمكانيات لكن قد تكون ماساعدته الظروف إصرار سعد لما قابلته أول مره وثاني مره وثالث مره ثلاثة أسئلة تبغى ؟ في مال وإلا تبغى تلعب كورة ؟ قال أبغى الثنتين عندك الإستعداد ترجع وتسوي أمور كذى قال أنا جاهز , تغيير حياة
سعد الحارثي بعد الزواج إصراره أنو هوا ما وجدت له البيئة المناسبة وبيئة مناسبة مو معناته أنها بيئة فاسدة باللي كان فيها أو بيئة صالحة ترا أمور كرة القدم مو مسألة أنو النادي والضغوط لا حتى أشياء بسيطة كل هذه عطتنا أنو مؤشر أن أحنا برضو لما أصيب العربي كان وقتها بيغادر مع هرماش للمنتخب المغرب كنا نحتاج أنو لو أصيب لا سمح الله الكوري يو بيونغ سو وإلا عيسى بيصير عندنا مشكلة ونبغى لاعب ممكن نطرح الثقة في الاعب فهد الجهني بس لسى صغير ولكن شامبيوزليق
يبغالها واحد جاهز والدوري في آخره يبغاله واحد عارف وش لعبه وسعد مناسب وفوق هذا عطيناه ست شهور حنى ما قلنالك تعال عشان نقهر بيك النصر ونسجلك ست شهور بتثبت أنك صفقة
ناجحة وتثبت أنك فعلآ أنتا تبغى ترتدي الفانيلة الزرقاء لموسم موسمين ثلاث على حسب أنتا وش بتأدي وإذا أنت بتأدي وبتثبت جدارتك أعتقد أنو الهلال بيوقع معاك وإذا ما أثبت جدارته سعد مع نهاية الموسم محد راح يقوله تعال صح والأ لا
:: إنتهى الجزء الثاني من المقابلة وستأكد إذا يوجد هنالك جزء ثالث بإذن الله ::
الوضع الشجري
