[الاباتشي ردريقو]

حياكم الله ومنورين فديتكم

تحدث سامي الجابر في برنامج إرسال اللذي يعرض في قناة السعودية الرياضية :: بجزئه الأول :: عن أحوال فريق الهلال وما مر به من الظروف وأيضآ تحدث بكل صراحة عن ما يكتب من مواضيع من بعض أعضاء منتدى الزعيم وأقدم لكم هذا النص الكتابي عن هذا اللقاء بجزئه الأول وهنالك جزء آخر سيعرض لاحقآ

ماجد التويجري يسأل :: أبو عبدالله على أي حال المتابع إللي يركز في وضع الهلال يشعر في الإعلام الهلالي من قبل الجمهور الهلالي أحيانا أنو علامات عدم الرضا على الوضع في الفريق هذا الموسم يعني وأنت تشغل منصب مدير الكرة كيف تعلق على هذا الراي ؟

سامي الجابر يرد :: والله هل الوضع لهذا الدرجة يعني مأساوي في نادي الهلال !! ما أعتقد أنه مأساوي لهالدرجة قد يكون مو مرضي على الوصف بس مأساوي لهالدرجة ما أعتقد , لكن أحس أنه فيه أشياء أبعد من كلمة أنه موسم سيء فتلاحظ الفريق يعني في الدوري خسر مباراتين وخسارة مباراتين أول مباراة أمام الشباب في بداية موسم لم يكن هنالك إعداد للاعبين المنتخب ووصول الاعبين متأخرين اللي هم المحترفين

وما كان أستعدادنا ذاك الإستعداد مع ذلك خسرنا 2/0 من مباراة ماكانت يعني كانت عندنا فرص وعندنا أشياء لكن الهلال من بدايتها طلعت أنا وتكلمت في مؤتمر صحفي وفندت أشياء معينة وزعل علي من البعض سواء كان الجمهور الهلالي أنه كيف أنت تقول لا تطالبون الفريق هذا الموسم بطولة وأحنا نبني فريق , ماهو هذا اللي صاير الآن كل الكلام اللي قلته ولو ترجع الى المؤتمر الصحفي تلاقي أن الكلام تقريبآ 70 أو 65 بالمية أنه نفس الكلام جالس يحصل

لكن الفريق خرج ببطولة كأس ولي العهد وهي من أحد البطولات المحلية إللى تقريبآ الجولة قبل الأخيره وأحنا ممكن نكون أبطال الدوري وأنا حتى على موقع التواصل بالتويتر كتبت أنه أذكر نقاط التعاون ونقاط الرائد 1/1 في الرياض لو حصلنا عليها هذه 4 نقاط كان أحنا والشباب متصدرين يعني المباراة الأخيرة هي الفيصل تعادل الشباب مع الأهلي وأحنا فزنا على الإتفاق نكون أحنا الأبطال لكن أحنا

تعادلنا مع الإتفاق لأنه الوضع لازم يصير كذى من حصل على الدوري يستاهله عمل جهد جبار وإعداد ممتاز أجانب على مستوى من بداية الإعداد وإختيار مدرب قبل الموسم اللي طاف أنا اتكلم لك عن الشباب وهذا ما عمله الهلال في موسم 2009 كرره نادي الشباب وحصل على البطولة والأهلي قدم مستويات إلى آخر لحظه حاول لكن في نقاط كثيرة خسرها الأهلي هي اللي ما أدت إلى فوزه بالدوري أرجع إلى محور الحديث عشان ما نطلع من الهلال

الهلال صور هذا الموسم أنه يعني جدآ سيء إلى أبعد الحدود كأننا يعني في كارثة من الكوارث
اللي حاصلة يعني ما أبغى أروح وأرجع للأندية لكن أحنا نتكلم بصراحة الإتحاد له سنتين ما حقق بطولة صح والأ لا خسر العام مع الأهلي واللي قبلها كان معنا يعني أحنا كنا مسيطرين على البطولات كلها يعني من البطولة إللي عام 2009 - 2010 كأس الملك لم يحقق بطولة محلية صح والأ لا والشباب كان له سنتين هذه البطولة اللي حققها واخر بطولة حققها كانت أعتقد كاس الملك برضو مع الإتحاد

ماجد التويجري يقاطع سامي ويقول أحنا همنا الحين الهلال ؟

سامي الجابر يرد :: إيه أنا أتكلملك كل المواضيع هذه تجرنا أنه فيه شي أكبر من أنه مسألة الهلال سيء الموسم هذا وهو يحصل في كل أندية العالم يكون هنالك أخطاء وإختيار خاطيء وضعف إداري ضعف فني ضعف طبي تتجمع كلها في ظروف معينة وتخرج في قالب ضعيف لكن الإستمرار في الخطأ والأندية الكبار هي اللي تبان هنا بالفارق كيف تبان بالفارق أنها ترجع تنهض وترجع تسيطر على البطولات مرة ثانية الشي الثاني إللي أنت ما تقدر تلومه فيه عدة يعني في الجماهير تقدر تقسمها على عدة أقسام فيه ناس تحب نادي الهلال هو نادي الهلال ككيان

وتبغاه دايم في القمه وهذا دايم ما يعطيك الصراحة , وفيه القسم الثاني أنه عاطفي والعاطفة تغلب عليه يعني أنا أحبك كلاعب أو أحبك كشخص كإداري كلاعب كرئيس أني أحاول حتى لو عيوبك أغطيها بالسلبيات وهذا أحيانآ يداوي ويجرح والثالث مسير أو أكثر شي أنه يعني زي الآن أنا أبغى أقولك مثلآ أنه فيه هجوم غير مبرر مو بس الهدف منه هو نادي الهلال وكيف وهو على الإدارة بالذات وبالذات يمكن يكون الأمير عبدالرحمن بن مساعد وسامي الجابر أكثر شي أنا أكيد لي 24 سنة

في نادي الهلال أعرف وش إللي يصير خلف الكواليس وأكيد هذا أنه فيه شي معين أهدافه تتخطى مسألة أنه مستوى فريق أحنا قاعدين إلى الآن نشتغل بعد موسم 2009 / 2010 / 2011 / 2012 والآن لما جددنا دمائنا نرجع نشتغل والآن الأمير عبدالرحمن بن مساعد مشتغل على الموسم القادم لنا أكثر من شهر إستراتيجية , معسكر , جهاز تدريبي , جهاز فني , جهاز طبي , كل الأمور هذه نشتغل عليها لأننا نبغى نرجع

ولأننا نعرف أحنا في نادي كبير وعنده مسؤولية كبيرة لكن الهجوم تحس أنه أكبر من مسألة الهجوم أنو مستوى الفريق هابط وألا أخطأتو في أمور كذى وألا كذى وألا ما أخذنا دوري يعني أحنا ما أخذنا دوري ولو قلنا أحنا لنا عشر سنين ما أخذنا دوري كان ممكن الزعل يمتد أو الهجوم يمتد بالشكل اللي تتقبله لكن الهجوم إللي صاير مو مسأله ما أخذت دوري وبس

ماجد التويجري يقاطع ويسأل :: أبو عبدالله الهجوم أللي جالس يتقبله أو يستقبله الأمير عبدالرحمن بن مساعد وألا سامي الجابر هم هلاليين أو من أطراف هلاليه ؟

سامي الجابر يرد :: لا لا أحنا محنا جايين نوزع أو نهرب من المسؤولية أنا أقولك المسأله مو مسألة فقط أنه موسم سيء والهلال ظهر فيه بمستوى سيء أو هوية الفريق مو كويسة هذه أمور لازم أنك تتقبلها للأنتقاد وتتقبله مافيه أي كلام , أنتا لما تجي زي مباراتنا مع الشباب الاماراتي آخر مباراة أبزعل يعني لو جاني واحد وقالي مثلآ فريق سيء وش ذا الكورة اللي تلعبونها بقوله معاك حق وإن شاء الله بنحاول نتحسن .

ماجد التويجري يقاطع سامي ويسأل :: أبو عبدالله على الجانب هذا إللي يهاجمون الأمير عبدالرحمن بن مساعد وإللي يهاجمون سامي الجابر هم من أي معسكر من معسكر الأزرق نفسه ؟

سامي الجابر يرد :: أحنا من إللي جالس يهاجمنا أجل

التويجري يقاطع :: أنا أسالك من ربعكم يعني ؟

سامي الجابر يرد :: بالعكس الأندية الأخرى وجماهير الأندية الأخرى فرحانه من مستوى الهلال

ماجد التويجري يقاطع ويسأل :: طيب ليش ربعكم يهاجمونكم أو بعض ربعكم ؟

سامي الجابر يرد :: ما نعرف ربعنا منهم هذول ما نعرف مين إللي قاعد يهاجمنا حاليآ بس نحس أنه عندآ يعني إذا كنا نتكلم على أشياء داخلية مثلآ نتكلم على أعلام أزرق بعض الإعلام الأزرق أنا ما أدري أحيانآ ما أشوف فيه أسم معين ولكن فيه أو بعض إللي لهم أسماء أشوف نقاط أحس أنها مو اللي أحنا ولو أنتا حريص على مصلحة النادي وتحب النادي يا فلان الفلاني كإعلامي أو ككاتب أو كأي واحد منتمي من منتدى الزعيم تتكلم وتعالج وتكتب الأخطاء والله خطأك ياسامي وخطأك يا هاسيك وخطأك يا عبدالرحمن ولازم تشوفون لنا أجانب السنة الجاية وأحنا ما نرضى هذا نتقبله وماعندك
أي مشكلة فيه المشكلة أنك أنتا كأنك تحس أنه فيه أحد قاعد يبغى تتعادل شف ما تخسر بعد تتعادل عشان يقولك خلاص ياخي أمشو أرحلو فهمت وش أقصد أرحلو أرحلو

ماجد التويجري يقاطع سامي ويسال :: هما هذا الهدف الأساسي لهم ؟

سامي الجابر يرد :: هذا أنا اللي حسيته

ويقاطع ماجد التويجري مره أخرى ويسال :: يبغون الأمير عبدالرحمن بن مساعد يمشي وسامي الجابر أيضآ يمشي ؟

سامي الجابر يرد :: ما أدري ما أدري أنا بالنسبة لي مو مكتوب لي بصك ملكية للنادي

ماجد التويجري يقاطع ويسأل :: أبو عبدالله أنتا تقول أنهم ما يستنون حتى التعادل ويقولون لكم أمشو ؟

سامي الجابر يرد :: أنا كل اللي أشوفه مو مسألة إنتقاد الفريق يعني أنا ممكن أقولك يعني 30 - 40 بالمية أو 70 بالمية هي مسألة خلاص هذه الأدارة أرحلو ولازم ترحل والمشكلة أنه مثلآ زي منتدى الزعيم يعني يوزر نيم ممكن يكون واحد وشخص واحد عنده 17 يوزر نيم تلقاه يكتب موضوع ويرد على نفسه فيه وحتى يبدأ بالإثارة لأن هذا فكر قديم تعرف المعسكر القديم أنتا لاحق على هالأشياء

والا منت لاحق لأن الواحد يكون عنده يعني شخص واحد يكون عنده 17 يوزر نيم فيكتب الموضوع ومسجل بألفين وأربعة والفين وثلاثة ومسجل بالفين وخمسة ومسجل بالفين وستة ومسجل بكل الأعوام ويكتب الموضوع مثلآ وتلقاه يرد على نفسه بنفس الردود عشان يجمع أكثر شريحة ممكنة للفت النظر في مسأله هي ما أعتقد أنها تتعدى كون أن الفريق يبغاله تصحيح والعيب الإستمرار في الخطأ إحنا كنا تقريبا إلى موسم 2011 أحنا أبطال الدوري بدون خسارة وبطل كأس ولي العهد

ماجد التويجري يقاطع ويسأل :: إذا أنه سامي الجابر وطبعآ بقيادة الأمير عبدالرحمن بن مساعد يجهزون الآن حاليآ ولهم شهر يجهزون لتحضير فريق لموسم جديد هذا معناه أنكم مستمرين في قيادة الهلال ؟

سامي الجابر يرد :: هذا كل سنة وهذا حتى لو ما أستمرينا هذا شي مفروض مننا كيف مفروض ؟ هذا عمل أحترافي يعني الأمير عبدالرحمن بن مساعد لما غير منشآت نادي الهلال وأنتا ياماجد شاهد على الكلام هذا يعني لما دخلت نادي الهلال 2007 تقارنه بنادي الهلال السنة هذه ؟ يعني كمنشأه أعضاء الإتحاد الآسيوي لما يجون يزورون نادي الهلال كمشرفين والأ يشوفون نقلة نوعية في تغيير شكل النادي لأنه الهلال زعيم أندية آسيا

وأكبر نادي أو أكثر نادي حقق لقب البطولات الآسيويه كبطولات آسيوية على مدى التاريخ يجون يدخلون في الأول عبارة عن منشآه متهالكة والآن قلبها الأمير عبدالرحمن ولما سواها الأمير عبدالرحمن وخسر عليها الملايين ماكان هدفه أنه فترة رئاسته وبعدين بأخذ كل عفشي معي وبطلع ولما يجي هو ويكلمني ويقولي أبغى موسم قادم أبغى كذى كذى كذى سواء جلست أو ما جلست يعني مو شغل أنه تجي لما تلقى بيت أو جدار بينهد تقولي حط لي بلكة بس مؤقتآ عشان إذا طلعت من هنا تطيح

على راس اللي بعدي لا هذه مو سياسية الأمير عبدالرحمن بن مساعد أو سياسة أحد ينتمي لإدارة الأمير عبدالرحمن على أساس حنا نجي أنا عشت بالنادي بغض النظر عن علاقتي مع الأمير عبدالرحمن ترا أنا واحد من أبناء النادي لي ثلاث وعشرين أو أربع وعشرين سنة من 1407 ومن يوم وقعت الله يرحمه أبو مساعد جابني ووقعت لنادي الهلال إلى الآن ما طلعت من العريجا ما بعد طلعت من العريجا إلى الأن وأربعة وعشرين سنة وأنا في نادي الهلال ليه ؟؟ لأنه بدمي لأنه إذا هو حاله زين ترا حالي في البيت زين وإذا هو بخير فترا عيالي بخير

ماجد التويجري يقاطع ويسال :: بس كثير من الناس إداريآ أتكلم أنك كنجم اليوم لا يشق عليك غبار فيه ناس كثير تراك وترشحك دائمآ لأنك السوبر ستار الحقيقي للبيت الآزرق على مدار التاريخ لكن فيه
فيه ناس كثير إداريآ يربطون هذا الموضوع بعبدالرحمن بن مساعد راح عبدالرحمن بن مساعد حيروح معاه سامي الجابر ؟

سامي الجابر يرد :: أنتا سألتني سؤال وأنا بقولك حتى لو ماكان فيه الأمير عبدالرحمن موجود وطلب مني خدمة نادي الهلال وأنا قادر في هذاك الوقت وتوفرت لي الأدوات اللي أبغاها زي ما وفرها لي الأمير عبدالرحمن ما أتردد أني أكون متوااجد

:: أنتهى الجزء الأول من المقابلة وهنالك جزء آخر في وقت لاحق بإذن الله ::