[آلقُنــٍآصُ ©]

السلام عليكم ..
كيفكوم ان شاء الله بخير ..

أول شيء نقول بالتوفيق للهلال قدام الاتحاد بالمباراة الجاية ..
أحب أذكركم بحاجة مهمة .. هذا الموسم الخامس لـ بطولة كاس الملك ..
ثلاث مرات من اربع بطولات بذا البطولة خرجنا من الاتحاد !!!
الاولى ايام كوزمين فازوا علينا رايح جاي .. وقبل موسمين خسرنا بالنهائي قدامهم
والعام طلعنا قدامهم 3-0 ذهاب و 1-1- اياب ..

أتمنى التركيز بالبطولة هذي لاننا ما جربناها .. وفالنا الكاس ..
أهم شيء لا يلعب بثلاث محاور والا مهاجمين .. غير كذا أمورنا طيبة ان شاء الله

انا ابي اتكلم عن نقطة تخص الجمهور وحتى وصلت للادارة وهذي هي المشكلة ..
أنا أعتقد اننا جمهور يكذب الكذبة ويصدقها .. وعندنا كذا مثال ..

الأول الظهير الايمن .. عانينا منه .. اوك
لكن لمى كان عندنا نامي ما يملى عيننا .. وعندنا البيشي ماعترفنا فيه !!
يوم ضبط نامي اعجبنا البيشي !! .. انا اعتقد لاننا خفّينا عن الكلام عنه وانه اوم المشاكل
ويوم نسينا المشكلة .. بدأ اللاعبون يبرزون .. وبدأوا يلعبون باريحيه أكبر ..

النقطة الثانية استاد الملك فهد ..
انا مدري وش ذا الفكرة اللي دخلت برؤوس الجمهور ان العله بـ استاد الملك فهد !!
اقل شيء بذكركم انه اول مرة يمر على الهلال ببطولة آسيا يخلص الدور الأول بدون فوز !!
باستاد الملك فهد كانت اروع المباريات فيه .. الا ما قل ..!
والحين بالملز ماتغير شيء .. بالعكس من اسوء النتائج بالبطولة المستحدثة ..
وتكلموا عن الحضور بحكم ان الملز اقرب .. وشفنا الحضور اسوء و اسوء

والكذبة القادمة .. أعتقد انها الظهير الايسر .. راح تكون اوم المشاكل ولا راح نعترف باحد .. لاننا حطينا اننا بمشكلة وهي لا شيء

هذي بعض الامثلة ومن ضمنها ايام بعد كوزمين و أن آسيا صعبة ومهر ومدري ايش
والاتحاد يمشي فيها بالساهل واحنا نعاني !!!!
وآيضا نزول مستوى ياسر وما الى ذلك ..

اللي بوصله اننا ننتقد بشكل خاطيء .. ننتقد بعنف لدرجة اننا بدال ما نصلح .. بالعكس نخرربة ..
أتمنى يكون فيه اتزان بالطرح ..!!

تبقى وجهة نظر شخصية .. انا اشوف اننا كذ1 .. قد اكون خطيء ..

وبالتوفيق لـ زعيمنا .. ومابقى الا 8 مباريات على الموسم .. أهم شيء التكاتف
والموسم الجاي يحلها ربك .. انا اتوقع ابن مساعد من الحين يشتغل على المدرب والاجانب ..

8 مباريات مع دور الـ 16 الاسيوي .. واذا كملنا الى نهائي كاس الملك ..

ماراح يمر على سمو الأمير ذا الموسم بدون دروس .. أكيد استفاد منه ..
وبالتوفيييق ان شاء الله في باقي المباريات