[saadm90]

السلام عليكم و رحمة الله و بركاته ,,

اعزتي انا شخص تعجبني البساطه في طرح المواضيع و سادخل في صلب الموضوع !

نقاط و عليها اكثر من علامة استفهام !!

* التفريط بـ عيسى المحاني اللي كل ما دخل مباره سجل لك هدف و الابقاء على كابرس 77 !!
* التفريط بـ احمد الفريدي !!
* اسامه هوساي !!
* ماجد المرشدي مكانك الفيصلي او الرائــد و ليس الهلال
* مختار فلاته تم التعاقد معه و لم يلعب مبارة رسمية مع الهلال !! ليش !؟ ناقص رجل اللاعب !؟
* عبداللطيف الغنام مبارة في الدوري و عشره في غرفة العلاج !! عطو القرني فرصة لاعب صغير و واعد و من افضل المحاور في السعودية مستقبلا !

و الاداره لم تعلق اي منها !! و تتجاهل الموضوع و العذر نصبر لنهاية الموسم , هاذي نهاية الموسم و ابي اشوف ايش تسوي ادراة شبية الريح !!

و لو تلاحظون معي كل افرقه دوري زين سجلت في الهلال ما عدا النصر ( في الدوري ) !! و المعنى واضح خط دفاعك حواري !! و هذا شيء بديهي !!

أي تخبط تعيشه ادراه الريــح ! اجل حسن معاذ و الشهراني يطيرون من الهلال !؟ و هم المراكز اللي محتاجها الهلال في المرحلة القادمة و تجيب لي بارقــي و تفرط في عيسى و تبقي على الكابرس المخبط (77) !!!!!!

* السيد هاسيك : انت بحاجه الثلاث نقاط لتكسب المركز الثاني على الاقل لتلعب في دوري ابطال اسيا السنة القادمه و تتعادل مع الاتفاق و في الرياض و 3-3 !؟؟؟

وجمهور الهلال يصيح نبي اللاعب هذا و اللاعب هذاك !! شبية الريح الجمهور يبي لاعب محلي ما نبي مثالية زياده عن حدها مع اداراة الاندية الاخرى فنحن في زمن الاحتراف !!

سامي الجابر : انتقده الجمهور كثيرا !! لو الله ثم سامي لكان الهلال مع النصر و الاتحاد الخامس و الا السادس !

مطلبنا جمهور الهلال هي : مدرب مثل العالم و الناس و ما تجيب لي من طقة دول ! اجل تم اختيار دول لانه طموح !؟ شف طموحه وين وداك !! حسن معاذ و ياسر الشهراني و اجانب على مستوى عالي ! يعني يصنع الفارق

نجوم لا نبخص حقهم هذا الموسم و هم شباب النادي : نواف العابد , عزوز الدوسري , سالم الدوسري , سلطان البيشي . شكرا يا ابطال

*وجة نـظر *
ادارة شبية الريح نقول لكم شكرا و ما قصرتوا و عطو الفرصة لغيركم ! اذا ما تبي تجيب لي حسن معاذ عشان البلطان لا يزعل عليك و تعطيه فوقها المحياني انا كمشجع هلالي وش استفيد !؟ انا بالطريقه هاذي جالس اقوي اقرب المنافسين لي !

ناسف على الاطاله و نرحب بالنقد البناء .

اخوكم : سعــد العتيبي