[king.yasser]

والله الواحد صار احيانا يحس اذا بغى يكتب موضوع يناقش بعض السلبيات في الفريق كأنه بيكتب في السياسه مع ان مناقشة امورالسياسه اصبح فيها حريه في كل دول العالم ،يعني لازم الواحد يقعد يطبل للصح والغلط علشان يرضون الأخوه المشرفين .
اقسم بالله ان ادارة الهلال ترغب في النقد الهادف حتى من المشجع العادي ويمكن رأيه افضل واصوب من عضو مجلس اداره وكلنا عارفين ان كبار مسئولي النادي ولاعبيه يقرأون بعض ما يكتب في المنتدى وما اعتقد انهم يزعلون من النقد البناء سواء كان في مستوى الفريق او في العمل الاداري .

يا اخواني يا مشرفي المنتدى ماهو معقول اللي قاعد يصير الكثر من المشاركات اللي يكتبونها الاعضاء يكون مصيرها سلة المهملات مع اني متأكد ان الكثير منها مافيه اي غلط على أي شخصيه او جهه ولكن المشكله تكمن في فهم المشرف لهدف ومعنى المشاركه ..لازم نقدم حسن النيه على سوئها.

مابقي الا نلقي القسم ونثبت لكم اننا هلاليين مثلكم ويهمنا ان فريقنا يبقى الاول ونحترق اذا حسينا ان فيه اخطاء واضحه للجميع ومايتم علاجها خاصة اذا كانت في مستوى لاعبي الفريق خاصة الاجانب او طريقة لعب المدرب .

يا شباب لازم تستوعبوا ان الهلاليين مايرضوا يكون فريقهم في المركز الثاني فكيف والآن فريقنا في المركزالثالث يعني لازم تخلوا الجماهير تعبر وتفضفض وتقول اللي في خاطرها .

اكتب مقالي هذا وانا متأكد انه رح يكون مصيره نفس مصير المشاركات السابقه لكن مانقول الا الشكوى على الله .