[(فيصل العنزي)]

أول شي بسم الله والصلاة والسلام على رسول الله
ثانيا هاردلكم على النتيجة معوضين بالقادم ان شاء الله انا حبيت بس اكتب رسالة لجمهور الهلال وسمو الامير عبدالرحمن بن مساعد وخصوصا جماهير الهلال انا استغرب صراحة من ردة الفعل السلبية يعني اني خسرت مباراة او بطولة اشن على الرئيس حملة لمطالبة باقالته ياجماعة الخير قبل لانكتب أي شي لازم ناخذ الامور بعقلانية اكثر يعني سمو الامير ماقصرجاب اجانب ممتازين كسي في لكن مسالة التوفيق بيد رب العالمين وش ذنبي اذا جبت العربي ثاني هدافين الدوري الفرنسي والكوري هداف الدوري الكوري وهرماش الاعب اللي كان منتخب فرنسا يطالبه بانه يلعب مع المنتخب الفرنسي وايمانااحد افضل عشرة لعيبة بالدوري الاسباني واجي بعد كل الصرف والدفع الوم رئيس نادي واقول ( ليه اللعيبة الاجانب فاشلين) هو (بيده شي) اما بالنسبة للمدرب فعلا لنا الاجقية بانا نطالب بالتقصير من الناحية هذي بس مايتحملها الرئيس لحاله فقط بل معه سامي الجابر اللي يستعين به الامير بالامور الفنية ومع ذلك محد جاب طاري سامي بالموضوع وبالعكس انا ماني ضد سامي لكن كل فريق إلا تجيه نكسات في بعض المواسم والفريق البطل هو اللي يعيد ترتيب اوراقه بسرعة حتى لو كان بالموسم اللي بعده وبالنسبة لأسيوية ريال مدريد ماجاب اوروبا من له عشر سنوات تقريبا ومع ذلك حنا ماخرجنا والامل موجود لكن مع الجهد والتكاتف نقدر نرجع للبطولة اما رسالتي لسمو الامير عبدالرحمن بن مساعد بالعكس حنا معاك قلبا وقالبا وتاكد كل فريق بالعالم الا له نكسة او عقدة معينة لكن مع الاستعانة بالخبرات الجيدة وجلب مدرب امثال رافائيل بينيتيز وكابيلو وعلى شاكلتهم صدقني راح يرجع الفريق اقوى من اول ولاتنسون ياشباب البطولة الاسيوية صارت اصعب من اول مع كامل احترامي اول كانت معظم الفرق استراحات وماكان عند الفرق الاجانب الفارقين بالاندية الاماراتية والقطرية وحتى الكورية واليابانية وبالتوفيق وسامحونا على القصور