[الهلالي بيانكو]

السلام عليكم و رحمة الله و بركاته
طيب بقول مو هارد لوك و لا مبروك اللي بقوله حرام اللي جالس يصير .

الهلال يدفع ثمن إقالة دول هذا اللي أقوله و متأكد منه مليون في الميه


نقدي بيكون المره هذه مقسم ع جزئن :-

1 - المدرب :-
المدرب للأسف ما أدري وش أقول عنه لكن كل يوم أكتشف إنه مو ذاك الزود في التدريب أكثر من مره يخطي و أخطأء بدائيه . مثال :-

مباراة اليوم كيف تلعب بدون صانع لعب شوط كامل .؟ كيف تمول الهجوم إن مافيه صانع لعب ..؟

يعني يلعب مهاجمين لكن بدون صانع ألعاب كيف بتسجل .؟

ناهيك عن قلب الدفاع اللي ينقله ظهير أيسر .؟ وش سويت يا مدربنا القدير .؟
طبعاً غير التشكيل كل شوي تشكيلة جديده هو الهلال حقل تجارب مثلاً .؟

هنا أكبر خطأ في إدارة أميرنا الموقر التعاقد مع هاسيك و إن لم يقال فراح أقولها و ما عندي مشكله
هلال 2012 يحذو حذو هلال 2004 . و الله يستر من الجاي .


2 - اللاعبين :-
طبعاً الحين توي تأكدت زمن الولاء انتهى مافي أحد يلعب لجل شعاره يلعب لجل المال إذاً لا ترجو شيء من من يلاحق المال فهمه الاكبر جمع الثروه لا يهم ما يقوم به ...؟

كل ما أشوف حبايبي اللاعبين حالياً أقول آه يالقهر زمان وين ..؟ اللاعب يلعب لجل الكوره مو لجل المال و أتذكر قول يوسف الثنيان :- نفرح لما نآخذ لنا بوت هديه .

شوفوا الفرق كيف ناس تفرح بالبوت الجديد لجل يلعب فيه و ناس ملايين تآخذ و لا نشوف ربع مستوى زمان .؟

و كل لاعب من زمان وش يقول مالي نفس ألعب لكن لما أشوف الجمهور أبدع بس على شانهم هم دفعوا 20 ريال لجل يتمتعوا فلازم أمتعهم ..!

الحين تجي أو ما تجي ما يهم المهم آخر الشهر آخذ مرتب بملايين .؟

الحل بسيط نرجع العقود مثل أول و بنشوف كوره ممتعه ....

نقول :-
عظم الله أجر الكره الهلالية خاصة و السعوديه عامه .


و في الختام تقبلوا تحياتي

أخوكم الهلالي بيانكو