[واحد شاي]

السلام عليكم ياجمهور الزعيم

أولا مبروك الفوز بـ 5 ولله الحمد

وأحب أبشركم إن فوز الهلال على الفتح بـ 5 خلى فارق الأهداف بين الهلال والأهلي
+34 هدف

يعني لو تعادل الهلال والأهلي بعدد النقاط راح تكون الحسبه للهلال بإذن الله

لاننا فزنا عليهم بـ 4 في الدور الأول

وهم فازوا علينا 1 في الدور الثاني مع إلغاء هدف صحيح لنا

الأخطبوط بول يظهر لكم من جديد هههههههههههههههه

ويقول لكم بإذن الله سبحانه الدوري للهلال

يارب يارب يارب

سبحان الله

http://vb.alhilal.com/t1089035.html

^

في موضوعي هذا قسم بالله كتبته وكان عندي إحساس كبير بأن فيه مفاجأه راح تصير في يوم الخميس الماضي

وكررتها أكثر من مره ( الأمل بالله سبحانه موجود ) وتفائلوا بالخير يازعماء

صدقوني الكوره مافيها شي مستحيل والدوري للهلال بإذن اللي ماتنام عينه

يوم الخميس الماضي

فاز الهلال بخماسيه ورجع فارق الأهداف للتساوي مع الأهلي

خسر الأهلي < وهذي إحدى المفاجآت اللي كنت متوقع إنها راح تصير والحمد لله صارت

وتعادل الشباب بصعوبه مع الإتفاق وآآآآآآخ ياحمد الحمد على ركلة الجزاء بس

في الجوله الماضيه

تقدم الهلال 3 نقاط

تقدم الشباب ( نقطه )

وتقدم الأهلي 0 نقاط

الفارق النقطي الآن بين الفرق الثلاثه هو نقطتين بين كل فريق وفريق

الشباب 60 وكنت أتمنى لو أنه أخذ هالنقطه من أمام الأنصار

الأهلي 58 على حسب توقعي والخطه ماشيه مضبوط ولله الحمد

الهلال 56 ( فزنا على الفتح بخماسيه ولله الحمد والشكر والخطه ماشيه مضبوط بعد )

في الجوله المقبله إن شاء الله مباراة الأهلي لاتعنينا الشيء الكثير بقدر مباراة الشباب والأنصار

في حالة فوز الشباب على الانصار بأي نتيجه الهلال يفقد الدوري بشكل رسمي

لانه راح يوصل للنقطه 63 وهالنقطه الهلال ماراح يوصلها حتى لو فاز على نجران والإتفاق


لكل المتشائمين

ولكل من بيقول انت تحط نتائج على كيفك!

ولكل من بيقول مستحيييييييييييييييل!

تذكروا أولا بأن التفائل مطلب ضروري

والرسول صلى الله عليه وسلم قال تفائلوا بالخير تجدوه


تفضلوا هالنتائج عشان تتأكدون بانه لايوجد شي اسمه مستحيل في كرة القدم

خصوصا إن الفرق اللي راح تلعب مع المتصدرين في الجولتين القادمه كلهم يبحثون عن نقطه للهروب من القاع

فكيف لو تحقق الفوز ؟

الفتح لحق الأهلي في آخر 10 دقايق وعادل النتيجه من 3-0 الى 3-3 !

الأنصار عطل الإتفاق وتعادل معه

التعاون فاز على الإتفاق !

الرائد أحرج الشباب في الرياض لآخر دقيقه ولكن الحظ خدم الشباب كالعاده وفي آخر دقيقه فاز الشباب!

نجراااااااان كذلك سبق الفتح على نتيجته مع الأهلي
وعادل الإتفاق بعدما كان خسران منه 3-0 !!!

وأزيدكم من الشعر بيت بعد

التعاون فاز على الإتحاد في بريده

والقادسيه أخذ نصيبه من النصر

والرائد خسر من الأهلي في جده بهدف وحيد !

فكيف راح تكون النتيجه في بريده ؟؟؟

كل هالنتائج قابله للتكرار يوم 8 أبريل بإذن الله

كل أمنياتنا مع الأنصار بتعطيل الشباب بإذن الله عزوجل

كأقل تقدير التعادل معه وبس

الأنصار راح يلعب مباراتين كلها في المدينه قبل مباراته مع الشباب

الأولى مع الرائد والثانيه مع الفتح

لو فاز الأنصار على الرائد والفتح

فراح يلعب مباراة الشباب للفوز
( لأن بيكون له بصيص أمل بالبقاء في الدوري ) بشرط خسارة التعاون من النصر اليوم ومن الفتح في الجوله المقبله وهذا شي متوقع بصراحه وإن شاء الله يصير

الرائد بيلعب مباراتين كذلك قبل مباراته مع الأهلي

إن شاء الله يخسر الأولى اللي بتكون مع الأنصار

ويفوز في الثانيه اللي مع الإتفاق خصوصا إنها بتكون في بريده

عشان يلعب مع الاهلي ( للهروب من الهبوط ) فقط لاغير

إن شاء الله بالجوله 24 فيه مفاجأه راح تصير
وطبعا مافيه مفاجأه الا ان الأنصار يفوز على الشباب أو يتعادل معه وبس

لاني مثل ماقلت لكم فوز الشباب على الانصار لاسمح الله يقطع الشك باليقين ويؤكد بأن الدوري أصبح بين الشباب والأهلي رسميا.

لو قلنا تعادل الشباب مع الأنصار وبإذن الله هذا اللي بيصير
وتعادل الرائد مع الأهلي كأقل تقدير

وفاز الهلال على نجران

يصير الترتيب كذا

الشباب61 نقطه
الأهلي 59 نقطه
الهلال 59 نقطه ( ويمكن نكون الثاني بفرق الأهداف إن شاء الله )

في الجوله الأخيره

الأهلي بيكون مؤهل بقوه للفوز على الشباب بدافع الارض والجمهور في جده

والهلال بيكون مؤهل للفوز كذلك على الإتفاق لأن المباراه في الرياض على ارض الهلال وبين جمهوره

أضف إلى ذلك الهلال راح يلعب ( للدووووووووري )

ليش ؟

لأن فوز الأهلي على الشباب يمنحه النقطه 62

وفوز الهلال على الإتفاق يمنحه النقطه 62 كذلك

ولكن نتيجة المباراتين بين الهلال والأهلي

تتوج الهلال بلقب الدوري

لأننا فزنا عليهم 4-0 في الرياض
وهم فازوا علينا 1-0 في جده !

أدري لحست مخكم مثل ماإنلحس مخي هههههههههههه

ولكن كل اللي نقدر نقوله هو الله يسخر النتايج لخدمة الزعيم يارب للفوز بالدوري يااااااااااااارب

مطلبنا الوحيد في الجوله القادمه على أقل تقدير

أن يخسر الشباب والأهلي في الجوله المقبل أو يتعادلون ونكون للأنصار والرائد من الشاكرين

بإذن الله
يتعادل الشباب مع الأنصار ويخسر من الأهلي
ويتعادل الأهلي مع الرائد ثم يفوز على الشباب

وحنا اذا فزنا على نجران والإتفاق والتوقعات اللي فوق مشت مشبوط
فمبروك لكم الدوري بإذن الله

بعدها بيكون الترتيب كذا

الهلال 62 نقطه
الأهلي 62 نقطه بفارق نتيجة اللقائين ضد الهلال
الشباب 61 نقطه


لكل المتشائمين

بدل ماتقعد تقول مستحيل ومستحيل

قل الله يوفق الهلال للبطوله يارب
والله يسخر الفوز للأنصار والرائد يااااااااااااارب ياكريم ونحقق الدوري

صدقوني بيكون أحلى دوري وربي



نقطه أخيره

تخيلوا بس تخيلوا

فاز الأنصار على الشباب
وفاز الرائد على الأهلي
وفاز الهلال على نجران


بيكون الترتيب كذا

الشباب 60
الهلال 59
الأهلي 58


ثم يتعادلون في جده ونفوز على الإتفاق


يالبييييييييييييييييييييييييييييييييييييييييييه بس

يالله ياكريم
يسرها للزعيم يارب



إن أصبت فمن الله
وإن أخطأت فمن نفسي والشيطان


في أمان الله