[خبير دلاخه]

هجوم الهلال ..

اذا جبت هداف من الدوري الفرنسي .. هداف من الدوري الكوري .. ياسر .. المحياني .. الحارثي .. وكللهم لم ينجح احد !!

معناته مو مشكلتك في الهجوم !! ممكن تكون في الوسط ذو النزعه الهجوميه !! اذا مهاجم ما جته فرص في منطقه الجزاء .. لا تطلب منه يرجع يجيبها من الوسط !!

درب الوسط على انه يسحب الدفاع ويرسل الكوره للهجوم !!

الكوري ..

لاعب قدمه قويه .. ورأسه مجرم !! وش تبي اكثر من كذا في المهاجم ..

فشل اللاعب هو فشل للاداره !! لاعب لا يتكلم اللغه !! ليش ما يجاب له مترجم ؟؟ ليش ما يشاف ايش مشكلته وتحل ؟؟

شخصيا جربت العيش في دوله ما اتكلم لغتها .. ومع اني اتكلم انجليزي .. ولا يحتاج اشتغل .. مرررره متعبه ... حتى طلب الاكل من مطعم يكون مشكله !! بالاضافه انه ما كان وراي ملايين ينتطرون مني الابداع

اتمنى عدم رحيله !! واتمنى من الجمهور الهلالي انه يشجعه في المباريات ويحسسه بالثقه ..

العربي ..

سجل 12 هدف .. ولا واحد منها ضربة جزاء .. بس بصراااحه .. لاعب ما تحسه يحسم مباريات !!

على قيمته والمبلغ المدفوع .. اتوقع اكثر منه !!

رأسيات الكوري وحركته افضل من العربي بكثير !!

الحارثي ..

اتمنى اتمنى اتمنى انك ما تتبع طريقة ياسر سابقا بالسقوط للحصول على خطأ !!! قاتل .. واذا حالك خطا .. ما في مشكله !! لاكن لا تمثل .. ولا تضيع هجمات .. علشان تحصل على خطأ !!
هذي طريقة لاعب ما عنده ما يقدمه .. وانت اكبر من كذا


برغم من ان المحياني ما يفيد الفريق فنيا كثير !!
بس احقاقا للحق .. بعكس البقيه .. لاعب يغرد خارج السرب !! ويحسم مباريات !!

___________

نحتااااج مدااااافع اجنبي !!!

نعم .. نحتاج لاعب يعتمد عليه (مثل تفاريس سابقا) !! يكون بجانب هوساوي !!

لمتى واحنا معتمدين على هوساوي فقط ؟

خبير دلاخه