23/03/2012, 07:57 PM
|
 | زعيــم مميــز | | تاريخ التسجيل: 06/09/2009 المكان: قــ(سـامـي)ـلـب
مشاركات: 3,868
| |
|
بيكفي ضغط ي جمهور الهلال كرهنا العالم فينا ..!!
السلام عليكم ورحمة الله وبركاته أخباركم ي جمهور الزعيم  بدخل ع الموضوع مباشره الكل شاف مباراة الهلال مع الغرافه واحداثها والمستوى والنتيجه وكل شي صحيح اننا عصبنا وانقهرنا وانا اول وحده عصبت بس اني ازيد عن حدودي هذا مستحيل وأنا شفت بتويتر والفيس بوك وبعض المواضيع اللي الى الحين يكتبون عن التعادل وسب باللاعبين وفيه ناس يرسلون للامير عبدالرحمن تجريح مو نقد ! اول شي هذي مباراة يعني يحتمل التعادل - الخساره - الفوز وبعدين لسى هذي ثاني مباراة بآسيآ وبقى دور ثاني يعني مافقدنا الأمل واحنا كجمهور هلالي بصراحه كرهنا العالم فينا من المواضيع اللي نكتبها بكرا ماراح احد يلعب للهلال بسبة جمهور اللي مايرحم ابد حتى رئيسهم ! وكل مانتعادل اشوف مواضيع وصور ليآسر صحيح ياسر اشتقنا له وننتظر رجعته بأسرع وقت بس اتركوه هو طلع من السعوديه عشان يرتاح من الضغط وحنا وراه وراه اعطوه فرصه يرجع لمستواه ويقدم اللي عنده وانا لو بيدي كان رجعت ياسر اليوم قبل بكرا بس هو اختار طريقه وبوقت الفوز ماشوفكم تطرون ياسر تختفي حنيتكم لياسر ! ولاعبينا ماخذلونا بنعطيهم الفرصه يقدموا كل اللي عندهم كفايه ضغط عليهم احنا اللي ندمر اللاعبين مو هم ! والتعادل او الفوز او الخسارة مكتوبه عند الله يعني مو بيد الامير عبدالرحمن شي انه يخلي مباريات الهلال كلها فوز عشان يرضي جمهوره !!! لازم نبقى مع الهلال ع الحلوه والمره وياما اسعدنا بعد الله بالبطولات وفرحنا فيه جاء وقت الضيق اللي نوقف معه لاتخلون الامير عبدالرحمن يندم انه بيستمر 4 سنين احنا مع كل هلالي سواء اداري، لاعب ، جهاز فني واعطوا المدرب حريته كل شوي طاردين مدرب بسبب ضغط جماهيري خلاص تكفووون بيكفي ضغط انآ يرتفع ضغطي لاقريت المواضيع عاد كيف الامير عبدالرحمن او احد الاداره وكل ماشوف مداخلات الامير عبدالرحمن او نواف لاجابوا لهم طاري الجمهور يقولون الجمهور ع رآسنا ولو بيدينا كان نسعدهم وكل ماسمع الكلمه أستحي من اسلوبنا معهم ! #الأمير عبدالله +الأمير عبدالرحمن + الأمير نواف + سآمي الجابر + حسن الناقور احنا معكم وشكرآ من القلب ع اسعادنا ونتمنى استمراركم ل4 سنين  # كل الشكر لأسامه هوساوي ع وقفته الصادقه رغم ايقافه # جمهور الهلال كل ماتصير انتكاسه للهلال مانبي نشن عليه هجوم احنا كل العالم تحاربنا وتتمنى سقوط الهلال بأي طريقه وهالشيء مانرضآهـ مهمآ كان اذا احنا ماوقفنا مع اللاعبين اجل من بيوقف معهم اذا حتى الجمهور ضدهم !! أتمنى الوقفه الصادقه مع الهلال لأنه بأمس الحاجه للجمهور كل مانخسر او نتعادل لاسمح الله كل مباراة بنفتح صفحه جديدة ننسى كل شي ونفكر بالقادم لأننا بدون الهلال مانسوى  وآسفه ع الاطاله بس اللي بقلبي قلته  نلتقي ع خير ان شاءالله  |
الوضع الشجري
