[شاعر الهلاليين]

بدون مقدمات

إهداء شخصي لشبيه الريح....






الشمس ماتحجب أماني أزرقك
.......والريح لو ماهي شبـيهك تنـسـبــق

دثرّت حرفك بين حبرك وورقك
......وسهرت مثل الغصن ساهر للورق

هجرت شعرٍ كان نايه عـاشقـك
........ لعـيــون لـونٍ في الـملاعب ينعشـق

ستة غيومٍ جـبـتها مع بـارقــــك
........ وحاسدك مابين الصواعق والغرق

الكاس يتـنـفّـس طهارة مرفـقـك
........... نتلو عليك اليوم آيات الـفـلــق

وادري زعـامتنـا المريحه ترهـقـك
........مثل ( القلق ) بالعكس نقراها ( قلق )

يعني يابو فيصل تخيـّـل مشرقـــك
........ لا من توهّـج سال من غيرك عرق

الصمت يفقد هيـبـتـه من منطقـك
.........واللي حكى بعدك أبد كنه ( نهـق )

ماظن غير النوم مـنـا يسـرقـــك
.......... وامّـا بحلمك كلنا لك ننـســـرق

يابحـرنــا ذاك الخشب لا يقـلقـك
....... طافي ومن ضعفه ترى ماقد غـرق!

حنا محـبـينـك وقبل نصـدقّـــك
......... ندري بأنك لو بتخطي من صدق

لا تـنــزعـج واللي خلـقـنـا وخالـقـك
........... لاصرنا الاول لازم اخرنا أرق

تدري يابوفيصل وش اللي حارقك ؟!
تدري يابوفيصل وش اللي حارقك ؟!
تدري يابوفيصل وش اللي حارقك ؟!

............إنك أبد ماتـحـتـرق .. مـاتـحــتـــرق



بقلم / شاعر الهلاليين