[هيمو الخيبري]

السلام عليكم
اولا هارد لكم الهزيمه من الغرافه انا صراحه اعتبرها هزيمه لأن الغرافه كان سيء ومن الممكن نهزمه بخمسه وسته لكن للأسف استهتار وبروود ومافي روح من اللاعبين
الأخطاء امس كانت واضحه وماتحتاج خبير فني يحللها
اولا الهدف الاول خطأ من المحاور والقلووب كان خيرات يغطي ميرغني والباقين يتفرجون بالمحترف الي اخترق وممررها لميرغني والحارس كالعاده يتفرج بالكوووره ومد يده لها عشان محد يقول انه ما اجتهد طبعا الحبيب مايبغى يتعب نفسه
الهدف الثاني الحارس ما ادري ايش يسوي ينتظر الدفاع يطلعونها وتمر جنبه ذكرني بحارس هجر مع الاهلي وكأنهم متفقين ع نفس الشي هدف التعادل البلنتي كان بأمكانه يقفز ع الكوووره لأنها قريبه وعساس كان مرتبك لمن شات الكوره
ابفهم شي واحد بس فهد الشمري وينه ليه مايلعبونه اساسي خلاص ملينا من شراحيلي الفريدي هبط مستواه وقامت الدنيا عليه وشراحيلي له كم مباراه يخطي وينكبنا ويلعب اساسي اقل شي نزل السديري اذا مو موجود الشمري عشان يعرف انه مو لوحده بالفريق وان النادي مايوقف عليه
شراحيلي مستواه سيء جدا ولا زم يلقون له بديل
الدفاع اسوأ مايمكن وانا قلت هالكلام من قبل بداية الموسم وقبل التعاقد مع المهاجمين ماله داعي مهاجمين 2 ما ادري لهاالدرجه الاداره تأثرت بكلام بعض الجماهير العاطفيه الي ماتفهم بالكوره الا ان النادي لازم يفوز وبس اذا انهزمنا مباراه لازم الاداره تستقيل او المدرب ياحبيبي الكوره فوز وخساره وحطو فبالكم راح يجي يوم من الايام وراح يكون وضعنا مثل الاتحاد حاليا الله لايجب ذاك اليوم بس لازم الواحد يعرف ان مو كل احد ياخذ زمنه وزمان غيره
اتمنى نعدي دور ال16 ع الاقل وبعدها الاداره تجيب قلب دفاع وتجيب ظهير ايسر مانحتاج الا محترف واحد بكل خانه يعني الدفاع محتاجين قلب والمحور موجود هرماش ومستواه ممتاز وسط موجود ويلي هامسون الهجوم اما انا نبقي ع الكوري او يرحل هو والعربي ونجيب مهاجم خليجي افضل لأن فيه كثيرين ممتازين بدر المطوع واحمد خليل ولو ندور نلقى واسعار معقوله
الزوري +الغنام + المرشدي + شراحيلي +الدكه مكانكم كبدلاء
اتمنى يكون فيه جديه وحسم من مرتباتهم عشان يحسون حنا مانلعب بالدوري ع الاقل الدوري نسبة تحقيقه ضعيفه لكن اسيا ضيعنا صدارة المجموعه باستهتار اللاعبين كان بأمكاننا الفوز على بيروزي الي والغرافه بيروزي ماعنده شيلكن يلعبون بواقعيه وع قد امكانياتهم مايستهترون بالخصم وحققوا الي يبغونه الغرافه سيء الشباب اسوء فريق بالمجموعه
اتمنى الاداره تبدأ بمحاسيبة هاسيك من االان اذا عنده شي يقدمه ماعنده الله معاه مايلزم وسامي يكمل المهمه وانا متأكد لو سامي يمسك الفريق الموسم القادم راح ينسينا كوزمين وجيرتس اتمنى يعطى الفرصه لأنه عارف الفريق زين
وبعدين وش سالفة طبيب النادي كل شوي اصابات ولا ياعاج اللاعبين زين والي يرفع الضغط الاداره ساكتين ليه ما ادري يكفي خسرنا عزوز والعابد والعتيبي اتمنى الاداره تنتبه لهاالنقطه ......
واخير الفئات السنيه في تدهور الاولمبي صاير ملطشه الشباب ماكلين اربعه من الاتحاد ولا حياة لمن تنادي.....