[طبعآ]

السلام عليكم ورحمة الله ,,



ماعرف للمقدمات ندخل بالموضوع على طووول ..
انا والله ما اكتب مواضييع كثير لأن الاعضــاء هنا يكفوون وزياده
لكني متابع شبه يومي او يومي لشبكة الزعيم واتابع كل الي فيها من اخبار واراء


طبعا كلنا شفنا مباراة الغرافه والهلال .. وشفنا كيف كان "تخبييص" المدرب الي مدري كيف صار مدرب
يعني الخلل واضح من مباراة بيروزي الايراني في الهجوم ,, وواضح ضعف الكوري الله يفكنا منه باقرب وقت
لييه يتفلسف ويبدأ فيه اساسي والعربي موجوود !! والله شــيء يرفع الضغط .. وشفنا العربي من اول لمسه هدف لكن الوقت ما اسعفه لو كان من بداية المباراة اساسي كان صارت علووم .. انا ما اقول ان العربي فلته زمانه لكن الجود من الموجود ..



وكمان عندنا في الوسط ( ويلي - الشلهوب -الدوسري ) يعني مبالغه هرماش في الهجوم مالها داعي بالذات مع الضعف الواااضح في مستوى الغنام الي مايقدر يلعب محور لوحده .. صح ان هرماش سجل هدف لكن كان دفاعنا مكششوف لأي هجمه شبه مرتده ولو الغرافه كان بمستوى احسن من الي لعب فيه كان سجل اكثر من هدف من المرتدات ..

وكمان الحاااااارس .. الف علامة استفهام .. اذا كان العتيبي جاهز .. فحراام يلعب شراحيلي !!



يعني الخلل واضح ميه بالميه من المدرب ..
وعشان كذا انا اقول ان الهلال يحتااج لقرار شجــاع وجريء وعاااجل لاقاله المدرب ..
وبونان وساامي راح يكملون المهمه على اكمل وجه بأذن الله .. زي ماشفناهم في كأس ولي العهد رغم الاصابات ونقص المغاربه كيف ابدع الهلال وامتع وذكرنا بهلال جريتس ..

راح ينجح تغيير المدرب بأذن الله والامثله كثيره :

شفنا الاتحاد غير ثلاث مدربين في الموسم ( ونجح على قد طموحه والاتحاد تتطور مستواه )
والتعاون غير ثلاث مدربين ( ونجح على قد طموحه وتغيير لعب التعاون وفاز على الاتفاق رابع الدوري)

واحنا احسن منهم لاننا ماراح نجيب مدرب جديد على الفريق بالعكس راح نجيب مدرب مننا وفينا وفاهمنا وله تجرب ناجحه وخلاص كاس فيصل راح يعني المدرب بونا فاااضي


ولو نحسبها صــــــــح ,,,,


-الهلال ياقيله 4 مبارايات في الدوري غير مهمه يعني المركز الثالث مضمون بعد خسارتين للاتقاق
وميارايات الدوري سهله باستثناء المباراه الاخيره مع الاتفاق وفي الرياض وراح تكون محسوومه الامور ..


-اربعه مبارات في الاسيويه .. هي مبارايات اكون او لا اكون .. وهي المباريات الي راح تنسينا خسارة الدوري لو فزنا فيها وتأهلنا ابطال للمجموعه ..

-وكاس الملك .. والي جاب ولي العهد من قدام الاتحاد والنصر والاتفاق .. قاادر بأذن الله انه يجيب كاس الملك ..


يعني ماافي وقت انسب من هذا الوقت انو نشيل المدرب هاسيك ونبدلهم بالثنائي بونان وساامي ..
والله راح يتغير الهلال واتمنى مانندم على ابقااء هااسيك المدرب الفااااشل والي مشغوول مع اهله ومشاكلهم
واحنا ماعندنا وقت هذا وقت حصـــــــاااد



اتمنى الصووت يوصل للادارة وسامحووني على الاطاله وعدم ترتيب الموضوع اهم شي ان شاء الله انو الفكره وصلت ..

اللهم وفق الهلال ... اللهم امين