[غالي علينا]

بسم الله الرحمن الرحيم

في البداية مبروك علينا التعادل و أنا والله العظيم كنت متوقع الخسارة ولا شيء غير الخسارة لكن اللي فاجئني في المباراة هو ضعف فريق الغرافة يعني من الأخير بيروزي بيهزمه بكل سهولة على العموم مبروك علينا التأهل كثاني المجموعة وملاقات نادي الإتحاد في جده كأول المجموعة والعلم عند الله هذي توقعاتي هذا بالنسبة لي هالبطولة الآسيوية هالسنة
أما بالنسبة لنادي الهلال أنا سوف أتكلم بكل صراحة ويارب الأمير عبد الرحمن بن مساعد يشوف هالموضوع و إذا فيه أحد يقدر يسوي له نسخ ولصق في تويتر الأمير بأكون شاكر له
شوف يا رئيس النادي أنت ماقصرت هذا الظاهر و إن شاءالله تكون كذا لكن أنت عندك ثلاث مشاكل الأول وهي إنك ماتفهم كورة بالعربي كذا أما الثانية وهي سامي الجابر مضيع كل جهودك و والفلوس اللي تصرفها على النادي أما الثالثة وهي أنت رجل طيب زيادة وهالشيء ما ينفع لرئاسة نادي , لذلك سوف أوضح كل نقاط ضعف فريق الهلال و الحلول لهذي النقاط الضعيفة للفريق و إن شاءالله تسمعني هالمرة لأني ماني مصدق اللي اشوفه كل شيء موجود في عهدك يا شبية الريح إلا الفكر مع احترامي الشديد لك
نبداء على بركة الله
أول نقطة ضعف ( الدفاع )
وهذي المنطقة مهمة جداً في اي فريق ويجب أن تكون قوية جداً ونحن عندنا يقف في خط الدفاع كلاً من
الزوري المرشدي هوساوي نامي

طبعاً عندنا الزوري و المرشدي ونامي كلهم ضعفاء وليس مكانهم الهلال ويجب تغييرهم بأسرع وقت ممكن والله هذي الحقيقة مو كره لكن انا شايف كذا
الحلول: شراء عقد اسامه المولد ووضعه بدلاً من المرشدي
شراء عقد ياسر الشهراني ووضعه بدلاً من الزوري
وضع نامي على دكة الإحتياط واشراك سلطان اللبيشي بدلاً منه
و اخيراً جلب مدافع آسيوي قلب دفاع يشوت بقدمه اليسار ومتخصص للعرضيات يشيل اي عرضية طبعاً هالمدافع الأجنبي إذا توقف او اصيب اي من اسامه هوساوي او المولد ينزل بديلاً عنه
ملاحظة / لا تقولي ما نقدر نشتري المولد و الشهراني يزيد تعصب الأندية أقولك انت تبغى اسيــاء لأزم تكون قوي وماعليك من أحد هذا بالنسبة للدفاع انتهينا منه

ثاني نقطة ضعف ( المحور )
يلعب في منطقة المحور كلاً من
عادل هرماش و عبداللطيف الغنام
الحلول : هذي ما تحتاج معجزة يا سمو الأمير شيل عبداللطيف الغنام ونزل بدلاً منه محمد القرني والله لاعب صغير وبنية جسمانية ممتازة و الأهم أنه فنان ويقطع كور ويمرر ليش حاطينه احتياط والله هذا اللي قاهرني يعني فيه أحد محاربه والا المدربين للدرجة هذي مايفهمون كورة هذي مفروغ منها محمد القرني أفضل من الغنام بمليون مرة يعني من الأخير لأزم يلعبون هرماش و القرني مع بعض و إذا توقف أحدهم أو اصيب أحدهم ينزل سلمان الفرج بديلاً عنه وكذا انتهينا من منطقة المحور

ثالث نقطة ضعف ( صناعة اللعب )
يلعب في منطقة صناعة اللعب كلاً من
الشلهوب الفريدي العابد سالم الدوسري
الحلول : نحتاج صانع لعب يشيل فريق مثل تشيكو اللي كان في الإتحاد

رابع نقطة ضعف ( الهجوم )
يلعب في منطقة الهجوم كلاً من
ويلي هامسون و الكوري او العربي
الحلول : إلغاء عقود الثلاثة وجلب مهاجم مثل اسمواه جيان لاعب العين سريع وهداف وبنية جسمانية ولياقة وارجاع ياسر القحطاني ومع سعد الحارثي اعتقد يكفون وييوفون يعني من الأخير مانبغى في خط الهجوم غير ثلاثة مهاجم اجنبي خرافي و ياسر القحطاني وسعد الحارثي .

واللاعب الأجنبي الرابع ما نحتاجه حط قيمته في المولد والشهراني
و أخيراً سامي الجابر أنا احس انه هو اللي يختار اللاعبين الأجانب و البداية كانت مع أحمد علي المصري
يعني بالله مين اللي اختار الكوري !!! وقعنا معاه قبل يجينا دول
وهرماش و العربي وعسى الحالة ما استفحلت ويكون هو اللي جاب هاشيك
الحلول : جلب مستشار فني يختار لك اللاعبين الأجانب بديلاً من سامي الجابر يعني لو يكون المستشار اجنبي

هذا كل اللي في قلبي وطلعته و اللي عنده رأي ثاني يقول أنا بإنتظار أرائكم