مافي شي يستاهل .. والجاي افضل ان شاء الله ( دعوه للجمهور الحقيقي )
الحمدلله على كل حال
استغربت كثير اول مادخلت المنتدى بعد المباراه ..
حسيت ان فريقنا خسران وبنتيجه قويه بعد
غير الي يلوم شبيه الريح .. لا وبعضهم يطالب باستقالته بعد
ياجماعة الخير ترى فريقنا لعب وماقصر قدم مباراه حلوه رغم الغيابات وتخبطات المدرب ..
والجاي افضل ان شااء الله
كان الهلال ماسك المباراه من بدايتها وهجمات بالهبل .. ولولا تواضع امكانيات الكوري كنا حسمناها بالشوط الاول وبفارق مريح بعد .. لكن قدر الله وماشاء فعل ...
فريقنا الي ينقصه اشياء بسيطه بسس .. يعني ماله داعي نكبر الامور
1 / يرجع الدفاع ... البيشي والهوساوي والمرشدي
2/ نعطي مجال للوحش الي في الدكه .. المهاجم العالمي < العربي >
3/ يكون القرني اساسي مع هرماش
4/ يكون الفرج ظهير ايسر ثابت
5/ يرجع الفريدي او الدوسري للتشكيله الاساسيه
فريقنا ماعليه خوف ان شاء الله .. ولازم ندعم هالجيل لانه هو الي راح يحمل شعار الهلال في السنوات المقبله ان شاء الله
اخيراا
قريت موضوع خطير في المنتدى ان في واحد من الجماهير رح يترك الفريق بسبب المباراه
هذا الي نقوله الهلال مو بحاجتك انت والي مثلك يشجعون انتصارات الهلال ومايحبون كيان النادي
وفريقنا الان بحاجة الجمهور الحقيقي الهلال يحتاجكم الان اكثر من السابق
لازم نتكاتف مع الاداره والاعبين ونطلع بالفريق من هالدوامه المزعجه
تحياتي لكم /
الوضع الشجري
