فعلآ جماهير الهلال عاااااطفية جدآ ,,, وبدأ المندسين حملتهم وأستغلاالكم
بسم الله الرحمن الرحيم
السلام عليكم ورحمة الله وبركاته
هاردلك التعادل بطعم الخسارة رغم تفوقنا فنيآ والسيطرة على معظم المباراة ولكن قدر الله وما شاء فعل
جماهير الهلال وش حصل لكم صار كثير من جماهيرنا عاطفية جدآ وبوقت الفوز ترفعون بالفريق وبوقت الهزيمة أو التعادل تقلبون الدنيا فوق تحت !!!!!
هل أنتم فقط جمهور فوز ؟؟ ترا بأختصار هذه هي الكورة فوز وخسارة وألاحظ أن الكثير شاد حيله وشان حملة عنيفة على الإدارة والاعبين !!!
والله أنا مستانس بلعب الهلال اليوم رغم الضروف الي يعانيها الفريق من غيابات وإصابات وخط دفاعي جديد ويقدم مستوى وجالسين الآن تحاربون الفريق ؟؟؟؟
بالله عليكم وش أنتم ياللي تهاجمون الإدارة والاعبين وش تبونهم يسوون يعني الهلال أصلا من بداية الموسم وفيه مشاكل حاصلة بالفريق وضروف صعبة ولو مرت على فريق ثاني كان صقط صقطة شينة ومع هذا منتو راضين تقدرون أي مجهودات ومنتو معترفين أن الكورة تحصل فيها أخطاء
والله عيب على بعض هالجماهير من متى صرنا نهاجم إدارتنا ونهاجم لاعبينا وش مستفيدين من شتمهم وكلن يرمي كلمات تسيء لكل مسئول بالهلال هذا يعني اللي تبونه صايرين معاهم معاهم عليهم عليهم
فعلآ المندسين اللي يجتاحون المنتدى بين جماهيرنا سيطرررت على عقولكم وجالسه تسوي حملات لأجل أسقاطكم وللأسف نجحوا وهذا اللي يقهرررررررر
أتركوا عنكم هالمندسين وخلوكم مع الهلال وترا أنتم يالجماهير مسئولين مسئولية كبيرة تجاه فريقكم وجالسين تكسرون مجاديف لاعيبتنا وإدارتنا بسبب نرفزتكم والطبطبة على ظهور هالمندسين ومساعدتهم على زرع الفتنة بيننا
مباراة اليووم راحت بخيرها وشرهاا وخيرر ياطيررر لما نتعادل وش صار يعني
نقفل كيااان الهلال أو ضعنا مثلا ؟؟؟؟
حتى لو طلعنا من الأسيويه وحتى وأحنا خسرانين الدوري يبقى الهلال الكيان والحب والعشق فمن يرررجم ناااديه بشتى الكلام والشتم فليس هلاااالي وليس عاشق
أختم كلامي هذا وأتمنى من جماهير الهلال العاشقة والعاشقة فقط أن لا تعطوا هؤلاء المندسين أي مكان بيننا وكل خطأ بالفريق حصل راح يتصلح ومافيه حاجه ما تتصلح ولا تدمرون النادي بأنفسكم فكيان الهلال كيان كبيررر وعريق وليس أي أخفاق معناه أن الكيان أنتهى
أقول لكم أنظروا للإيجابيات بالاعبين ولا تنظرون بالسلبيات وحتى أن حصلت أخطاء فإيجابيات هؤلاء الاعبين أكثر من سلبياتهم
فمان الله
الوضع العادي
